વિમેન સેક્શનમાંથી કપડાં ખરીદે છે ચંકી પાંડે:કહ્યું- મારા માતા-પિતાને છોકરી જોઈતી હતી એટલે બાળપણમાં મને એવા કપડાં જ પહેરાવ્યાં હતા

તાજેતરમાં, એક ઇન્ટરવ્યૂ દરમિયાન, એક્ટર ચંકી પાંડેએ તેના વ્યક્તિત્વ અને પુત્રી અનન્યા પાંડે વિશે કેટલીક રસપ્રદ વાતો જણાવી. એક્ટરે કહ્યું કે મને વિમેન સેક્શનમાંથી કપડાં ખરીદવા ગમે છે. ચંકીએ જણાવ્યું કે જ્યારે તે નાનો હતો ત્યારે તેની માતા તેને છોકરીઓના કપડાં પહેરાવતી હતી. અને આ કારણે, તેની અસર મોટા થયા પછી પણ ફેશન સેન્સ પર દેખાય છે. મારા માતા-પિતાને છોકરી જોઈતી હતી
મેશેબલ ઈન્ડિયા સાથે વાત કરતા ચંકીએ કહ્યું કે જ્યારે તેનો જન્મ થયો ત્યારે તેના માતા-પિતા પુત્રીના આગમનની તૈયારી કરી રહ્યા હતા. તે કહે છે- મારા પિતા ખરેખર એક છોકરી ઇચ્છતા હતા. તે છોકરા માટે તૈયાર નહોતા. મારી માતાએ છોકરી માટે બધી ખરીદી કરી. એટલા માટે મારા બાળપણના બધા ફોટામાં હું ફ્રોક, બિંદી અને નાના કાનની બુટ્ટી પહેરેલો જોવા મળું છું. બે વર્ષ પછી હું છોકરો બન્યો. મારી ઊર્જા અને કલામાં સ્ત્રીત્વની શક્તિ છે
ઇન્ટરવ્યૂમાં, એક્ટર કહે છે કે પ્રથમ ચાર વર્ષ કોઈપણ વ્યક્તિ માટે ખૂબ જ મહત્વપૂર્ણ હોય છે. આ તેમના જીવનનું એ વર્ષ હતું જ્યારે તેમને છોકરીઓના કપડાં પ્રત્યે પ્રેમ થઈ ગયો હતો. અને એ પ્રેમ આજ સુધી અકબંધ છે. આ કારણે તે હજુ પણ વિમેન સેક્શનમાંથી કપડાં ખરીદે છે. ચંકી કહે છે, ક્યારેક બધા કપડાં ગૂંચવાઈ જાય છું. ત્યારે હું કોઈ સેલ્સ ગર્લ કે મેનને કપડાં દેખાડીને પૂછું છું કે તે કોના માટે છે મેન કે વિમેન. મને લાગે છે કે મારી કલામાં મારા આર્ટમાં એક સ્ત્રી શક્તિ છે. અનન્યા મારા કપડાં પહેરવા માટે લઈ જાય છે
ચંકીએ તેની પુત્રી અને એક્ટ્રેસ અનન્યા પાંડે વિશે પણ વાત કરી. તેણે કહ્યું કે અનન્યાને મારા કપડાં પહેરવા ગમે છે. એક્ટર કહે છે કે ઘણી વખતો તે મારા કપડાં પહેરવા માટે લઈ જાય છે પછી પાછા પણ આપતી નથી અને તેને નાઈટ સૂટ બનાવી દે છે. જ્યારે પણ તે વિમેન સેક્શનમાંથી કંઈક લેવા માગે છે, ત્યારે તે અનન્યાને સ્ક્રીનશોટ મોકલે છે. જો એક્ટ્રેસને તે ગમે છે તો જ ચંકી ખરીદે છે.