ઇઝરાયલના વડાપ્રધાન બેન્જામિન નેતન્યાહુએ કહ્યું કે હમાસ સાથે યુદ્ધવિરામ કરાર હજુ પૂર્ણ થયો નથી. હાલમાં, આ કરારની અંતિમ દિશામાં કામ કરવામાં આવી રહ્યું છે, નેતન્યાહુનું નિવેદન યુએસ રાષ્ટ્રપતિ જો બાઈડન અને કતારના પીએમ દ્વારા કરારની જાહેરાતના થોડા કલાકો પછી આવ્યું છે. બંને દેશોના વડાઓએ ગાઝામાં 15 મહિનાથી ચાલી રહેલા વિનાશક યુદ્ધને રોકવા અને ડઝનબંધ બંધકોને મુક્ત કરવા અંગે નિવેદનો આપ્યા હતા. ઇઝરાયલ-હમાસ યુદ્ધવિરામ કરાર માટે ટ્રમ્પ અને બાઈડનનો આભાર માન્યો હતો જ્યારે નેતન્યાહુએ ઇઝરાયલ-હમાસ યુદ્ધવિરામ કરાર માટે ટ્રમ્પ અને બાઈડનનો આભાર માન્યો હતો. ઇઝરાયલ અને હમાસ વચ્ચે યુદ્ધવિરામ અને બંધક કરાર બાદ, વડાપ્રધાન બેન્જામિન નેતન્યાહૂ અમેરિકાના નવા ચૂંટાયેલા રાષ્ટ્રપતિ- ડોનાલ્ડ ટ્રમ્પ અને વર્તમાન રાષ્ટ્રપતિ જો બાઈડન સાથે ચર્ચામાં જોડાયા હતા. વાતચીત દરમિયાન, નેતન્યાહુએ બંધકોને મુક્ત કરવામાં તેમના સમર્થન માટે આભાર વ્યક્ત કર્યો. એએફપી મુજબ, કતારના વડાપ્રધાને કહ્યું કે ગાઝામાં યુદ્ધવિરામ થશે અને યુદ્ધવિરામના પ્રથમ તબક્કામાં ઇઝરાયલના 33 બંધકોને મુક્ત કરવામાં આવશે. ઑક્ટોબર 2023માં ઇઝરાયલ પર હમાસના હુમલાથી શરૂ થયેલા યુદ્ધને સમાપ્ત કરવા માટે યુનાઇટેડ સ્ટેટ્સ, ઇજિપ્ત અને કતારે ગયા વર્ષે મધ્યસ્થી કરવાનો પ્રયાસ કર્યો હતો. મહિનાઓની વાટાઘાટો દરમિયાન, બંને પક્ષોએ શરૂઆતમાં કહ્યું હતું કે તેઓ યુદ્ધવિરામની નજીક છે, પરંતુ છેલ્લી ઘડીએ અનેક અવરોધોનો સામનો કરવો પડ્યો. સૌથી ઘાતક હુમલો 2023માં થયો હતો
AFP અનુસાર, 7 ઓક્ટોબર, 2023ના રોજ, હમાસ દ્વારા ઇઝરાયલ પર અત્યાર સુધીનો સૌથી ઘાતક હુમલો કર્યા પછી ગાઝા સામે યુદ્ધ શરૂ થયું. આ વિનાશક યુદ્ધમાં 1,210 લોકો મૃત્યુ પામ્યા હતા. માર્યા ગયેલા મોટાભાગના નાગરિકો હતા. હમાસે હુમલા દરમિયાન 251 ઇઝરાયલીઓને બંધક બનાવી લીધા હતા, જેમાંથી 94 હજુ પણ ગાઝામાં બંધક છે. તેમાંથી 34 એવા છે જેમને ઈઝરાયલની સેનાનું કહેવું છે કે તેઓ મૃત્યુ પામ્યા છે. જવાબમાં, હમાસ પ્રદેશના આરોગ્ય મંત્રાલયના ડેટા અનુસાર, ગાઝામાં ઇઝરાયલના યુદ્ધમાં 46,707 લોકો માર્યા ગયા, જેમાંથી મોટાભાગના નાગરિકો હતા. યુદ્ધમાં ગાઝાના મોટા ભાગનો નાશ થયો છે અને પ્રદેશની યુદ્ધ પહેલાની વસ્તીના 2.3 મિલિયન લોકો વિસ્થાપિત થયા છે. આ તમામ લોકો પોતપોતાના ઘર છોડીને ચાલ્યા ગયા હતા.
ઇઝરાયલના વડાપ્રધાનની યુદ્ધવિરામ પર બેવડી વાત:એક તરફ આભાર, બીજી તરફ તેઓ કહી રહ્યા છે કે ડીલ અધૂરી છે
