‘માતા-પિતાના છૂટાછેડાથી શરમ અનુભવતો હતો’:વીર પહાડિયાએ કહ્યું- લોકોથી દૂર રહેતો હતો, આવું કોઈની સાથે ન થવું જોઈએ

વીર પહાડિયાએ તાજેતરમાં જ ફિલ્મ ‘સ્કાય ફોર્સ’થી બોલિવૂડમાં ડેબ્યૂ કર્યું છે. હવે તેણે એક ઈન્ટરવ્યૂમાં જણાવ્યું કે જ્યારે તેના માતા-પિતાના છૂટાછેડા થયા ત્યારે તે ખૂબ જ શરમ અનુભવતો હતો. સિદ્ધાર્થ કન્નન સાથેની વાતચીતમાં વીર પહાડિયાએ તેના માતા-પિતાના છૂટાછેડા વિશે વાત કરી હતી. તેણે કહ્યું, જ્યારે માતા-પિતા અલગ થઈ જાય છે, તે કોઈપણ બાળક માટે અધરું છે. તે સમયે કોઈ સોશિયલ મીડિયા ન હતું, તેથી મને સમજાયું નહીં કે શું થઈ રહ્યું છે. તે બાળપણમાં ખૂબ જ વિચિત્ર હતું. અખબારો હંમેશા તેના કોર્ટ કેસ વિશે લખતા હતા અને બધું ઇન્ટરનેટ પર હતું. હું સ્કૂલે જવામાં શરમાતો હતો અને મારા મિત્રો પણ નહોતા. હું લોકોથી દૂર રહેતો હતો અને ખૂબ જ નર્વસ હતો. હું નથી ઈચ્છતો કે આવું કોઈની સાથે થાય. વીરે આગળ કહ્યું, ‘મને લાગે છે કે દરેકના જીવનમાં એવો સમય આવે છે જ્યારે તે મુશ્કેલીઓમાંથી પસાર થાય છે. આપણે તેના વિશે વાત કરવી જોઈએ. થેરાપી અને એક્ટિંગ ક્લાસે મને ઘણી મદદ કરી. હું હજુ પણ પ્રેમ અને લગ્નમાં માનું છું. વીર પહાડિયાના કહેવા પ્રમાણે, તેણે તેના પિતાને વધારે જોયા નહોતા, પરંતુ હવે તે બંને ખૂબ જ નજીક છે. પતિ-પત્ની તરીકે તેમના માતા-પિતાના સંબંધો એટલા સારા ન હોવા છતાં, તેઓ બંને ખૂબ જ સારા માતાપિતા રહ્યા છે. ફિલ્મ ‘સ્કાય ફોર્સ’ 24 જાન્યુઆરીએ રિલીઝ થઈ હતી
‘સ્કાય ફોર્સ’ ફિલ્મમાં અક્ષય કુમારે વિંગ કમાન્ડર કે.ઓ. આહુજાનું પાત્ર ભજવ્યું છે. વીર પહાડિયાએ ટી.વિજયાની ભૂમિકા ભજવી છે. ફિલ્મમાં સારા અલી ખાન વીરની પત્ની તરીકે જોવા મળી રહી છે, જ્યારે નિમરત કૌર અક્ષયની પત્નીની ભૂમિકામાં છે. આ ફિલ્મ 24 જાન્યુઆરીએ રિલીઝ થઈ હતી.