એક્ટર પ્રતીક બબ્બરે બીજા લગ્ન કર્યા:પિતા રાજ બબ્બરને પણ આમંત્રણ ન આપ્યું, સાવકા ભાઈએ કહ્યું- કોઈ તેને ઉશ્કેરી રહ્યું છે

એક્ટર પ્રતીક બબ્બરે બીજા લગ્ન કર્યા છે. તેણે 14 ફેબ્રુઆરીએ ગર્લફ્રેન્ડ પ્રિયા બેનર્જી સાથે લગ્ન કર્યા. જોકે, પ્રતીકના પરિવારમાંથી કોઈએ આ લગ્નમાં હાજરી આપી ન હતી. તેના પિતા અને એક્ટર રાજ બબ્બર પણ આ ફંક્શનમાં સામેલ થયા ન હતા. પ્રતીકના સાવકા ભાઈ અને સ્ટેન્ડ-અપ કોમેડિયન આર્ય બબ્બરે કહ્યું કે, બબ્બર પરિવારને આ લગ્નમાં આમંત્રણ આપવામાં આવ્યું ન હતું. મને લાગે છે કે કોઈ તેના દિમાગ પર ઘણું હાવિ થઈ ગયું છે. તે પરિવારના કોઈ પણ સભ્ય સાથે સંબંધ રાખવા માગતો નથી. તેણે કોઈને ફોન કર્યો નથી.’ આર્યએ ETimes સાથેની મુલાકાતમાં આ વાતો કહી. પ્રતીકે તેના પિતાને લગ્નમાં આમંત્રણ ન આપ્યું પ્રતીકે કહ્યું- ‘હું આનાથી નિરાશ છું. મને લાગ્યું કે અમરો સંબંધ મજબૂત હતો. તેણે પપ્પાને પણ લગ્નમાં આમંત્રણ આપ્યું નહી. પપ્પાને આમંત્રણ આપવું જોઈતું હતું.’ ‘જીવન કોઈ ફિલ્મથી ઓછું નથી. ઘરમાં કોઈ તેને ઉશ્કેરી રહ્યું છે. હું એવું વિચારવા માગતો નથી કે તે પ્રતીક છે, અને મને નથી લાગતું કે તે એવો છે.’ સાવકા ભાઈએ પ્રતીકને નિશાન બનાવ્યો આર્યએ ઇન્સ્ટાગ્રામ પર એક રમૂજી વીડિયો દ્વારા એક પરિવારમાં બે લગ્નના ટ્રેન્ડ પર નિશાન સાધ્યું છે. તેણે કહ્યું,’પહેલા પિતાએ બે વાર લગ્ન કર્યા, પછી બહેને બે વાર લગ્ન કર્યા, હવે મારો ભાઈ બીજી વાર લગ્ન કરી રહ્યો છે. મારા કૂતરા હેપ્પીને પણ બે ગર્લફ્રેન્ડ છે.’ ‘શું હવે મારે પણ બે વાર લગ્ન કરવા જોઈએ? હું આ બધામાં ફસાઈ રહ્યો છું. ખરેખર, મને ફરીથી લગ્ન કરવામાં કોઈ વાંધો નથી. તે તો કાલે થઈ જશે. પણ હું છૂટાછેડાની પ્રક્રિયાનો સામનો કરવા માટે ખૂબ આળસુ છું.’ કોણ છે પ્રિયા બેનર્જી? પ્રિયા બેનર્જી એક દક્ષિણ ભારતીય એક્ટ્રેસ છે. તેણે દક્ષિણ સિનેમામાં પોતાની કારકિર્દી કિસ’ ફિલ્મથી શરૂ કરી હતી? આ ઉપરાંત, તે ઐશ્વર્યા રાય બચ્ચનની ફિલ્મ જઝબામાં જોવા મળી હતી. તેણે ‘બેકાબૂ’, ‘રાણા નાયડુ’ અને ‘હેલો મિની’ જેવી સિરીઝમાં પણ કામ કર્યું છે. પહેલા લગ્ન સાન્યા સાગર સાથે થયા હતા પ્રતીક બબ્બરે ઘણા વર્ષો સુધી ડેટ કર્યા બાદ 2019 માં ફિલ્મ પ્રોડ્યુસર સાન્યા સાગર સાથે લગ્ન કર્યા. પરંતુ માત્ર એક વર્ષ પછી, 2020 માં, બંને મતભેદોને કારણે અલગ થઈ ગયા. પછી, જાન્યુઆરી 2023 માં કપલે સત્તાવાર રીતે છૂટાછેડા લીધા. આ પછી, નવેમ્બર 2023 માં, પ્રતીકે પ્રિયા બેનર્જી સાથે સગાઈ કરી. તે સલમાન ખાનની ફિલ્મ ‘સિકંદર’માં જોવા મળશે થોડા સમય પહેલા પ્રતીક બબ્બર ફિલ્મ ‘ખ્વાબોં કા ઝમેલા’માં જોવા મળ્યો હતો. આ ફિલ્મનું ડિરેક્શન દાનિશ અસલમે કર્યું છે. આ ઉપરાંત પ્રતીક સલમાન ખાનની ફિલ્મ ‘સિકંદર’માં પણ જોવા મળશે.