સોનાના વધતા ભાવ વચ્ચે ‘વુડન ગોલ્ડ જ્વેલરી’ નવો ટ્રેન્ડ:લગ્નસરાની સિઝનમાં વુડન ગોલ્ડ જ્વેલરીની માગ વધી; યુનિક અને એક્સક્લૂઝિવ ડિઝાઇન, બજેટમાં પણ શ્રેષ્ઠ

સોનાના વધતા ભાવ વચ્ચે પણ લગ્નસરાની સિઝનમાં દાગીનાની માગ સતત વધી રહી છે. જોકે, ઉંચા ભાવના કારણે લોકો હવે હેવી ગોલ્ડ જ્વેલરીને બદલે વુડન ગોલ્ડ જ્વેલરી તરફ વળી રહ્યા છે. સીસમના લાકડા પર ગોલ્ડના તાર અને મીના સાથે ડિઝાઇન કરેલી આ અનોખી જ્વેલરી બજેટ ફ્રેન્ડલી હોવાની સાથે શાહી લુક પણ આપે છે. ટ્રેડિશનલ ગોલ્ડ જ્વેલરી કરતા આ નવો વિકલ્પ ભારે ડિઝાઇન હોવા છતાં લાઈટ વેઇટ છે અને એકદમ અનોખો લુક આપે છે. લોકોની પસંદગી બદલાતા હવે સોનાની જગ્યાએ વુડન ગોલ્ડ જ્વેલરી પહેરવાનું પસંદ કરે છે. સોનાના વધતા ભાવ વચ્ચે ‘વુડન ગોલ્ડ જ્વેલરી’ નવી ટ્રેન્ડ બની
છેલ્લા કેટલાય મહિનાઓથી સોનાના ભાવ સતત ઉંચા જઈ રહ્યા છે. હાલમાં સોનાની કિંમત સર્વોચ્ચ સપાટી પર છે, ખાસ કરીને લગ્નસરાની સિઝનમાં દાગીના ખરીદવા માગતા ગ્રાહકોને ભારે અસર કરી રહી છે. છેલ્લા 20 દિવસમાં ગોલ્ડના ભાવમાં 300થી 350 ડોલરનો વધારો થયો છે અને આ કિંમત આગામી સમયમાં 3000 ડોલર પ્રતિ ઔંસ સુધી પહોંચે તેવી સંભાવના છે. આમ છતાં, લોકો લગ્નસરાની સિઝનમાં દાગીનાની ખરીદીમાં પાછળ નથી. આ વખતે, હેવી ગોલ્ડ જ્વેલરીની જગ્યાએ અનોખી ‘વુડન ગોલ્ડ જ્વેલરી’ ટોપ ટ્રેન્ડ બની રહી છે. બજેટ-ફ્રેન્ડલી અને શાહી લુકવાળી આ જ્વેલરી ખાસ સીસમના લાકડાં પર ગોલ્ડ અને મીના વર્કથી તૈયાર કરવામાં આવે છે, જે લોકપ્રિયતા મેળવી રહી છે. ટ્રેડિશનલ ગોલ્ડ જ્વેલરી કરતા આ જ્વેલરી નવો વિકલ્પ
લગ્નસરાની સિઝન દર વર્ષે જ્વેલર્સ માટે ખાસ માહોલ લાવે છે, પણ આ વખતે સોનાના વધતા ભાવને કારણે ગ્રાહકો નવીન વિકલ્પ શોધી રહ્યા છે. મેટલ ગોલ્ડના બદલે વુડન ગોલ્ડ જ્વેલરી એક આકર્ષક અને પરવડે તેવી ઓલ્ટરનેટ બની છે. સીસમ લાકડાને પોલિશ કરીને તેની ઉપર ગોલ્ડના તાર, મીના અને કારીગરી દ્વારા ખૂબ સુંદર ડિઝાઇન બનાવવામાં આવે છે, જે દેખાવમાં હેવી જ્વેલરી જેવું લાગે છે પણ વજનમાં હળવું હોય છે. લાકડાને સારી રીતે ટ્રીટ કરીને તેને મજબૂત બનાવવામાં આવે છે, જેથી તે લાંબા સમય સુધી ચાલે. ટ્રેડિશનલ ગોલ્ડ જ્વેલરી કરતા આ જ્વેલરી નવો વિકલ્પ બની રહી છે, કેમ કે તે બજેટમાં પણ આવે છે અને યૂનિક લુક પણ આપે છે. વુડન ગોલ્ડ જ્વેલરી સ્ટાઈલ અને બજેટ બંનેમાં શ્રેષ્ઠ
