ગુજરાત સરકારે યુનિફોર્મ સિવિલ કોડ (UCC) માટે કમિટીની રચના કરતાં આદિવાસી સમાજે મહત્વપૂર્ણ માંગ ઉઠાવી છે. આદિવાસી સમાજના અગ્રણી નેતા કેતન બામણીયાએ માંગ કરી છે કે આદિવાસી સમાજને કોમન સિવિલ કોડમાંથી મુક્તિ આપવામાં આવે. કેતન બામણીયાએ જણાવ્યું કે અંબાજીથી ઉમરગામ સુધીના વિસ્તારમાં સદીઓથી વસવાટ કરતા આદિવાસી સમાજની પોતાની આગવી જીવનશૈલી અને પરંપરાઓ છે. તેમણે ભારપૂર્વક કહ્યું કે આદિવાસી સમાજ કુદરતી ન્યાય પ્રણાલી સાથે જીવન જીવે છે અને તેમની સામાજિક પરંપરાઓ અને રીતરિવાજો અન્ય સમુદાયોથી અલગ છે. વિશેષ રૂપે, આદિવાસી સમાજને ધાર્મિક બાબતોમાં પણ સ્વતંત્રતા આપવામાં આવી છે. આ કારણોસર, તેમની માંગ છે કે આદિવાસી સમાજની વિશિષ્ટ ઓળખ અને પરંપરાઓને જાળવી રાખવા માટે તેમને કોમન સિવિલ કોડના દાયરામાંથી બહાર રાખવામાં આવે. આ માંગ આદિવાસી સમાજની સાંસ્કૃતિક સ્વાયત્તતા જાળવી રાખવાના હેતુથી કરવામાં આવી છે.
