તેલંગાણા ટનલ દુર્ઘટના, 62 કલાક પછી પણ ખાલી હાથ:8 કર્મચારીઓને બચાવવાની જવાબદારી હવે રેટ માઈનર્સ પર; 6 સભ્યોની ટીમ પહોંચી

હૈદરાબાદથી 132 કિમી દૂર નાગરકુર્નૂલમાં બનાવવામાં આવી રહેલી વિશ્વની 42 કિમી લાંબી પાણીની ટનલમાં આઠ કર્મચારીઓ ફસાયાને 62 કલાકથી વધુ સમય વીતી ગયો છે. 584 લોકોની ટીમ રેસ્ક્યુ ઓપરેશનમાં લાગેલી છે. આમાં આર્મી, નેવી, NDRF, SDRF, IIT ચેન્નાઈ અને LT કંપનીના એક્સપર્ટ્સનો સમાવેશ થાય છે. પરંતુ હજુ સુધી ફસાયેલા કર્મચારીઓ સાથે કોઈ સંપર્ક થયો નથી. આ પછી, આ કામ હવે 12 રેટ માઈનર્સ (ઉંદરોની જેમ ખાણમાં ખોદનારા મજૂરો)ને સોંપવામાં આવ્યું છે. તેમણે જ 2023માં ઉત્તરાખંડના સિલ્ક્યારા ટનલમાં ફસાયેલા 41 કર્મચારીને સુરક્ષિત રીતે બચાવ્યા હતા. સોમવારે બપોરે 6 રેટ માઈનર્સની ટીમ આવી પહોંચી છે. બાકીની 6 લોકોની ટીમ કાલે (બુધવારે) પહોંચશે. અત્યારે આ ટીમ ફક્ત અંદર જશે અને પરિસ્થિતિનું અવલોકન કરશે. NDRF અને SDRF સાથે રેટ માઈનર્સ ટીમની મીટિંગ પછી બચાવ કાર્ય શરૂ થશે. પાણીના કારણે બચાવ કામગીરીમાં વધુ સમય લાગી શકે છે. સિલક્યારા ટનલમાં સૂકા કાટમાળને કારણે બહુ સમસ્યા નહોતી. આ કાર્યમાં નેવીના કર્મચારીઓ રેટ માઇનર્સ ટીમને મદદ કરશે. તેઓ IIT ચેન્નાઈના ખાસ પુશ કેમેરા અને રોબોટ્સની મદદથી ખોદકામનો સાચો રસ્તો બતાવશે. 22 ફેબ્રુઆરીના રોજ શ્રીશૈલમ લેફ્ટ બેંક કેનાલ (SLBC) ટનલનો એક ભાગ તૂટી પડ્યો હતો. સોમવારે ટનલની 2 તસવીરો સામે આવી હતી… ટનલમાં પ્રવેશતા જ, ઘૂંટણ સુધી પાણી અને કાટમાળ હતો, બચાવ ટીમ પાછી ફરી હતી બચાવ ટીમે રવિવારે જ બચાવ કામગીરી શરૂ કરી દીધી હતી. બચાવ ટીમે ટનલમાં અકસ્માત સ્થળનું નિરીક્ષણ કર્યું. જ્યારે અંદર જવાનો કોઈ રસ્તો નહોતો ત્યારે તે પાછી આવી હતી. સોમવારે, NDRF અને SDRFના જવાનોએ 50-50 હોર્સપાવરના 5 પંપનો ઉપયોગ કરીને પાણી કાઢીને ટ્રેનનો ટ્રેક નાખ્યો. ટનલમાં લાઇટિંગની પણ વ્યવસ્થા કરી. ટીમ કાટમાળની નજીક પહોંચી ગઈ છે. સોમવારે સવારે બચાવ ટીમ કાટમાળ પાસે પહોંચી અને લગભગ અડધા કલાક સુધી કર્મચારીઓના નામ બોલાવ્યા, પરંતુ બીજી બાજુથી કોઈ જવાબ મળ્યો નહીં. તેલંગાણા સરકારના મંત્રી જુપલ્લી કૃષ્ણ રાવે કહ્યું હતું કે અમારા પ્રયાસો ચાલુ છે પરંતુ કર્મચારીઓના બચવાની શક્યતા ઓછી છે. ટનલમાં એન્ડોસ્કોપિક અને રોબોટિક કેમેરા લગાવવામાં આવ્યા