લગ્નસરાની સિઝન માટે સુરતના ડિઝાઇનર્સ અને જ્વેલર્સે વુડન ગોલ્ડ જ્વેલરી માટે ખાસ નવા ડિઝાઇન વિકસાવ્યા છે. સીસમના લાકડાને પોલિશ કરીને તેના પર ગોલ્ડ વર્ક અને મીના વર્ક કરવામાં આવે છે. હેવી ગોલ્ડ જ્વેલરી જેવી જ લાગતી આ ડિઝાઇન 5 ગ્રામથી 100 ગ્રામ સુધીની રેન્જમાં ઉપલબ્ધ છે. એટલે કે, જેને વધુ શાહી અને હેવી લુક જોઈએ, તેઓ પણ આ જ્વેલરી પસંદ કરી શકે. ડિઝાઇનની ખાસિયતો લગ્નસરાની સિઝનમાં શાહી લુક મેળવવા માટે હવે માત્ર હેવી ગોલ્ડ જ્વેલરી જ એકમાત્ર વિકલ્પ નથી. સુરતના બજારમાં વુડન ગોલ્ડ જ્વેલરીના ટ્રેન્ડ સાથે, ડિઝાઇનર્સ અને જ્વેલર્સ નવીનતા લાવી રહ્યા છે. બજેટમાં ટકાવી શકાય એવી આ જ્વેલરી ભાવિ વરરાજા-વધૂ માટે પરફેક્ટ ચોઈસ સાબિત થઈ શકે છે. સોનાના ભાવ વધતા એક નવો વિકલ્પ લાવવાનો વિચાર કર્યો
જ્વેલર્સ અને ડિઝાઇનર્સ પણ આ નવા ટ્રેન્ડ સાથે આગળ વધી રહ્યા છે. સુરતના જાણીતા જ્વેલર દિપક ચોકસી જણાવે છે કે, “ગોલ્ડના ભાવ સતત વધતા હોવા છતાં, ગ્રાહકો માટે અમે કઈક નવા વિકલ્પ લાવવાના વિચાર કર્યો. અમે બજેટમાં ટકી રહે તેવી વુડન ગોલ્ડ જ્વેલરી બનાવી જે જોવામાં હેવી લુક આપે છે. પહેલા 20 ગ્રામનો સેટ બનાવતા ત્યારે હવે અમે તે જ સેટ ફક્ત 5 ગ્રામમાં બનાવી રહ્યા છીએ. અગાઉ 150 ગ્રામની હેવી જ્વેલરી હતી, જે હવે 50 ગ્રામમાં તૈયાર કરી શકાય છે. આ જ્વેલરી ખાસ કરીને બ્રાઇડ માટે શ્રેષ્ઠ વિકલ્પ બની રહી છે, કારણ કે તે શાહી લુક આપે છે અને બજેટમાં પણ ટકી રહે છે.” શાહી લુક ધરાવતી ફેશન-ફ્રેન્ડલી જ્વેલરી
આ વખતે, 24 કે 22 કેરેટના ગોલ્ડની જગ્યાએ 18, 16 અને 14 કેરેટની જ્વેલરી વધુ લોકપ્રિય બની રહી છે. ઉપરાંત, લેબગ્રોન ડાયમંડ જ્વેલરી પણ ઓછી કિંમતના કારણે વધુ પસંદ કરવામાં આવી રહી છે. વધુમાં, ગોલ્ડના ઓલ્ટરનેટ તરીકે સિલ્વર અને સ્ટેનલેસ સ્ટીલ જ્વેલરી પણ લોકપ્રિય બની રહી છે. ડિઝાઇનર્સ લાઈટ વેઇટ અને શાહી લુક ધરાવતી ફેશન-ફ્રેન્ડલી જ્વેલરી ડિઝાઇન કરી રહ્યા છે, જેથી બજેટ-મૈત્રીપૂર્ણ વિકલ્પ મળી રહે. લગ્નસરાની સિઝનમાં હવે વુડન ગોલ્ડ જ્વેલરી ટ્રેન્ડમાં
વુડન ગોલ્ડ જ્વેલરીની વિશેષતા એ છે કે તે માત્ર લાઈટ વેઇટ જ્વેલરી જ નહીં, પણ એક યૂનિક સ્ટેટમેન્ટ જ્વેલરી પણ છે. ટોપ ડિઝાઇનર્સ અને જ્વેલર્સ હવે તેના પર વધુ પ્રયોગ કરી રહ્યા છે. કુંદન, મીના અને એન્ટિક લુક સાથે ટ્રેડિશનલથી લઈને મોડર્ન તમામ પ્રકારના ડિઝાઇન ઉપલબ્ધ છે. વિશેષ રૂપે હેવી ગોલ્ડ લુક માટે ખાસ લાકડાં પર કરેલા કાર્વિંગ અને મીના વર્ક તેને એક્ઝોટિક અને એલેગન્ટ બનાવે છે. લગ્નસરાની સિઝનમાં હવે વુડન ગોલ્ડ જ્વેલરી ટ્રેન્ડમાં છે, અને લોકો તે વધીને ખરીદી રહ્યા છે. હેન્ડમેડ અને કસ્ટમ ડિઝાઇન માટે ખાસ ઓર્ડર મળતા થયા
જ્વેલર્સ માને છે કે આ ટ્રેન્ડ આગામી સમયમાં વધુ વધી શકે છે. વધતા ભાવને કારણે, લોકોના ડિઝાઇન અને પસંદગીઓ બદલાઈ રહી છે. હવે હેવી લુક, ઓછું વજન અને બજેટમાં ટકી રહે તેવી જ્વેલરી માટે લોકો વુડન ગોલ્ડ જ્વેલરી તરફ વળી રહ્યા છે. હેન્ડમેડ અને કસ્ટમ ડિઝાઇન માટે ખાસ ઓર્ડર પણ મળતા થયા છે. એકંદરે, આજના યુવા અને વર-વધૂઓ માટે આ જ્વેલરી એક ટોપ ચોઈસ બની રહી છે.