દિવંગત એક્ટર રાજેશ ખન્નાએ એક જૂના ઈન્ટરવ્યૂમાં ખુલાસો કર્યો હતો કે તેમણે પુત્રી ટ્વિંકલને અક્ષય કુમાર પર નજર રાખવા માટે કહ્યું હતું. તેમણે ટ્વિંકલને કહ્યું હતું- અક્ષય હેરાફેરીવાળો માણસ છે. તું તેની લગામ ખેંચીને રાખજે. રાજેશ ખન્ના સાથે જોડાયેલો આ જૂનો વીડિયો સોશિયલ મીડિયા પર સામે આવ્યો છે. આ વીડિયોમાં તે કહે છે, ‘અમારો જમાઈ રાજા છે, ક્યારેક તે ગીતો ગાય છે, ક્યારેક તે હેરા-ફેરી કરે છે. ક્યારેક ભૂલ ભૂલૈયા કરે છે. તે ઘણી હેરા-ફેરીઓ કરે છે. મેં મારી દીકરીને પણ કહ્યું છે કે ટીના બાબા, તેની (અક્ષય કુમાર) લગામ ખેંચીને રાખજે. પરંતુ એટલી ન ખેંચતા કે તૂટી જાય. રાજેશ ખન્નાએ પોતાની દીકરીને 4 બોયફ્રેન્ડ રાખવાની સલાહ આપી હતી
થોડા સમય પહેલા એક સોશિયલ મીડિયા પોસ્ટમાં ટ્વિંકલે તેના પિતા રાજેશ ખન્ના સાથે જોડાયેલી એક ઘટના શેર કરી હતી. તેણે કહ્યું હતું કે રાજેશ ખન્ના ઈચ્છતા ન હતા કે બ્રેકઅપના કારણે ટ્વિંકલનું દિલ તૂટી જાય. આ કારણથી તેણે દીકરીને ડેટિંગ ટિપ્સ આપી હતી. રાજેશ ખન્નાએ કહ્યું હતું કે માત્ર એક જ બોયફ્રેન્ડ ન રાખો, હંમેશા ચાર બોયફ્રેન્ડ રાખો. આ રીતે તમારું દિલ ક્યારેય તૂટશે નહીં. ફેમસ ફેશન ડિઝાઈનર મસાબા ગુપ્તા સાથેની વાતચીતમાં ટ્વિંકલે અક્ષય સાથે લગ્ન કરવાના નિર્ણય અંગે માતા ડિમ્પલ કાપડિયાની પ્રતિક્રિયા વિશે વાત કરી. તેણે કહ્યું હતું- માતા ઈચ્છતી હતી કે અક્ષય અને હું લગ્ન પહેલા 2 વર્ષ સાથે રહીએ. 100% ખાતરી થયા પછી જ લગ્ન કરવાનું નક્કી કરો. ટ્વિંકલે 17 જાન્યુઆરી 2001ના રોજ અક્ષય કુમાર સાથે લગ્ન કર્યા હતા. તેમને બે બાળકો આરવ અને નિતારા છે.
રાજેશ ખન્નાએ અક્ષય કુમારને કહ્યો હતો ‘હેરા-ફેરી’ વાળો માણસ:દીકરી ટ્વિંકલને સલાહ આપી હતી કે- તેની લગામ હંમેશા ખેંચીને રાખજે, જૂનો વીડિયો વાઈરલ
