વડાપ્રધાન નરેન્દ્ર મોદી રવિવારથી મધ્યપ્રદેશના બે દિવસના પ્રવાસે રહેશે. વડાપ્રધાનનું વિમાન બપોરે 1.25 વાગ્યે ખજુરાહો એરપોર્ટ પર ઉતરશે. અહીંથી પીએમ બપોરે 1.45 વાગ્યે હેલિકોપ્ટરથી બાગેશ્વર ધામ પહોંચશે. અહીં તેઓ બાલાજી કેન્સર ઇન્સ્ટિટ્યૂટ અને રિસર્ચ સેન્ટરનો શિલાન્યાસ કરશે. પછી મંદિરમાં પૂજા કર્યા પછી, તેઓ સભાને સંબોધન કરશે. વડાપ્રધાન સાંજે ભોપાલ પહોંચશે. સરકાર અને સંગઠન વિશે સાંસદો અને ધારાસભ્યો સાથે વાત કરશે. રાજભવનમાં રાત્રિ રોકાણ બાદ, તેઓ સોમવારે ગ્લોબલ ઇન્વેસ્ટર્સ સમિટમાં હાજરી આપશે. મોદી મધ્યપ્રદેશમાં 23 કલાક સુધી રહેશે.
