ગઈકાલે પ્રિયંકા ચોપરા હૈદરાબાદથી મુંબઈ પરત ફરી. આ દિવસોમાં, એક્ટ્રેસ બોલિવૂડમાં તેના કમબેકને લઈને ચર્ચામાં છે. ગયા મંગળવારે તે મુંબઈના કાલિના એરપોર્ટ પર જોવા મળી હતી. હવે પ્રિયંકાનો એક વીડિયો સોશિયલ મીડિયા પર વાઈરલ થઈ રહ્યો છે. આ વીડિયોમાં તે એક ગરીબ માણસને મદદ કરતી જોવા મળે છે. પ્રિયંકાએ એક ગરીબ વ્યક્તિને મદદ કરી
પ્રિયંકા કારમાં એરપોર્ટની બહાર આવતી જોવા મળી. આ દરમિયાન, તે ગ્રે સ્વેટ પેન્ટ, મેચિંગ ગ્રે ટોપ અને કેપમાં કેઝ્યુઅલ લુકમાં જોવા મળી હતી. સોશિયલ મીડિયા પર વાઈરલ થઈ રહેલા પ્રિયંકાના વીડિયોમાં, તે પોતાની કારમાં બેસીને એરપોર્ટની બહાર આવતી જોઈ શકાય છે. વીડિયોમાં દેખાઈ રહ્યું છે કે એક્ટ્રેસની કાર સિગ્નલ પર ઊભી હોય છે. જ્યાં કાર પાસે એક જરૂરિયાતમંદ માણસ તેની પાસે મદદ માગે છે. એક્ટ્રેસના વાઈરલ વીડિયોના લોકોએ વખાણ કર્યા
પ્રિયંકાએ તે માણસને જોયો અને તેને મદદ કરી. એક્ટ્રેસે પોતાની કારની અંદરથી પોતાનો હાથ કાઢ્યો અને તે જરૂરિયાતમંદ વ્યક્તિને થોડા પૈસા આપ્યા. પ્રિયંકાએ આ કરતી વખતે પોતાનો ચહેરો છુપાવ્યો હતો. તે તેના ભાઈના લગ્ન અને ફિલ્મના શૂટિંગ માટે ભારત આવી હતી
હાલ એક્ટ્રેસ ઘણા સમયથી ભારતમાં છે. પ્રિયંકા ચોપરા તેના ભાઈ સિદ્ધાર્થ ચોપરાના લગ્નમાં હાજરી આપવા અને એસએસ રાજામૌલીની ફિલ્મનું શૂટિંગ પૂર્ણ કરવા માટે ભારત આવી હતી. એક્ટ્રેસના ભાઈના લગ્ન 7 ફેબ્રુઆરીએ થયા હતા. ભાઈ સિદ્ધાર્થ ચોપરાએ તેમની મંગેતર અને એક્ટ્રેસ નીલમ ઉપાધ્યાય સાથે લગ્ન કર્યા છે. પ્રિયંકાની આ ફિલ્મ 2026માં રિલીઝ થશે
પ્રિયંકાના આગામી પ્રોજેક્ટ વિશે વાત કરીએ તો, તે 2026 માં એસએસ રાજામૌલી દ્વારા નિર્દેશિત ફિલ્મ SSMB29 સાથે કમબેક કરશે. આ ફિલ્મમાં પ્રિયંકા સાથે સાઉથ સુપર સ્ટાર મહેશ બાબુ જોવા મળશે. એક્ટ્રેસે ફિલ્મનું શૂટિંગ પણ શરૂ કરી દીધું છે. અહેવાલો અનુસાર, પ્રિયંકા આ ફિલ્મમાં ખલનાયકની ભૂમિકામાં જોવા મળશે. પ્રિયંકા અને મહેશ બાબુને સાથે જોવા માટે ચાહકો ખૂબ જ ઉત્સાહિત છે.
‘દેસી ગર્લ’ના અંદાજે ફરી ફેન્સનું દિલ જીત્યું:પ્રિયંકા ચોપરાએ સિગ્નલ પર ગાડી રોકી ગરીબ વ્યક્તિને મદદ કરી, વીડિયો સોશિયલ મીડિયા પર વાઈરલ
