ફિલ્મ પ્રોડ્યુસર એકતા કપૂર પર ભારતીય સૈનિકોનું અપમાન કરવાનો આરોપ મૂકવામાં આવ્યો છે. યુટ્યુબર વિકાસ પાઠક ઉર્ફે ‘હિન્દુસ્તાની ભાઉ’ એ એકતા કપૂર, તેના પિતા જીતેન્દ્ર, માતા શોભા અને એકતાના OTT પ્લેટફોર્મ ALT બાલાજી વિરુદ્ધ ફરિયાદ નોંધાવી છે. રિપોર્ટ 9 મે સુધીમાં સબમિટ કરવાનો રહેશે મુંબઈની સ્થાનિક કોર્ટે આ મામલે પોલીસને એકતા કપૂર વિરુદ્ધ તપાસ કરવાનો આદેશ આપ્યો છે. ઉપરાંત, તેમને 9 મે સુધીમાં રિપોર્ટ સુપરત કરવા માટે કહેવામાં આવ્યું છે. વાસ્તવમાં, ALT બાલાજી પર વેબ સિરીઝમાં ભારતીય સૈનિકોનું અપમાન કરવાનો આરોપ છે. વકીલ અલી કાશિફ ખાન દેશમુખ દ્વારા દાખલ કરાયેલી FIR મુજબ, ALT બાલાજી વેબ સિરીઝના એક એપિસોડમાં એક સૈન્ય જવાનને ગેરકાયદેસર જાતીય પ્રવૃત્તિમાં સંડોવતો દર્શાવવામાં આવ્યો હતો. ફરિયાદમાં જણાવાયું છે કે, વિકાસ પાઠક ઉર્ફે ‘હિન્દુસ્તાની ભાઉ’ ને મે 2020 માં આ વાતની ખબર પડી. જે બાદ તેણે ફરિયાદ નોંધાવી. ભારતીય સેનાનું અપમાન કરવાનો આરોપ ફરિયાદ મુજબ, નિર્માતાએ શ્રેણીમાં ગેરકાયદેસર જાતીય કૃત્યમાં રાષ્ટ્રીય પ્રતીક સાથે ભારતીય સેનાનો ગણવેશ બતાવીને આપણા દેશની ગરિમા અને ગૌરવને ખોટી રીતે રજૂ કર્યું છે. ALT બાલાજી પર પહેલા પણ આવા જ પ્રશ્નો ઉઠાવવામાં આવ્યા છે. ઘણી વખત સોશિયલ મીડિયા અને અન્ય લોકોએ ALT બાલાજીની સામગ્રીની ટીકા કરી છે. હિન્દુસ્તાની ભાઉ કોણ છે? વિકાસ પાઠક મુંબઈના ખારનો રહેવાસી છે. તેમને ‘હિન્દુસ્તાની ભાઉ’ તરીકે ઓળખવામાં આવે છે. તેઓ કારમાં બેસીને વીડિયો રેકોર્ડ કરે છે. તેમના વીડિયોમાં ઘણીવાર અપશબ્દોનો ઉપયોગ થાય છે. વિકાસ 2019 માં રિયાલિટી ટીવી શો બિગ બોસનો ભાગ બન્યો.
