ICC ચેમ્પિયન્સ ટ્રોફી 2025ની આઠમી મેચ આજે ઇંગ્લેન્ડ અને અફઘાનિસ્તાન વચ્ચે રમાશે. આ મેચ લાહોરના ગદ્દાફી સ્ટેડિયમમાં બપોરે 2:30 વાગ્યે શરૂ થશે. બંને ટીમ ચેમ્પિયન્સ ટ્રોફીમાં પહેલી વાર આમને-સામને થશે. આ ચેમ્પિયન્સ ટ્રોફીમાં બંને ટીમ પોતાની પહેલી મેચ હારી ગઈ હતી. ઇંગ્લેન્ડનો ઓસ્ટ્રેલિયા સામે પરાજય થયો હતો જ્યારે અફઘાનિસ્તાનનો સાઉથ આફ્રિકા સામે પરાજય થયો હતો. બંને પોતાના પહેલા ટાઇટલની શોધમાં છે. મેચની ડિટેઇલ્સ, આઠમી મેચ
ENG Vs AFG
તારીખ: 26 ફેબ્રુઆરી
સ્ટેડિયમ: ગદ્દાફી સ્ટેડિયમ, લાહોર
સમય: ટૉસ- બપોરે 2:00 વાગ્યે, મેચ શરૂ- બપોરે 2:30 વાગ્યે ઇંગ્લેન્ડ હેડ ટુ હેડમાં આગળ
બંને ટીમ વન-ડેમાં કુલ 3 વખત એકબીજા સામે આવી છે. ત્રણેય મેચ વર્લ્ડ કપ દરમિયાન રમાઈ હતી. આમાં, ઇંગ્લેન્ડે 2015 અને 2019ની મેચ જીતી હતી. તે જ સમયે, 2023માં રમાયેલી છેલ્લી વર્લ્ડ કપ મેચમાં અફઘાનિસ્તાને ઇંગ્લેન્ડને 69 રનથી હરાવ્યું હતું. કાર્સ ટુર્નામેન્ટમાંથી બહાર
ઇંગ્લેન્ડના ઓલરાઉન્ડર બ્રાયડન કાર્સે પગના અંગૂઠામાં ઈજાને કારણે ચેમ્પિયન્સ ટ્રોફી 2025માંથી બહાર થઈ ગયો છે. તેના સ્થાને 20 વર્ષીય રેહાન અહેમદને ટીમમાં તક મળી છે. કાર્સ જમણા હાથનો બેટર અને ઝડપી બોલર છે. તેણે ચેમ્પિયન્સ ટ્રોફીમાં ઓસ્ટ્રેલિયા સામે ટીમની પહેલી મેચમાં 8 રન બનાવ્યા હતા અને 69 રન આપીને 1 વિકેટ પણ લીધી હતી. આ મેચ ઇંગ્લેન્ડ 5 વિકેટથી હારી ગયું. ડકેટે છેલ્લી મેચમાં સદી ફટકારી હતી
આ વર્ષે ઇંગ્લેન્ડ માટે બેન ડકેટે સૌથી વધુ રન બનાવ્યા છે. તેણે 4 મેચમાં 165 રન બનાવ્યા છે. ડકેટે અગાઉની મેચમાં ઓસ્ટ્રેલિયા સામે સદી (165 રન) ફટકારી હતી. જોકે, તે પોતાની ટીમને જીત અપાવી શક્યો નહીં. સ્પિનર આદિલ રશીદે સૌથી વધુ વિકેટ લીધી છે. તેણે 4 મેચમાં 8 વિકેટ લીધી છે. છેલ્લી મેચમાં તેને એક વિકેટ મળી હતી. રહમત શાહ ટીમનો ટૉપ સ્કોરર
રહમત શાહ આ વર્ષે અફઘાનિસ્તાનનો ટૉપ સ્કોરર છે. તેણે સાઉથ આફ્રિકા સામેની છેલ્લી મેચમાં 90 રન બનાવ્યા હતા. પરંતુ આ રન ટીમને જીતવા માટે પૂરતા ન હતા. ટીમના અનુભવી ખેલાડી મોહમ્મદ નબી સૌથી વધુ વિકેટ લેનાર બોલર છે. છેલ્લી મેચમાં નબીએ 2 વિકેટ લીધી હતી. પિચ રિપોર્ટ
મોટાભાગની હાઇ સ્કોરિંગ મેચ ગદ્દાફી સ્ટેડિયમમાં રમાઈ છે. અહીંની પિચ બેટિંગ માટે અનુકૂળ છે અને તેથી જ અહીં હાઇ-સ્કોરિંગ મેચ જોવા મળે છે. અત્યાર સુધીમાં અહીં 70 વન-ડે રમાઈ ચૂકી છે. પહેલા બેટિંગ કરનારી ટીમે 35 મેચ જીતી છે અને પહેલા બોલિંગ કરનારી ટીમે 33 મેચ જીતી છે. તે જ સમયે, એક મેચનું પરિણામ નક્કી આવી શક્યું નહીં. જ્યારે એક મેચ પણ ટાઈ રહી હતી. અહીંનો સૌથી વધુ સ્કોર 375/3 છે, જે પાકિસ્તાને ૨૦૧૫માં ઝિમ્બાબ્વે સામે બનાવ્યો હતો. ગદ્દાફી સ્ટેડિયમમાં સૌથી વધુ રન ચેઝ 349/4 છે, જે પાકિસ્તાને 2022માં ઓસ્ટ્રેલિયા સામે કર્યો હતો. હવામાન અહેવાલ
બુધવારે ઇંગ્લેન્ડ-અફઘાનિસ્તાન મેચ દરમિયાન લાહોરમાં હવામાન સારું રહેશે. આ દિવસે અહીં વાદળછાયું વાતાવરણ રહેશે, જોકે વરસાદની કોઈ શક્યતા નથી. દિવસભર વાદળછાયું વાતાવરણ રહેશે અને હવામાન પણ ગરમ રહેશે. તાપમાન 14 થી 25 ડિગ્રી સેલ્સિયસની આસપાસ રહેવાની ધારણા છે. તે જ સમયે, પવન 15 કિલોમીટર પ્રતિ કલાકની ઝડપે ફૂંકાશે. બન્ને ટીમની સંભવિત પ્લેઇંગ-11
ઇંગ્લેન્ડ (ENG): જોસ બટલર (કેપ્ટન), ફિલ સોલ્ટ (વિકેટકીપર), બેન ડકેટ, જેમી સ્મિથ, જો રૂટ, હેરી બ્રુક, લિયામ લિવિંગસ્ટન, જેમી ઓવરટન, જોફ્રા આર્ચર, આદિલ રશીદ અને માર્ક વુડ. અફઘાનિસ્તાન (AFG): હશમતુલ્લાહ શાહિદી (કેપ્ટન), ઇબ્રાહિમ ઝદરાન, રહેમાનુલ્લાહ ગુરબાઝ, સેદીકુલ્લાહ અટલ, રહેમત શાહ, અઝમતુલ્લાહ ઓમરઝાઈ, મોહમ્મદ નબી, ગુલબદ્દીન નઇબ, રાશિદ ખાન, નૂર અહમદ અને ફઝલ-હક ફારૂકી.
ચેમ્પિયન્સ ટ્રોફીમાં આજે ENG Vs AFG:ODIમાં ચોથી વખત ટકરાશે, બંને ટીમ પહેલી મેચ હારી ગઈ; આજે બન્ને માટે કરો યા મરો મેચ
