હવે જો ટીમ ઈન્ડિયા વિદેશ પ્રવાસ પર જશે તો તે ફક્ત બસથી જ મુસાફરી કરશે. જો પ્રવાસ 45 દિવસ કે તેથી વધુનો હોય, તો પરિવારો અને પત્નીઓ ફક્ત 14 દિવસ માટે જ સાથે રહી શકશે, સમગ્ર પ્રવાસ દરમિયાન નહીં રહી શકે. ઓસ્ટ્રેલિયામાં બોર્ડર-ગાવસ્કર ટ્રોફીમાં 3-1થી મળેલી હાર બાદ BCCIએ કેટલાક નવા નિયમો લાગુ કર્યા છે. તેનો હેતુ ટીમ વચ્ચે બોન્ડિંગ વધારવાનો અને રમત પર ધ્યાન કેન્દ્રિત કરવાનો છે. મીડિયા રિપોર્ટ્સ અનુસાર, BCCI એ મુંબઈમાં એન્યુઅલ જનરલ મિટિંગ (AGM) દરમિયાન આ નિર્ણયો પર વિચાર કર્યો છે. ઓસ્ટ્રેલિયા પ્રવાસ દરમિયાન, ઘણા સિનિયર ખેલાડીઓ પોતાના વાહનોમાં મુસાફરી કરતા જોવા મળ્યા હતા અને વિરાટ કોહલી અને કેએલ રાહુલ જેવા ખેલાડીઓના પરિવારો સમગ્ર પ્રવાસ દરમિયાન તેમની સાથે હતા. ટીમ ઈન્ડિયા માટે નવા ફેરફારો ગંભીરના મેનેજર સામે કાર્યવાહી કરવામાં આવશે
કોચ ગૌતમ ગંભીરના મેનેજર ગૌરવ અરોરા ટીમ ઈન્ડિયા સાથે પ્રવાસ કરતા જોવા મળ્યો હતો. આવું પહેલા ક્યારેય બન્યું ન હતું. BCCIએ તેની સામે કડક કાર્યવાહી કરી છે. હવે અરોરાને ટીમ હોટલમાં રહેવા દેવામાં આવશે નહીં. તે VIPમાં પણ બેસી શકશે નહીં. તેને ટીમ બસમાં મુસાફરી કરવાની પણ મંજૂરી આપવામાં આવી નથી. સેલરી કાપવાનું સૂચન, હજુ કોઈ નિર્ણય નહીં
ઈન્ડિયન એક્સપ્રેસે એક સૂત્રને ટાંકીને જણાવ્યું હતું કે AGM દરમિયાન સેલરી કાપવાનું સૂચન પણ કરવામાં આવ્યું હતું. એટલે કે, જો પ્રદર્શન સારું નહીં હોય તો ખેલાડીની સેલરી કાપવામાં આવી શકે છે. તેનો હેતુ ખેલાડીને તેની જવાબદારીઓથી વાકેફ કરવાનો છે. આ અંગે હજુ નિર્ણય લેવાયો નથી.
ઓસ્ટ્રેલિયામાં હાર બાદ BCCI ખેલાડીઓ પર કાર્યવાહી:સમગ્ર પ્રવાસ દરમિયાન પરિવાર સાથે નહીં રહે; સેલરી કપાવાની પણ શક્યતા
