‘ઈન્ડિયાઝ ગોટ લેટેન્ટ’ શોમાં અશ્લીલ ટિપ્પણીઓને કારણે રૈના વિવાદોમાં ઘેરાયેલો છે. વિવાદ પછી, સમયે કેનેડામાં પોતાનો પહેલો શો કર્યો. આ શો દરમિયાન, સમયે પહેલીવાર શોના વિવાદ અંગે પ્રતિક્રિયા આપી છે. પ્રેક્ષકો સાથે વાતચીત કરતી વખતે, કોમેડિયને કહ્યું- ‘એવું લાગે છે કે મારો સમય ખરાબ ચાલી રહ્યો છે, પણ યાદ રાખો કે હું જ સમય છું.’ સમય રૈનાએ શોના વિવાદ પર પહેલી વાર વાત કરી સમય રૈના હાલમાં તેના સ્ટેન્ડ-અપ શો ‘સમય રૈના અનફિલ્ટર્ડ’ માટે કેનેડાના પ્રવાસ પર છે. તાજેતરમાં તેમણે કેનેડાના એડમોન્ટનમાં માયર હોરોવિટ્ઝ થિયેટરમાં પરફોર્મ કર્યું. ઇન્ડિયા ટુડેના અહેવાલ મુજબ, સમયે તેના શોમાં કહ્યું- આ શોમાં ઘણા પ્રસંગો આવશે જ્યાં તમને લાગશે કે હું ખરેખર કંઈક રમૂજી કહી શકું છું પણ પછી બીયર બાયસેપ્સને યાદ કરી લેવાનો ભાઈ’. સમય આગળ કહે છે, ‘કદાચ મારો સમય ખરાબ ચાલી રહ્યો છે, પણ યાદ રાખો મિત્રો, હું સમય છું’ સમયે કહ્યું- મારો ઉદ્દેશ્ય ફક્ત લોકોને હસાવવાનો હતો સમય રૈનાએ હજુ સુધી ઇન્ડિયાઝ ગોટ લેટેન્ટના મુદ્દા પર ખૂલીને વાત કરી નથી. તેમણે થોડા સમય પહેલા એક પોસ્ટ શેર કરી હતી. સમયની પોસ્ટમાં લખ્યું હતું – જે કંઈ પણ થઈ રહ્યું છે, હું તેને સંભાળી શકતો નથી. મેં મારી ચેનલ પરથી ઇન્ડિયા’ઝ ગોટ લેટેન્ટના બધા વીડિયો દૂર કરી દીધા છે. મારો એકમાત્ર હેતુ લોકોને હસાવવાનો અને ખુશી આપવાનો હતો. હું બધી એજન્સીઓને સંપૂર્ણ સહકાર આપીશ જેથી તેમની તપાસ યોગ્ય રીતે થઈ શકે. આભાર. પોલીસે સમન્સ મોકલ્યું તાજેતરમાં, સાયબર પોલીસે સમય રૈનાને માતા-પિતા અને મહિલાઓ પર અભદ્ર ટિપ્પણી કરવા બદલ સમન મોકલ્યું હતું. સાયબર પોલીસે તેમને વીડિયો કોન્ફરન્સિંગ દ્વારા તેમનું નિવેદન નોંધવાની પરવાનગી આપવાનો પણ ઇનકાર કર્યો હતો. વિવાદ વધ્યા બાદ સમય રૈનાએ પોતાની યુટ્યુબ ચેનલ પરથી ઇન્ડિયાઝ ગોટ લેટેન્ટના બધા એપિસોડ દૂર કરી દીધા છે.
