બુધવારે સાંજે શાહરુખ અને સલમાન ખાન આમિર ખાનના પુત્ર જુનૈદની ફિલ્મ ‘લવયાપા’ના સ્પેશિયલ સ્ક્રીનિંગમાં પહોંચ્યા હતા. શાહરુખે આમિરને કિસ કરી હતી, જ્યારે સલમાન તેને ગળે લગાવતો જોવા મળ્યો હતો. શાહરુખ-સલમાને આમિર અને તેના દીકરા જુનૈદ સાથે તસવીરો પણ ક્લિક કરાવી. જુહી ચાવલા, સિંગર-રેપર હની સિંહ, અર્જુન કપૂર અને જાહ્નવી કપૂર જેવા સેલેબ્સ પણ સ્ક્રીનિંગમાં જોવા મળ્યા હતા. ‘લવયાપા’ ફિલ્મના સ્પેશિયલ સ્ક્રીનિંગની ખાસ ઝલક… આમિર ખાનના પરિવારે મુંબઈના બાંદ્રામાં ફિલ્મ ‘લવયાપા’નું સ્ક્રીનિંગ યોજ્યું હતું. બુધવારે સાંજે જુહુમાં ફિલ્મનું બીજું સ્પેશિયલ સ્ક્રીનિંગ પણ યોજાયું હતું. ફિલ્મની મુખ્ય એક્ટ્રેસ ખુશી કપૂરના પરિવાર અને નજીકના મિત્રોએ તેમાં હાજરી આપી હતી. ફિલ્મ ‘લવયાપા’ 7 ફેબ્રુઆરીએ રિલીઝ થશે
ફિલ્મ ‘લવયાપા’ 7 ફેબ્રુઆરીએ સિનેમાઘરોમાં રિલીઝ થશે. ફિલ્મમાં જુનૈદ સાથે શ્રીદેવીની નાની પુત્રી ખુશી કપૂર પણ છે. જુનૈદ અને ખુશી કપૂરની આ પહેલી થિયેટર રિલીઝ ફિલ્મ છે. અગાઉ, જુનૈદ નેટફ્લિક્સ પર સ્ટ્રીમ થયેલી ફિલ્મ મહારાજમાં જોવા મળ્યો હતો. જ્યારે ખુશીએ ફિલ્મ ધ આર્ચીઝ દ્વારા અભિનયની શરૂઆત કરી હતી. આ ફિલ્મ નેટફ્લિક્સ પર પણ રિલીઝ થઈ હતી.
દીકરાની ડેબ્યૂ ફિલ્મને લઈ આમિર ઉત્સાહિત:’લવયાપા’ના સ્ક્રીનિંગમાં ત્રણેય ખાન દેખાયા, સલમાન-શાહરુખે શુભેચ્છા પાઠવી
