ફાસ્ટ બોલર એનરિચ નોર્ટજે અને લુંગી એનગિડીને ઈજાના કારણે ઘરેલૂ આંતરરાષ્ટ્રીય સિઝન ગુમાવ્યા બાદ 2025 ચેમ્પિયન્સ ટ્રોફી માટે દક્ષિણ આફ્રિકાની ODI ટીમમાં પસંદ કરવામાં આવ્યા છે. નોર્ટજે પગની ઈજાના કારણે બહાર હતો, જ્યારે એનગિડીને પણ ઈજા થઈ હતી.
નોર્ટજે તેની છેલ્લી આંતરરાષ્ટ્રીય મેચ 29 જૂને ભારત સામેની T-20 મેચમાં રમી હતી. એનગિડી તેની છેલ્લી આંતરરાષ્ટ્રીય મેચ 7 ઓક્ટોબરના રોજ આયર્લેન્ડ સામેની ODI મેચમાં રમી હતી. 2023 વર્લ્ડ કપ રમી ચૂકેલા 10 ખેલાડીઓ
15 સભ્યોની ટીમનું નેતૃત્વ તેમ્બા બાવુમા કરે છે અને તેમાં 10 ખેલાડીઓનો સમાવેશ થાય છે જેઓ ભારતમાં 2023 વર્લ્ડ કપમાં સેમિફાઇનલમાં પહોંચેલી ટીમના સભ્યો હતા. વિયાન મુલ્ડર, ટોની ડી જોર્ઝી અને રેયાન રિકલટન તેમની પ્રથમ સિનિયર ICC ઇવેન્ટ રમશે.
દક્ષિણ આફ્રિકાની ગ્રુપ લીગ મેચ પાકિસ્તાન સામે
દક્ષિણ આફ્રિકા ચેમ્પિયન્સ ટ્રોફીના ગ્રુપ બીમાં છે અને કરાચીમાં 21 ફેબ્રુઆરીએ અફઘાનિસ્તાન સામે તેના અભિયાનની શરૂઆત કરશે. ત્યારબાદ તેઓ 25 ફેબ્રુઆરીએ રાવલપિંડીમાં ઓસ્ટ્રેલિયા સામે રમશે અને તેમની અંતિમ ગ્રુપ મેચ 1 માર્ચે ઈંગ્લેન્ડ સામે થશે. આ મેચ કરાચીમાં રમાશે.
દક્ષિણ આફ્રિકા 27 વર્ષ પહેલા ચેમ્પિયન બન્યું હતું
દક્ષિણ આફ્રિકાએ 27 વર્ષ પહેલા ચેમ્પિયન્સ ટ્રોફીનો ખિતાબ જીત્યો હતો. આ ટૂર્નામેન્ટ 1998માં પ્રથમ વખત શરૂ થઈ હતી અને દક્ષિણ આફ્રિકા તેમાં વિજેતા બન્યું હતું. આ ટુર્નામેન્ટનું આયોજન બાંગ્લાદેશમાં કરવામાં આવ્યું હતું અને દક્ષિણ આફ્રિકાએ ફાઇનલમાં વેસ્ટ ઈન્ડિઝને હરાવીને ટ્રોફી જીતી હતી. તે મેચમાં વેસ્ટ ઈન્ડિઝની ટીમ 245 રન બનાવી શકી હતી અને સાઉથ આફ્રિકાએ 47 ઓવરમાં ટાર્ગેટ હાંસલ કરી લીધો હતો. દક્ષિણ આફ્રિકાની ચેમ્પિયન્સ ટ્રોફી ટીમ
ટેમ્બા બાવુમા (કેપ્ટન), ટોની ડી જોર્ઝી, માર્કો યેન્સેન, હેનરિક ક્લાસેન, કેશવ મહારાજ, એડન માર્કરમ, ડેવિડ મિલર, વિયાન મુલ્ડર, લુંગી એનગીડી, એનરિચ નોર્ટજે, કાગીસો રબાડા, રેયાન રિકલ્ટન, તબ્રેઈઝ શમ્સી, ટ્રિસ્ટન સ્ટબ્સ, રાસી વેન ડેર ડુસેન .
ચેમ્પિયન્સ ટ્રોફી માટે આફ્રિકાની ટીમની જાહેરાત:નોર્ટજે-એનગીડીનું ટીમમાં કમબેક; 15 માંથી 10 પ્લેયર 2023 વનડે વર્લ્ડ કપના મેમ્બર