સોમવારે બચાવ કામગીરી માટે ટનલમાં એન્ડોસ્કોપિક અને રોબોટિક કેમેરા લગાવવામાં આવ્યા હતા. આ ઉપરાંત NDRF ડોગ સ્ક્વોડની પણ મદદ લેવામાં આવી રહી છે. LT એન્ડોસ્કોપિક ઓપરેટર દોવદીપે જણાવ્યું હતું કે, એન્ડોસ્કોપિક કેમેરાથી આપણે જોઈ શકીએ છીએ કે ટનલની અંદર શું થઈ રહ્યું છે. ઉત્તરાખંડમાં બચાવ કામગીરી દરમિયાન પણ આ જ કરવામાં આવ્યું હતું. આ અકસ્માત 22 ફેબ્રુઆરીના રોજ સવારે 8:30 વાગ્યે થયો હતો. ટનલના એન્ટ્રી પોઈન્ટથી 13 કિમી અંદર ટનલની છતનો લગભગ 3 મીટર ભાગ તૂટી પડ્યો. આ દરમિયાન, લગભગ 60 લોકો ટનલની અંદર કામ કરી રહ્યા હતા. 52 લોકો પોતાનો જીવ બચાવીને નીકળી ગયા, પરંતુ ટનલ બોરિંગ મશીન (TBM) ચલાવતા ૮ કામદારો અંદર ફસાઈ ગયા. તેમાં 2 એન્જિનિયર, 2 મશીન ઓપરેટર અને 4 મજૂર છે. રેસ્ક્યુ ઓપરેશનના ફોટા… ટનલમાં ફસાયેલા 8 કામદારો – ઝારખંડના 4, યુપીના 2 અને પંજાબ અને જમ્મુ અને કાશ્મીરના 1-1 કામદાર શ્રી નિવાસ ઉત્તર પ્રદેશના ચંદૌલીના છે તેલંગાણામાં ટનલમાં ફસાયેલા શ્રી નિવાસ (48) ચંદૌલી જિલ્લાના સદર કોતવાલી વિસ્તારના માટીગાંવના રહેવાસી હતા. શ્રી નિવાસ 2008થી હૈદરાબાદમાં જેપી કંપનીમાં જુનિયર એન્જિનિયર (જેઈ) તરીકે કામ કરે છે. આ ઉપરાંત, ઉન્નાવના રહેવાસી મનોજ કુમાર (50) પણ આ જ કંપનીમાં એન્જિનિયર તરીકે કામ કરે છે. તે બેહટ પોલીસ સ્ટેશનના મટકુરી ગામના રહેવાસી અર્જુન પ્રસાદનો પુત્ર છે. પંજાબનો ગુરપ્રીત 20 દિવસ પહેલા કામ પર પાછો ફર્યો હતો પંજાબના તરનતારનનો રહેવાસી ગુરપ્રીત સિંહ પણ ટનલમાં ફસાયો છે. તે તેની માતા, પત્ની અને બે પુત્રીઓ સાથે રહે છે. મોટી દીકરી 16 વર્ષની છે અને નાની 13 વર્ષની છે. પિતા ગુજરી ગયા છે. ગુરપ્રીતે 10મા ધોરણ સુધી અભ્યાસ કર્યો છે. તે 20 દિવસ પહેલા જ ઘરેથી કામ પર પાછો ફર્યો હતો. પરિવાર પાસે 2 એકરથી ઓછી જમીન છે.