શાહિદ કપૂર અને પૂજા હેગડે સ્ટારર ફિલ્મ ‘દેવા’ 31 જાન્યુઆરીએ સિનેમાઘરોમાં રિલીઝ થઈ છે. આ ફિલ્મે 4 દિવસમાં 21 કરોડ રૂપિયાની કમાણી કરી છે. રિલીઝના ચોથા દિવસે, ફિલ્મે ફક્ત 2.25 લાખ રૂપિયાની કમાણી કરી. બીજી તરફ, અક્ષય કુમારની ફિલ્મ ‘સ્કાય ફોર્સે’ રિલીઝના 11મા દિવસે 1.35 કરોડ રૂપિયાની કમાણી કરી છે. બોક્સ ઓફિસ ટ્રેકર વેબસાઇટ sacnilkના રિપોર્ટ અનુસાર, શાહિદ કપૂરની ફિલ્મ ‘દેવા’એ ચોથા દિવસે 2 કરોડ 25 લાખ રૂપિયાની કમાણી કરી. આ સાથે, ફિલ્મનું કુલ ભારતીય કલેક્શન 21.35 કરોડ રૂપિયા પર પહોંચી ગયું છે. ‘દેવા’ ફિલ્મનું બોક્સ ઓફિસ કલેક્શન પહેલા દિવસની કમાણી – 5.5 કરોડ બીજા દિવસની કમાણી – 6.4 કરોડ ત્રીજા દિવસની કમાણી – 7.25 કરોડ ચોથા દિવસની કમાણી – 2.55 કરોડ સપ્તાહના અંતે ‘દેવા’ની કમાણીમાં ઉછાળો જોવા મળ્યો
ફિલ્મ ‘દેવા’એ ₹5.5 કરોડની ઓપનિંગ કરી હતી અને પહેલા રવિવારે ₹7.25 કરોડની કમાણી કરી હતી. જોકે, સોમવારે કમાણીમાં મોટો ઘટાડો જોવા મળ્યો હતો. આ ફિલ્મનું બજેટ 50 કરોડ રૂપિયા છે. પહેલા સપ્તાહના અંતે કમાણીમાં ઘટાડો થવાને કારણે ફિલ્મનું બજેટ રિકવર કરવું મુશ્કેલ લાગે છે. સ્કાય ફોર્સ 100 કરોડ ક્લબમાં પહોંચી ગયું
અક્ષય કુમાર અને વીર પહાડિયા સ્ટારર ફિલ્મ ‘સ્કાય ફોર્સ’ 24 જાન્યુઆરીએ રિલીઝ થઈ છે. આ ફિલ્મે રિલીઝના 11મા દિવસે 1.35 કરોડ રૂપિયાની કમાણી કરી છે. આ સાથે, ફિલ્મનું કુલ કલેક્શન 101.35 કરોડ રૂપિયા પર પહોંચી ગયું છે. બીજા સપ્તાહના અંતે, ફિલ્મે સ્થાનિક બોક્સ ઓફિસ પર 100 કરોડ રૂપિયાના ક્લબમાં પ્રવેશ કર્યો. આ ફિલ્મે વિશ્વભરમાં 129 કરોડ રૂપિયાની કમાણી કરી છે.
‘દેવા’ સારા ઑપનિંગ બાદ પણ ‘સ્કાય ફોર્સ’ સામે ન ટકી:શાહિદની ફિલ્મ 4 દિવસમાં માત્ર 21 કરોડની કમાણી કરી, ‘સ્કાય ફોર્સ’ 100 કરોડ ક્લબમાં પહોંચી
