પ્રયાગરાજમાં મહાકુંભમાં થયેલી ભાગદોડની તપાસ હવે કાવતરું માનીને કરવામાં આવી રહી છે. ઉત્તર પ્રદેશ અને કેન્દ્ર સરકારની એજન્સીઓ તેને દુર્ઘટના નહીં પણ કાવતરું માની રહી છે. યુપીમાં, 10 હજારથી વધુ લોકો રાષ્ટ્રીય તપાસ એજન્સી (NIA), એન્ટી ટેરરિસ્ટ સ્કવોડ (ATS), સ્પેશિયલ ટાસ્ક ફોર્સ (STF) અને લોકલ ઈન્ટેલિજન્સ યુનિટ (LIU)ની રડારમાં છે. તેમાં મોટાભાગના CAA અને NRCના પ્રદર્શનકારીઓ છે. મહાકુંભમાં આમાંથી ઘણાની હલચલ જોવા મળી છે. તપાસમાં એવા બિન-હિન્દુઓની ઓળખ કરવામાં આવી છે જેમણે કુંભ મેળા વિશે તેમના સોશિયલ મીડિયા એકાઉન્ટ્સ પર નેગેટિવ ટિપ્પણીઓ પોસ્ટ કરી હતી અથવા જેમણે ગુગલ અને યુટ્યુબ પર કુંભ મેળા વિશે વધુ સર્ચ કર્યુ હતું. ATS અને STF પણ તેમની ભૂમિકાની તપાસ કરી રહ્યા છે. 18 જેલોમાં કેદ PFIના સભ્યોની પણ પૂછપરછ કરવામાં આવી રહી છે. દુર્ઘટનાની તપાસ કાવતરા તરફ કેમ વળી તે વાંચો… શંકાસ્પદોને મહાકુંભમાં જવાની મનાઈ હતી
આ મુદ્દે STF અધિકારીએ ભાસ્કર સાથે વાત કરી. નામ ન આપવાની શરતે તેમણે કહ્યું કે મહાકુંભમાં 45 કરોડ લોકો આવવાના હતા. તે એક મોટી ઘટના હતી, તેથી ગુપ્તચર એજન્સીઓ મહિનાઓ પહેલા જ સુધી એક્ટિવ હતી. ઈન્ટેલિજેન્સે CAA, NRC પ્રદર્શનકારી, ક્રિમિનલ હિસ્ટ્રી ધરાવતા લોકો અને રાજ્ય સરકાર વિરુદ્ધ મોટા પ્રદર્શનો કરવાની યોજના ધરાવતા લોકો વિશે માહિતી પૂરી પાડી હતી. આ આધારે, યુપીના 1 લાખથી વધુ લોકોનું વેરિફિકેશન કરવામાં આવ્યું હતું. તેમને સમજાવવામાં આવ્યા મેસેજ આપવામાં આવ્યો કે મહાકુંભ દરમિયાન પ્રયાગરાજ તરફ ન જવું . આમ છતાં, ભાગદોડ પછી તપાસમાં જાણવા મળ્યું કે આમાંથી કેટલાક લોકોની મહાકુંભમાં હલચલ હતી. આ રીતે સમજી શકાય છે કે મહાકુંભ પહેલા વારાણસી અને આસપાસના 10 જિલ્લાઓના 16 હજાર લોકોને કાશીની બહાર જવાની મનાઈ હતી. પરંતુ, કાશીની બહાર 117લોકોની હલચલ જોવા મળી. આમાંથી 50થી વધુ લોકો પ્રયાગરાજ પણ પહોંચ્યા હતા. તે બધા હિન્દુ ધર્મના નથી. જ્યારે લોકોને પૂછપરછ કરવામાં આવી, ત્યારે તેમણે તેમના મુવમેન્ટ પાછળના જુદા જુદા કારણો આપ્યા. તેવી જ રીતે, અન્ય શહેરોમાં, એજન્સીઓએ શંકાસ્પદ ગણાતા લોકોની પૂછપરછ શરૂ કરી છે, કે તેઓ તેમના શહેરની બહાર જવાની મનાઈ હોવા છતાં કેમ ગયા? આ એ જ લોકો છે જેમની જુની ક્રિમિનલ હિસ્ટ્રી છે. NRC-CAA વિરોધ પ્રદર્શનમાં સામેલ થયા છો. સોશિયલ મીડિયા પર મહાકુંભ વિશે નેગેટિવ ટિપ્પણીઓ કરી. તેઓ અલગ અલગ સમયે યુપી સરકાર