રમતગમત મંત્રાલય દ્વારા રાષ્ટ્રીય રમતગમત પુરસ્કાર 2024નું વિતરણ રાષ્ટ્રપતિ ભવનમાં શુક્રવારે કરવામાં આવ્યું. રાષ્ટ્રપતિ દ્રૌપદી મુર્મુએ વિજેતાઓેને સન્માનિત કર્યા. મુર્મુએ સૌપ્રથમ ભારતીય ગ્રાન્ડમાસ્ટર ડી ગુકેશને મેજર ધ્યાનચંદ ખેલ રત્ન એવોર્ડથી સન્માનિત કર્યા હતા. તેમના ઉપરાંત, ઓલિમ્પિકમાં ડબલ મેડલ જીતનાર શૂટર મનુ ભાકર, હોકી ટીમના કેપ્ટન હરમનપ્રીત સિંહ અને પેરા એથ્લીટ ખેલાડી પ્રવીણ કુમારને મેજર ધ્યાનચંદ ખેલ રત્ન એવોર્ડથી સન્માનિત કરવામાં આવ્યા હતા. પેરિસ પેરાલિમ્પિક્સમાં ભાલા ફેંકવામાં ગોલ્ડ જીતનાર નવદીપ સહિત 34 ખેલાડીઓને અર્જુન એવોર્ડ આપવામાં આવી રહ્યો છે. આમાંથી 17 પેરા-એથ્લીટ્સ છે, જ્યારે 2 લાઇફટાઇમ એચિવમેન્ટ માટે છે. આ ઉપરાંત, 5 કોચને દ્રોણાચાર્ય એવોર્ડ મળ્યો છે. મનુએ પેરિસ ઓલિમ્પિકમાં ડબલ મેડલ જીત્યો હતો મનુ ભાકરે ઓગસ્ટ-સપ્ટેમ્બરમાં પેરિસ ઓલિમ્પિક ગેમ્સમાં ડબલ ઓલિમ્પિક મેડલ જીત્યા હતા. તે 10 મીટર એર પિસ્તોલ ઈન્ડિવિડ્યુઅલ અને મિક્સ ડબલ્સમાં ત્રીજા સ્થાને રહી હતી. તેમના બે મેડલના આધારે ભારતે પેરિસ ઓલિમ્પિકમાં કુલ 6 મેડલ જીત્યા હતા. 18 વર્ષનો ગુકેશ ચેસનો નવો વર્લ્ડ ચેમ્પિયન, સૌથી નાની ઉંમરે ખિતાબ જીત્યો 18 વર્ષીય ભારતીય ગ્રાન્ડમાસ્ટર ડી ગુકેશ 11 ડિસેમ્બરે સિંગાપોરમાં વર્લ્ડ ચેસ ચેમ્પિયનશિપનો ખિતાબ જીત્યો હતો. તેણે ફાઇનલમાં ડિફેન્ડિંગ ચેમ્પિયન ચીનના ડીંગ લિરેનને 7.5-6.5થી હરાવ્યો હતો. ગુકેશ આટલી નાની ઉંમરમાં ટાઈટલ જીતનાર વિશ્વનો પ્રથમ ખેલાડી બની ગયો છે. આ પહેલાં 1985માં રશિયાના ગેરી કાસ્પારોવે 22 વર્ષની ઉંમરમાં આ ખિતાબ જીત્યો હતો. હરમનપ્રીતની કપ્તાનીમાં ભારતે પેરિસ ઓલિમ્પિકમાં બ્રોન્ઝ મેડલ જીત્યો હરમનપ્રીત સિંહની કપ્તાની હેઠળ ભારતીય હોકી ટીમે પેરિસ ઓલિમ્પિક 2024માં બ્રોન્ઝ અને એશિયન ગેમ્સ 2022માં ગોલ્ડ મેડલ જીત્યો હતો. તે જ સમયે, હરમનપ્રીતે ત્રણ વખત FIH એવોર્ડ્સમાં પ્લેયર ઓફ ધ યરનો ખિતાબ જીત્યો છે. પ્રવીણે હાઈ જમ્પમાં રેકોર્ડ સાથે પેરાલિમ્પિક ગોલ્ડ જીત્યો પ્રવીણ કુમારે પેરિસ પેરાલિમ્પિક્સ 2024માં પુરુષોની ઊંચી કૂદમાં એશિયન રેકોર્ડ સાથે ગોલ્ડ મેડલ જીતીને સૌને ચોંકાવી દીધા હતા. ટોકિયો પેરાલિમ્પિક્સમાં સિલ્વર મેડલ જીતનાર પ્રવીણે T64 ઈવેન્ટમાં પોતાની કારકિર્દીનું સર્વશ્રેષ્ઠ પ્રદર્શન કર્યું અને 2.08 મીટરની ઊંચાઈને ક્લીયર કરીને ઈતિહાસમાં પોતાનું નામ નોંધાવ્યું. રાષ્ટ્રીય પુરસ્કારોની સંપૂર્ણ યાદી રાષ્ટ્રીય રમત પુરસ્કાર ભારતમાં રમતગમતના ક્ષેત્રમાં મહત્ત્વપૂર્ણ યોગદાન માટે રાષ્ટ્રીય રમત પુરસ્કાર આપવામાં આવે છે. આમાં, ખેલાડીઓ, કોચ અથવા સંસ્થાઓને તેમની સિદ્ધિઓ અને ભારતીય રમતના વિકાસમાં યોગદાન માટે છ જુદા જુદા પુરસ્કારોથી સન્માનિત કરવામાં આવે છે. ભારતના રાષ્ટ્રીય રમત પુરસ્કારમાં છ પુરસ્કારોનો સમાવેશ થાય છે. મેજર ધ્યાનચંદ ખેલ રત્ન, અર્જુન એવોર્ડ, દ્રોણાચાર્ય એવોર્ડ, મૌલાના અબુલ કલામ આઝાદ ટ્રોફી (માકા ટ્રોફી તરીકે પણ ઓળખાય છે) અને રાષ્ટ્રીય રમત પ્રોત્સાહન. આ સિવાય ધ્યાનચંદ એવોર્ડના નામે બીજો લાઈફ ટાઈમ એવોર્ડ આપવામાં આવે છે. આ પુરસ્કાર રમતગમતના વિકાસમાં આજીવન યોગદાન માટે આપવામાં આવે છે. આ વખતે આ કેટેગરીમાં કોઈને આ એવોર્ડ આપવામાં આવ્યો નથી. 2004થી છ રાષ્ટ્રીય રમત પુરસ્કારો સાથે તેનઝિંગ નોર્ગે નેશનલ એડવેન્ચર એવોર્ડ આપવામાં આવી રહ્યો છે. ગયા વર્ષે 26 ખેલાડીઓને અર્જુન એવોર્ડ મળ્યો હતો ગત વર્ષે ક્રિકેટર મોહમ્મદ શમી સહિત 26 ખેલાડીઓને અર્જુન એવોર્ડ મળ્યો હતો. જ્યારે 5 કોચને દ્રોણાચાર્ય એવોર્ડ મળ્યો હતો. બેડમિન્ટન સ્ટાર જોડી સાત્વિક સાઈરાજ અને ચિરાગ શેટ્ટીને મેજર ધ્યાનચંદ ખેલ રત્ન એવોર્ડ આપવામાં આવ્યો હતો.
