ખેલાડીઓની એક ઝલક માટે ઊમટ્યા ચાહકો રાજકોટના નિરંજન શાહ સ્ટેડિયમમાં ભારત-ઈંગ્લેન્ડ વચ્ચે ટી-20 સિરીઝની ત્રીજી મેચ. મેચ પહેલાં ખેલાડીઓની એક ઝલક મેળવવા ક્રિકેટરસિકો ઊમટ્યા. હજારોની સંખ્યામાં પ્રેક્ષકો આવતાં ચુસ્ત સુરક્ષા બંદોબસ્ત ગોઠવાયો. જામીન બાદ 12 વર્ષે આસારામ ફરી અમદાવાદ દુષ્કર્મકેસમાં જામીન બાદ 12 વર્ષે આસારામ અમદાવાદમાં. સુપ્રીમ કોર્ટે અનુયાયીને ન મળવાની સ્પષ્ટ સૂચના આપી હોવા છતાં મોટેરા આશ્રમમાં સાધકો ઊમટ્યા. આશ્રમની આસપાસ પોલીસ પેટ્રોલિંગ શરૂ કરાયું. એક જ મહિનામાં કંપનીમાં બીજી દુર્ઘટના સુરતના હજીરામાં આર્સેલર મિત્તલના સ્ટીલ પ્લાન્ટમાં વધુ એક દુર્ઘટના ઘટી. લિફ્ટ તૂટી પડતાં એક કર્મચારીનું મોત નીપજ્યું, જ્યારે એક ઘાયલ થયો છે.. આ પહેલાં 31 ડિસેમ્બરે પણ કંપનીમાં આગ લાગતાં ચાર કામદારનાં મોત થયાં હતાં ACના કોમ્પ્રેસરમાં આગ લાગતાં પરિવાર વિખેરાયો કચ્છના મુન્દ્રામાં ઘરના ACના કોમ્પ્રેસરમાં બ્લાસ્ટ થતાં આગ લાગી, જેમાં મૂળ આંધ્રપ્રદેશના રામેશ્વર રાય અને તેમની 2 વર્ષની દીકરી બળીને ભડથું થઈ ગયાં હતાં, જ્યારે તેમની પત્ની 70 ટકા દાઝી ગઈ છે. તલવારથી કેક કાપી મર્ડરનો સીન કરવો ભારે પડ્યો! સુરતના ભેસ્તાન વિસ્તારમાં પાંચ યુવકે તલવારથી કેક કાપી સિગારેટ અને દારૂ સાથે રીલ બનાવી દીધી, જોકે પોલીસે વાઇરલ વીડિયોના આધારે તમામને ઝડપી પાડી કાર્યવાહી હાથ ધરી છે. વિદ્યાર્થિનીના આક્ષેપો બાદ DEO એક્શનમાં રાજકોટમાં SNK સ્કૂલની વિદ્યાર્થિનીના આક્ષેપો બાદ DEOએ તપાસ કમિટીની રચના કરી. છઠ્ઠા ધોરણની વિદ્યાર્થિનીએ વીડિયો બનાવી સિનિયર વિદ્યાર્થીઓ સામે હેરાનગતિના આક્ષેપ કર્યા. MD ડ્રગ્સના ઓવરડોઝથી યુવકના મોતની આશંકા સુરતના ઉન વિસ્તારમાં 32 વર્ષીય યુવકનું એમડી ડ્રગ્સના ઓવરડોઝના કારણે મોત થયાની આશંકા. યુવક નશાની હાલતમાં બેભાન થઈ જતાં તેને સારવાર માટે ખસેડવામાં આવ્યો હતો, જોકે સારવાર દરમિયાન તેણે દમ તોડ્યો. વેવાઈ-વેવાણનો અનૈતિક સંબંધ હત્યામાં પરિણમ્યો અમદાવાદના વિરમગામમાં લિવ-ઇનમાં રહેતાં વેવાઈ-વેવાણનો અનૈતિક સંબંધ હત્યામાં પરિણમ્યો. વેવાણના પતિએ બે મિત્ર સાથે મળી વેવાઈને મોતને ઘાટ ઉતાર્યો. ઘટનાના સીસીટીવી સામે આવ્યા. હીરા ઉદ્યોગની મંદી મામલે સાંસદ અને ઉદ્યોગપતિ સામસામે સુરતના હીરા ઉદ્યોગની મંદી માટે રાજ્યસભા સાંસદ ગોવિંદ ધોળકિયાએ લેબગ્રોન ડાયમંડને જવાબદાર ગણાવ્યા. તો ઉદ્યોગપતિએ નિવેદનને વખોડી કાઢતાં કહ્યું હતું કે ફ્રસ્ટ્રેશનને કારણે નિવેદન આપ્યું. વૃદ્ધ ભાઈ-બહેનનાં ડમ્પરની અડફેટે મોત આણંદના આંકલાવાડી ગામના બ્રિજ નજીક વૃદ્ધ ભાઈ-બહેનને ડમ્પરે કચડ્યાં. ભાઈ-બહેન સંબંધીની ખબર પૂછવા જતાં હતાં એ સમયે અકસ્માત સર્જાયો. રસ્તા પર બંનેનાં શરીરના લોચેલોચા વિખેરાયા.
