જમ્મુ-કાશ્મીર, હિમાચલ પ્રદેશ, લદ્દાખ અને ઉત્તરાખંડમાં હિમવર્ષાના કારણે ઉત્તર ભારત અને મધ્ય ભારતના રાજ્યોમાં શિયાળાની અસર વધી રહી છે. આ ઉપરાંત દેશના 17 રાજ્યોમાં ગાઢ ધુમ્મસ પણ જોવા મળી રહ્યું છે. દિલ્હીમાં ઝીરો વિઝિબિલિટીના કારણે બુધવારે સવારે 26 ટ્રેનો મોડી પડી હતી. તેમજ, ઘણી ફ્લાઇટ્સ પણ તેમના નિર્ધારિત સમય પર ઉપડી શકી ન હતી. મંગળવારે પણ અહીં 39 ટ્રેનો મોડી પડી હતી. ઉત્તર પ્રદેશના 45 જિલ્લામાં પણ ગાઢ ધુમ્મસ જોવા મળ્યું હતું. અયોધ્યામાં વિઝિબિલિટી ઘટીને 50 મીટર થઈ ગઈ છે. હવામાન વિભાગે કહ્યું કે આજે યુપી અને રાજસ્થાનના કેટલાક જિલ્લાઓમાં કરા પડી શકે છે. બીજી તરફ હિમાચલમાં હિમવર્ષાને કારણે 3 શહેરોમાં તાપમાન માઈનસ પર પહોંચી ગયું છે. કલ્પામાં માઈનસ 1 ડિગ્રી, કેલોંગમાં માઈનસ 10.3 ડિગ્રી અને કુકુમાસેરીમાં માઈનસ 10.2 ડિગ્રી તાપમાન નોંધાયું હતું. દેશભરના હવામાનની તસવીરો… હિમાચલમાં જાન્યુઆરીમાં અત્યાર સુધીમાં સામાન્ય કરતાં 91% ઓછો વરસાદ- હિમવર્ષા થઈ મહાકુંભમાં હવામાનની અપડેટ માટે વેબપેજ લોન્ચ કરવામાં આવ્યું છે હવામાન વિભાગે વિશ્વના સૌથી મોટા ધાર્મિક મેળાવડા મહાકુંભ દરમિયાન હવામાનની અપડેટ માટે વેબપેજ લોન્ચ કર્યું છે. તે પ્રયાગરાજ, અયોધ્યા, લખનૌ, આગ્રા, કાનપુર અને વારાણસી સહિતના પડોશી શહેરો માટે કલાકદીઠ, ત્રણ-કલાક અને સાપ્તાહિક આગાહી જણાવે છે. આગામી 2 દિવસ માટે હવામાનની આગાહી… 16 જાન્યુઆરી: 5 રાજ્યોમાં વરસાદ, ઉત્તર પૂર્વમાં ગાઢ ધુમ્મસ 17 જાન્યુઆરી: પહાડોમાં હિમવર્ષાને કારણે ઉત્તર ભારતમાં વરસાદ રાજ્યોમાં હવામાનની સ્થિતિ… મધ્યપ્રદેશ: જાન્યુઆરીમાં ત્રીજી વખત માવઠું પડશે, ભોપાલ-ઈન્દોરના અડધા વિસ્તારમાં 2 દિવસ સુધી વરસાદ મધ્યપ્રદેશમાં જાન્યુઆરીમાં ત્રીજી વખત માવઠું પડશે. હવામાન વિભાગના જણાવ્યા અનુસાર, આગામી 2 દિવસ સુધી ભોપાલ, ઈન્દોર, ગ્વાલિયર સહિત અડધા મધ્યપ્રદેશમાં વરસાદનું એલર્ટ છે. 17 જાન્યુઆરીથી ફરી ભારે ઠંડીનો સમયગાળો શરૂ થશે. વરસાદ દરમિયાન વાવાઝોડાની સ્થિતિ પણ આવી શકે છે. રાજસ્થાનઃ અનેક જિલ્લાઓમાં વરસાદ, કરા પણ પડશે, જયપુર-અજમેર સહિત 17 જિલ્લાઓ માટે એલર્ટ જયપુર સહિત રાજ્યના 17 જિલ્લાનું હવામાન આજે (બુધવાર) બદલાશે. આજે અજમેર, ભરતપુર, કોટા અને જયપુર ડિવિઝનના જિલ્લાઓમાં કરા સાથે છૂટાછવાયા સ્થળોએ વાદળછાયું અને હળવાથી મધ્યમ વરસાદનું એલર્ટ છે. જોધપુર, જેસલમેર અને કરૌલીમાં ભારે ઠંડી પડી રહી છે.
