ઇઝરાયલ અને હમાસ વચ્ચે 15 મહિનાના યુદ્ધ બાદ 19 જાન્યુઆરી, રવિવારના રોજ યુદ્ધવિરામ અમલમાં આવ્યો હતો. ટાઈમ્સ ઓફ ઈઝરાયલ અનુસાર હમાસે 471 દિવસ બાદ ત્રણ ઈઝરાયલી મહિલા બંધકોને મુક્ત કરી છે. ત્રણેય રેડક્રોસ સંસ્થાની મદદથી ઈઝરાયલ પહોંચ્યા છે. બીજી તરફ ઈઝરાયલ પણ 90 પેલેસ્ટાઈન કેદીઓને મુક્ત કરવાની તૈયારી કરી રહ્યું છે. ઇઝરાયલે તેમની યાદી એસોસિએટેડ પ્રેસને સોંપી દીધી છે. દરેક 1 ઇઝરાયલ બંધક માટે 30 પેલેસ્ટિનિયન કેદીઓને મુક્ત કરવામાં આવશે. હમાસ દ્વારા મુક્ત કરાયેલા બંધકોના નામ રોમી ગોનેન, એમિલી ડામારી અને ડોરોન સ્ટેનબ્રેચર છે. આ પહેલા શનિવારે ઇઝરાયલની કેબિનેટે હમાસ સાથેના યુદ્ધવિરામ કરારને મંજૂરી આપી હતી. અમેરિકી રાષ્ટ્રપતિ જો બાઇડનનું કહેવું છે કે ઈરાન અને હમાસ પર અમેરિકા અને ઈઝરાયલના દબાણને કારણે આ યુદ્ધવિરામ શક્ય બન્યું છે. હવે આગામી શનિવારે 4 ઈઝરાયલી મહિલા બંધકોને મુક્ત કરવામાં આવશે. બાઇડને કહ્યું- આટલી દર્દ, વેદના અને જાનમાલના નુકસાન પછી આજે બંદૂકો શાંત થઈ ગઈ છે. રાહત સામગ્રી લઈને 200 ટ્રક ગાઝા પહોંચ્યા રોયટર્સ અનુસાર ગાઝા માટે આજથી રાહત સામગ્રી આવવાનું શરૂ થઈ ગયું છે. હાલમાં રાહત સામગ્રી લઈને 200 ટ્રક ગાઝા પટ્ટી નજીક પહોંચી ગઈ છે. આ યુદ્ધને કારણે 23 લાખ લોકો વિસ્થાપિત થયા છે. અમેરિકાના ચૂંટાયેલા રાષ્ટ્રપતિ ડોનાલ્ડ ટ્રમ્પના સુરક્ષા સલાહકાર માઈક વોલ્ટ્ઝે કહ્યું કે હવે હમાસ ક્યારેય ગાઝા પર શાસન નહીં કરે. આ કોઈ પણ સંજોગોમાં સ્વીકાર્ય નથી. ઈઝરાયલ લગભગ 700 પેલેસ્ટિનિયન કેદીઓને મુક્ત કરશે યુદ્ધવિરામ ડીલ 3 તબક્કામાં પૂર્ણ થશે. પ્રથમ તબક્કામાં હમાસ ઈઝરાયલમાંથી અપહરણ કરાયેલા 33 બંધકોને મુક્ત કરશે. તેમજ ઈઝરાયલની સેના ગાઝા બોર્ડરથી 700 મીટર દૂર પીછેહઠ કરશે. ઇઝરાયલમાં ન્યાય મંત્રાલયે 95 પેલેસ્ટિનિયન કેદીઓની યાદી પણ બહાર પાડી છે, જેમને પ્રથમ તબક્કામાં મુક્ત કરવામાં આવશે. જેમાં 69 મહિલાઓ, 16 પુરૂષો અને 10 સગીરોનો સમાવેશ થાય છે. ઈઝરાયલ 700થી વધુ પેલેસ્ટાઈન કેદીઓને મુક્ત કરશે. તેમના નામની યાદી પણ બહાર પાડવામાં આવી છે. આ યાદીમાં સામેલ ઘણા લોકો હમાસ અને પેલેસ્ટિનિયન ઈસ્લામિક જેહાદના સભ્યો સહિત હત્યાના આરોપમાં આજીવન કેદની સજા ભોગવી રહ્યા છે. હમાસ 7 ઓક્ટોબર, 2023ના રોજ ઇઝરાયલમાં પ્રવેશ્યું, 1200 લોકોની હત્યા કરી અને 251 લોકોને બંધક બનાવ્યા. તેના થોડા કલાકો બાદ ઈઝરાયલી સેનાએ ગાઝા પર હુમલો કર્યો. યુદ્ધવિરામ ડીલ ત્રણ તબક્કામાં પૂર્ણ થશે 15 જાન્યુઆરીએ જો બાઇડને કહ્યું કે આ ડીલ 19 જાન્યુઆરી એટલે કે રવિવારથી ત્રણ તબક્કામાં શરૂ થશે. આમાં 42 દિવસ સુધી બંધકોની આપ-લે કરવામાં આવશે. પ્રથમ તબક્કો: બીજો તબક્કો: ત્રીજો તબક્કો: નેતન્યાહુની પાર્ટીના 2 મંત્રીઓએ યુદ્ધવિરામનો વિરોધ કર્યો હતો વડા પ્રધાન નેતન્યાહુની લિકુડ પાર્ટીના પ્રધાનો ડેવિડ એમસાલેમ અને અમીચાઈ ચિકલી એ 8 પ્રધાનોમાં સામેલ હતા જેમણે યુદ્ધવિરામની વિરુદ્ધમાં મતદાન કર્યું હતું. આ સિવાય સરકારમાં સામેલ ઓત્ઝમા યેહુદિત પાર્ટીના 6 મંત્રીઓએ પણ યુદ્ધવિરામના વિરોધમાં મતદાન કર્યું હતું. આ પહેલા શુક્રવારે ઈઝરાયલના સુરક્ષા મંત્રી અને જમણેરી નેતા બેન-ગવીર ઈટામારે હમાસ સાથેના યુદ્ધવિરામ કરારનો વિરોધ કર્યો હતો. જો ડીલ મંજૂર થશે તો સરકાર પાસેથી ટેકો પાછો ખેંચી લેવાની ધમકી આપી હતી.
