રાજકોટના રેલનગરની આશીર્વાદ સ્કૂલમાં ધો. 10માં ભણતો વિદ્યાર્થી છરી લઈને સ્કૂલે પહોંચ્યો હતો અને સાથી મિત્રને હાથમાં ઘા ઝીંકી દીધો હતો. શહેરમાં લુખ્ખાગીરી બેફામ વધી રહી છે ત્યારે એક 15 વર્ષનો સગીર પણ સ્કૂલ બેગમાં છરી લઈ પહોંચતા ખળભળાટ મચી ગયો છે. ઇજાગ્રસ્ત વિદ્યાર્થીને સિવિલ હોસ્પિટલ ખસેડાયો હતો. વિદ્યાર્થી સ્કૂલે છરી લઇને પહોંચ્યો હોવાના ક્લાસ રૂમના સીસીટીવી ફૂટેજ વાઈરલ થઈ રહ્યા છે. જે બાદ સમગ્ર મામલો પોલીસ મથકે પહોંચ્યો છે. મારા પુત્રના હાથમાં છરી મારી દીધી હતી: માતા
રેલનગરની આશીર્વાદ સ્કૂલના ઈજાગ્રસ્ત વિદ્યાર્થીના માતાએ જણાવ્યું હતું કે, મારો 15 વર્ષીય પુત્ર ધો. 10માં અભ્યાસ કરે છે. તે સરળ સ્વભાવનો છે. તેની સાથે જ ભણતો આરોપી વિદ્યાર્થી અવારનવાર તેને હેરાન કરતો. અગાઉ 2 વખત સ્કૂલમાં શિક્ષકો અને પ્રિન્સિપાલને ફરિયાદ કરી હતી છતાં આરોપી વિદ્યાર્થી મારા પુત્રને હેરાન કરતો. આજે મારો પુત્ર સ્કૂલે ગયો હતો. જ્યાં ક્લાસ રૂમમાં આરોપી વિદ્યાર્થીએ પોતાના બેગમાંથી મોટી છરી કાઢી હતી અને મારાં પુત્રના હાથમાં મારી દીધી હતી. જેથી મારો પુત્ર સીધો શિક્ષક પાસે ગયો હતો. જ્યાં શિક્ષક અને સ્કૂલ સંચાલકે આરોપી વિદ્યાર્થીની બેગ ચેક કરતા મોટી છરી નીકળી હતી. સમગ્ર ઘટનાના સીસીટીવી ફૂટેજ પણ સામે આવ્યા
વધુમાં તેમણે જણાવ્યું હતું કે, મારો પુત્ર ઘરે આવાત તેણે હાથમાં છરી વાગ્યાની જાણ કરી હતી. જેથી અમે તેને સિવિલ હોસ્પિટલ લઈ ગયા હતા. જ્યાં મારાં પુત્રના હાથની સોનોગ્રાફી અને એક્સરે કરવામાં આવ્યો છે. આ તરફ સ્કૂલ સંચાલકે અમને કહ્યું કે, અમે આરોપી વિદ્યાર્થીને સ્કૂલમાંથી કાઢી મુકીશું પણ તમે પોલીસ ફરિયાદ ન કરતા. જોકે, અમારે પોલીસ ફરિયાદ કરવી હોય તેથી અમે પોલીસને જાણ કરી હતી. આ બનાવના સીસીટીવી ફૂટેજ પણ સામે આવ્યા છે. ઇજાગ્રસ્ત વિદ્યાર્થીના માતા-પિતાએ અગાઉ આરોપી વિદ્યાર્થીને સમજાવ્યો હતો. પણ તે સમજ્યો નહોતો અને વધુ રૂઆબ બતાવવા હવે છરી સાથે સ્કૂલે આવ્યો હતો.
ધો. 10ના વિદ્યાર્થીએ ક્લાસ રૂમમાં છરી કાઢી, CCTV:રાજકોટની આશીર્વાદ સ્કૂલનો સ્ટુડન્ટ બેગ છરી લઈને પહોંચ્યો, સાથી વિદ્યાર્થીના હાથમાં ઘા ઝીંકી દીધો
