શનિવારે આસામના દિમા હસાઓ જિલ્લામાં 300 ફૂટ ઊંડી કોલસાની ખાણમાં અન્ય એક મજૂર લિજાનનો મૃતદેહ પાણી પર તરતો મળ્યો હતો. મજૂરની ઓળખ 27 વર્ષીય લિજન મગર તરીકે થઈ છે, જે દિમા હસાઓના કલામતી ગામ નંબર 1નો રહેવાસી હતો. આ પહેલા બુધવારે નેપાળના રહેવાસી ગંગા બહાદુર શ્રેઠ નામના મજૂરનો મૃતદેહ મળી આવ્યો હતો. NDRFની ટીમ શનિવારે સવારે પાણીનું લેવલ ચેક કરવા ગઈ હતી ત્યારે તેઓએ લિજનના મૃતદેહને તરતો જોયો હતો. સવારે સાડા સાત વાગ્યાની આસપાસ તેને બહાર કાઢવામાં આવ્યો હતો. ખાણમાં પાણીના સ્તરમાં 6 મીટરનો ઘટાડો થયો છે. 5 પંપથી પાણી કાઢવામાં આવ્યું હતું. આસામના સીએમ હિમંતા બિસ્વા સરમાનું કહેવું છે કે આ કોઈ ગેરકાયદેસર ખાણ નથી, પરંતુ 12 વર્ષ પહેલા બંધ કરવામાં આવી હતી. ત્રણ વર્ષ પહેલા સુધી તે આસામ મિનરલ ડેવલપમેન્ટ કોર્પોરેશન હેઠળ હતી. 6 જાન્યુઆરીના રોજ, મજુરો પ્રથમ વખત ખાણમાં ગયા હતા. ઉમરાંગસોમાં બનેલી આ ખાણ 6 જાન્યુઆરીએ પાણીથી ભરાઈ ગઈ હતી. જેના કારણે ત્યાં કામ કરી રહેલા રેટ હોલ માઈનર્સ ફસાઈ ગયા હતા. બાકીના 7 મજૂરોની રેસ્ક્યૂ ઓપરેશન હજુ ચાલુ છે. ઉમરાંગસો કોલસાની ખાણમાં ફસાયેલા મજુરોના નામ ખાણ અકસ્માતમાં 2ની ધરપકડ આસામ પોલીસે ખાણ અકસ્માતના સંદર્ભમાં પૂછપરછ માટે એક વ્યક્તિની અટકાયત કરી છે. તેનું નામ હનાન લસ્કર છે. હનાનને ખાણના માલિકે મેનેજર બનાવ્યો હતો. તે મજુરોના પેમેન્ટનું કામકાજ પણ સંભાળતો હતો. ઘટના બાદ હનાન તરત જ ફરાર થઈ ગયો હતો. ગુરુવારે રાત્રે સર્ચ ઓપરેશન બાદ હનાનની ધરપકડ કરવામાં આવી હતી. આ કેસમાં પોલીસે અગાઉ પુનુષ નુનિસાની ધરપકડ કરી હતી. હાલમાં 12 પંપ પાણી બહાર કાઢી રહ્યા છે NDRFના ડેપ્યુટી કમાન્ડર એનકે તિવારીએ શુક્રવારે કહ્યું હતું કે પહેલા બધુ પાણી બહાર કાઢવામાં આવશે અને પછી જ ડાઇવર્સ અંદર જશે. હાલમાં, ટનલમાં ભરાયેલા પાણીને બહાર કાઢવા માટે બે ભારે પંપ 24 કલાક કામ કરી રહ્યા છે. નજીકની પાંચ ખાણોમાંથી 10 પંપ મંગાવીને પાણી કાઢી રહ્યા છે. ખાણમાંથી પાણી કાઢવાની સાથે વધુ શોધખોળ ચાલુ છે. 2018માં પણ 15 રેટ હોલ માઈનર્સ માર્યા ગયા હતા આવો જ એક અકસ્માત 2018માં મેઘાલયના પૂર્વ જયંતિયા હિલ્સમાં થયો હતો. જ્યાં કોલસાની ખાણમાં 15 મજૂરો ફસાયા અને મૃત્યુ પામ્યા હતા. 13 ડિસેમ્બરે 20 રેટ હોલ માઈનર્સ 370 ફૂટ ઊંડી ખાણમાં ફસાયા હતા, જેમાંથી 5 મજુરો પાણી ભરતા પહેલા જ બહાર આવી ગયા હતા. 15 મજૂરોને બચાવી શકાયા નહોતા.