વિરુદ્ધ પ્રદર્શનોમાં સામેલ રહ્યા છે. મહાકુંભમાં શંકાસ્પદોની ઓળખ કેવી રીતે કરવામાં આવે છે? તપાસ એજન્સીઓએ મેળા વિસ્તારમાં લગાવેલા 600 સીસીટીવીના ફૂટેજ જોયા. તેને ફિલ્ટર કરવામાં આવ્યા હતા. આ કામ યુપી પોલીસની 8 ટીમો દ્વારા કરવામાં આવી રહ્યું હતું. ફેસ રિકગ્નિશન સિસ્ટમ અને સોશિયલ મીડિયા પ્લેટફોર્મ પરની પોસ્ટનો ઉપયોગ કરીને શંકાસ્પદોની ઓળખ કરવામાં આવી હતી. આ પછી, તપાસ એજન્સીઓએ 10 હજારથી વધુ લોકોને નોટિસ મોકલવાનું શરૂ કર્યું. આમાંથી 30% લોકો બિન-હિન્દુ સમુદાયના છે. ATSએ યુપીની બહારના શંકાસ્પદોનો ડેટા મધ્યપ્રદેશ, રાજસ્થાન, બિહાર, પશ્ચિમ બંગાળ અને આસામના ગુવાહાટી સહિત 9 રાજ્યોની પોલીસને મોકલ્યો છે. એજન્સીઓ પાસે શંકાસ્પદોના મોબાઇલ નંબર અને સોશિયલ મીડિયા એકાઉન્ટ પણ છે. જેલમાંથી ડેટા માંગવામાં આવ્યો, એજન્ટોની પૂછપરછ કરવામાં આવી રહી છે
મહાકુંભ અંગે તપાસ માટે ATS, STF અને NIA એ એક મોટું ડોઝિયર તૈયાર કર્યું છે. તેમાં CAA-NRC, PFI ઉપરાંત, ATS અને આર્મી ઇન્ટેલિજન્સ દ્વારા પકડાયેલા શંકાસ્પદ એજન્ટોનો પણ સમાવેશ થાય છે. છેલ્લા 6 મહિનામાં યુપી અથવા દેશના વિવિધ સ્થળોએથી પકડાયેલા એજન્ટોની જેલોમાં પૂછપરછ કરવામાં આવી રહી છે. CAA-NRCમાં કેન્દ્ર સરકાર સામે વિરોધ કરનારા કેટલાક લોકો જેલમાં ગયા. જેલમાંથી તેમનો ડેટા કાઢવામાં આવી રહ્યો છે. તેમની વ્યક્તિગત પૂછપરછ કરવામાં આવી રહી છે. ફક્ત વારાણસીમાં જ આવા 70 લોકોનો ડેટા સામે આવ્યો છે. સૂત્રોના જણાવ્યા અનુસાર, આ ડેટા મધ્ય યુપી અને પશ્ચિમ ઉત્તર પ્રદેશની જેલોમાંથી પણ માંગવામાં આવ્યો છે. જેમાં વિરોધ કરતા લોકો જેલમાં ધકેલાયા હતા. વારાણસીમાં NSUI નેતાના પુત્રની પૂછપરછ કરવામાં આવી છે હાલમાં, વારાણસી ATSએ જૈતપુરાના અમાનતુલ્લાહના રહેવાસી, NSUI નેતા શાહિદ જમાલના પુત્ર સિરાજુદ્દીનને નોટિસ જાહેર કરી હતી. સોમવારે (૩ ફેબ્રુઆરી) તેમને અશોક વિહાર કોલોની સ્થિત ATS ઓફિસમાં બોલાવવામાં આવ્યા હતા. તેમની 3 કલાક પૂછપરછ કરવામાં આવી. 19 જાન્યુઆરીના રોજ સિરાજુદ્દીન મહાકુંભ મેળા વિસ્તારમાં હતો. તેમણે સોશિયલ મીડિયા પર લાઈવ થઈને તે સ્થળ વિશે માહિતી આપી. જોકે, પૂછપરછ દરમિયાન તેણે જણાવ્યું કે તેણે સેક્ટર-7માં ભાગીદારીમાં એક દુકાન ખોલી હતી, જે હવે હટાવી દેવામાં આવી છે. Topics:
મહાકુંભમાં ભાગદોડ દુર્ઘટના નહીં પણ કાવતરું:10 હજાર શંકાસ્પદ ATSની રડારમાં, એજન્સીઓની CAA- NRCના પ્રદર્શનકારીઓ પર બાજ નજર
