ક્રિતી અને કબીરનાં લગ્નની અફવાઓ ખોટી:એક્ટ્રેસ આ વર્ષે લગ્ન નહીં કરે, બંને દિલ્હી એરપોર્ટ પર સાથે જોવા મળ્યાં હતાં

ક્રિતી સેનન ઘણા સમયથી તેની રિલેશનશિપને લઈ ચર્ચામાં છે. એક્ટ્રેસ ઉદ્યોગપતિ કબીર બાહિયાને ડેટ કરી રહી હોવાની અફવા છે. એવી પણ અફવાઓ હતી કે બંને ટૂંક સમયમાં લગ્ન કરશે. જોકે, લગ્નની અફવાઓ ખોટી સાબિત થઈ છે. 2025માં ક્રિતી લગ્ન નહીં કરે
ઇન્ડિયા ટુડેના રિપોર્ટ મુજબ, ક્રિતી અને કબીર વર્ષ 2025માં લગ્ન નહીં કરે. આનું કારણ એક્ટ્રેસનું વ્યસ્ત ટાઈમ ટેબલ હોવાનું કહેવાયમાં આવી રહ્યું છે. 15 ફેબ્રુઆરીના રોજ અભિનેત્રીને તેના રૂમર્ડ બોયફ્રેન્ડ સાથે નવી દિલ્હી એરપોર્ટ પર જોવામાં આવી હતી. જેના પરથી એવું અનુમાન લગાવવામાં આવી રહ્યું હતું કે તે કબીરના માતા-પિતાને મળવા માટે દિલ્હી પહોંચી હતી. હવે ક્રિતીનાં દિલ્હી જવા પાછળનું સાચું કારણ સામે આવ્યું છે. એક્ટ્રેસ તેની આગામી ફિલ્મ ‘તેરે ઇશ્ક મેં’નું શૂટિંગ શરૂ કરવા માટે દિલ્હી ગઈ હતી. રૂમર્ડ બોયફ્રેન્ડ કબીર સાથે જોવા મળી ક્રિતી
15 ફેબ્રુઆરીએ બંને દિલ્હી એરપોર્ટ પર સાથે જોવા મળ્યા હતા. જે બાદ બંનેનો વીડિયો સોશિયલ મીડિયા પર ખૂબ વાઈરલ થયો. એક્ટ્રેસનો રૂમર્ડ બોયફ્રેન્ડ કબીર દિલ્હીનો રહેવાસી છે. એવામાં સોશિયલ મીડિયા યુઝર્સે અનુમાન લગાવવાનું શરૂ કર્યું કે ક્રિતી કબીરના માતાપિતાને મળવા માટે દિલ્હી પહોંચી હતી. બંનેએ સાથે ન્યૂ યર સેલિબ્રેશન કર્યું હતું
ક્રિતી સેનન અને ઉદ્યોગપતિ કબીર બાહિયા ઘણીવાર સાથે જોવા મળે છે. બંનેએ સાથે મળીને નવું વર્ષ અને નાતાલની ઉજવણી પણ કરી. રાહત ફતેહ અલી ખાનના કોન્સર્ટમાં બંને સાથે જોવા મળ્યાં હતાં. એક્ટ્રેસની બહેન નુપુર સેનને તેના ઇન્સ્ટાગ્રામ હેન્ડલ પર કોન્સર્ટની કેટલીક ઇન્સ્ટાગ્રામ સ્ટોરીઓ શેર કરી હતી. એવું માનવામાં આવતું હતું કે ક્રિતી સેનન નવા વર્ષની ઉજવણી માટે દુબઈ ગઈ હતી. ક્રિતી અને કબીરની ઘણી તસવીરો સોશિયલ મીડિયા પર વાઈરલ થઈ રહી છે. કબીર બાહિયા એક ઉદ્યોગપતિ છે
જોકે, ક્રિતી અને કબીરે હજુ સુધી સત્તાવાર રીતે તેમના સંબંધોનો સ્વીકાર કર્યો નથી. કબીર બાહિયા વર્લ્ડવાઇડ એવિએશન એન્ડ ટુરિઝમ લિમિટેડના સ્થાપક છે. તેના પિતા યુકે સ્થિત ટ્રાવેલ એજન્સી સાઉથોલ ટ્રાવેલના માલિક છે. ક્રિતી ​​​​​​ટૂંક સમયમાં ફિલ્મ ‘તેરે ઇશ્ક મેં’ જોવા મળશે
ક્રિતી સેનન ટૂંક સમયમાં ધનુષ સાથે ફિલ્મ ‘તેરે ઇશ્ક મેં’માં જોવા મળશે. ફિલ્મ નિર્માતાઓએ તાજેતરમાં જ ફિલ્મનું ટીઝર રિલીઝ કર્યું છે. ક્રિતી ફિલ્મનું શૂટિંગ પૂર્ણ કરવા માટે દિલ્હીમાં છે. આ અભિનેત્રીએ અગાઉ 2024માં ત્રણ મોટી ફિલ્મોમાં કામ કર્યું છે. તે શાહિદ કપૂરની સામે ફિલ્મ ‘તેરી બાતોં મેં ઐસા ઉલઝા જિયા’માં જોવા મળી હતી. તે જ સમયે, તે કરીના કપૂર ખાન અને તબ્બુ સાથે ફિલ્મ ‘ક્રૂ’માં પણ જોવા મળી હતી. ફિલ્મ ‘દો પટ્ટી’માં અભિનય કરવા ઉપરાંત, ક્રિતીએ ફિલ્મનું નિર્માણ પણ કર્યું હતું.