ઇગા સ્વાઇટેક ઓસ્ટ્રેલિયન ઓપનની સેમિફાઈનલમાં પહોંચી:અમેરિકાની નાવારોને સીધા સેટમાં હરાવી, 23 જાન્યુઆરીએ કીઝનો સામનો કરશે

પાંચ વખતની ગ્રાન્ડ સ્લેમ ચેમ્પિયન ઇગા સ્વાઇટેક અમેરિકાની એમ્મા નાવારો સામે આસાન જીત મેળવીને ઓસ્ટ્રેલિયન ઓપન મહિલા સિંગલ્સની સેમિફાઈનલમાં પહોંચી ગઈ છે. અમેરિકાની અન્ય એક ટેનિસ ખેલાડી મેડિસન કીઝ પણ મહિલા સિંગલ્સ ટુર્નામેન્ટની સેમિફાઇનલમાં પહોંચી ગઈ છે. મહિલા સિંગલ્સની સેમિફાઈનલિસ્ટ નક્કી થઇ ગઇ છે. પ્રથમ સેમિફાઈનલ વર્લ્ડ નંબર-1 આર્યાના સબલેન્કા અને સ્પેનની પૌલા બડોસા વચ્ચે રમાશે. જ્યારે બીજી મેચ સ્વાઇટેક અને કીઝ વચ્ચે રમાશે. સ્વાઇટેકએ નાવારો પર સરળ જીત નોંધાવી
સ્વાઇટેકે ક્વાર્ટર ફાઈનલ મેચમાં નાવારો સામે આસાન વિજય નોંધાવ્યો હતો. તેણે પહેલો સેટ 6-1 અને બીજો 6-2થી જીત્યો હતો. સ્વાઇટેક 23 જાન્યુઆરી એટલે કે આવતીકાલે સેમિફાઈનલમાં કીઝ સામે ટકરાશે. કીઝે સ્વિતોલીનાને હરાવી
અમેરિકાની મેડિસન કીઝે બુધવારે પાછળ પડ્યા બાદ પુનરાગમન કર્યું અને જીત મેળવી. કીઝને પ્રથમ સેટમાં 28મી ક્રમાંકિત યુક્રેનની એલિના સ્વિતોલિના સામે 3-6થી હારનો સામનો કરવો પડ્યો હતો. ત્યારબાદ તેણે પુનરાગમન કર્યું અને બીજો સેટ 6-3 અને ત્રીજો સેટ 6-4થી જીત્યો. નોવાક જોકોવિચ સેમિફાઈનલમાં પહોંચ્યો
24 વખતના ગ્રાન્ડ સ્લેમ ચેમ્પિયન સર્બિયાના નોવાક જોકોવિચે મંગળવારે ઓસ્ટ્રેલિયન ઓપન 2025ની સેમિફાઈનલમાં જગ્યા બનાવી છે. ટેનિસ ઓલિમ્પિક ચેમ્પિયન જોકોવિચે મેન્સ સિંગલ્સમાં ત્રીજો ક્રમાંકિત સ્પેનના કાર્લોસ અલ્કારેઝને ચાર સેટની મેચમાં હરાવ્યો હતો. બીજી તરફ, જર્મનીના એલેક્ઝાન્ડર ઝવેરેવે પણ મેલબોર્નના રોડ લેવર એરેનામાં ક્વાર્ટર ફાઇનલમાં જીત મેળવી હતી. 21 વર્ષીય અલ્કારેઝે જોકોવિચ સામે પહેલો સેટ 6-4થી જીત્યો હતો. જોકોવિચે પુનરાગમન કર્યું અને બીજો સેટ 6-4ના માર્જીનથી જીતી લીધો. જોકોવિચે પોતાનું વર્ચસ્વ જાળવી રાખ્યું હતું અને છેલ્લા બે સેટ 6-3, 6-4થી જીતીને મેચ જીતી લીધી હતી. ઝવેરેવનું પ્રભુત્વ અને મેચ જીતી ગયો
બીજા ક્રમાંકિત જર્મનીના એલેક્ઝાન્ડર ઝવેરેવે અમેરિકાના ટોમી પોલ સામે ક્વાર્ટર ફાઈનલમાં જીત મેળવી હતી. ઝવેરેવને પ્રથમ બે સેટ જીતવા માટે સંઘર્ષ કરવો પડ્યો હતો, પરંતુ તેણે બંને સેટ 7-6, 7-6ના માર્જિનથી જીતી લીધા હતા. પોલે પુનરાગમન કર્યું અને ત્રીજો સેટ 6-2થી જીતી લીધો. ત્યાર બાદ ઝ્વેરેવે પુનરાગમન કર્યું હતું અને ચોથો સેટ 6-1ના માર્જિનથી જીતીને મેચ જીતી લીધી હતી. ઓસ્ટ્રેલિયન ઓપન મેન્સ સિંગલ્સ ઈવેન્ટ બેસ્ટ ઓફ 5 છે. જે ખેલાડી પહેલા 3 સેટ જીતે છે તે વિજેતા છે. ટેનિસમાં 4 ગ્રાન્ડ સ્લેમ
ટેનિસમાં 4 ગ્રાન્ડ સ્લેમ છે, ચારેય દર વર્ષે રમાય છે. તેની શરૂઆત જાન્યુઆરીમાં ઓસ્ટ્રેલિયન ઓપનથી થશે. ફ્રેન્ચ ઓપન મે મહિનામાં રમાય છે, ત્યારબાદ વિમ્બલ્ડન જુલાઈમાં લંડન, ઇંગ્લેન્ડમાં થાય છે. યુએસ ઓપન સપ્ટેમ્બરમાં યોજાય છે, આ વર્ષનો છેલ્લો ગ્રાન્ડ સ્લેમ છે. ચારેયની ઐતિહાસિક માન્યતાઓ અલગ-અલગ છે. વિમ્બલ્ડન સૌથી જૂની ગ્રાન્ડ સ્લેમ ટુર્નામેન્ટ છે, જેની શરૂઆત 1877માં થઈ હતી.