ફિલ્મ ‘બાગબાન’માં હેમા માલિની પહેલા મેકર્સે તબ્બુનો સંપર્ક કર્યો હતો. તબ્બુને ફિલ્મની સ્ટોરી ગમી. આ સાંભળીને તે રડવા પણ લાગી. જોકે, તેણે ફિલ્મમાં કામ કરવાનો ઇનકાર કરી દીધો હતો. તેણે કહ્યું કે તે ચાર બાળકોની માતાની ભૂમિકા ભજવવામાં કમ્ફર્ટેબલ નહોતી. આનાથી તેની કારકિર્દી પર પણ નકારાત્મક અસર પડી શકત. આ વાતનો ખુલાસો ફિલ્મ મેકર રવિ ચોપરાની પત્ની અને પ્રોડ્યુસર રેણુ ચોપરાએ કર્યો છે. રેણુએ કહ્યું- અમે તબ્બુને કાસ્ટ કરવાનું વિચાર્યું હતું. પહેલા તેણે સ્ક્રિપ્ટ સાંભળવા કહ્યું. સ્ટોરી સાંભળ્યા પછી તે ખૂબ રડી, તેને સ્ટોરી ગમી. મને લાગ્યું કે તે હવે ફિલ્મ માટે હા પાડશે. પછી એક નજીકની વ્યક્તિએ મને કહ્યું કે જ્યારે તબ્બુ કોઈ ફિલ્મની સ્ટોરી સાંભળીને રડે છે, ત્યારે તે તે ફિલ્મ કરતી નથી. રેણુએ પિંકવિલા સાથેના એક ઇન્ટરવ્યૂમાં આ વાતો કહી હતી. ‘હું 4 બાળકોની માતાનો રોલ કરવા માટે કમ્ફર્ટેબલ નહોતી’
જ્યારે રેણુએ તબ્બુને તેના નિર્ણય વિશે પૂછ્યું, ત્યારે તેણે કહ્યું- મને ફિલ્મની સ્ટોરી ખૂબ જ ગમી. હું રડી પણ ખરાં. પરંતુ હું ચાર બાળકોની માતાની ભૂમિકા ભજવવા માંગતી નથી. મારી આખી કારકિર્દી હજુ બાકી છે, તો રવિજી કૃપા કરીને મને માફ કરો. તેં ફિલ્મ કેમ નકારી, હું તને ચંપલથી મારીશ- તબ્બુની મામી રેણુએ જણાવ્યું કે જ્યારે ફિલ્મ રિલીઝ થઈ ત્યારે તબ્બુ તેની મામી સાથે ફિલ્મ જોવા ગઈ હતી. તેણે મામીને કહ્યું કે તેને આ ફિલ્મની ઓફર પહેલા મળી હતી, પણ મેં ના પાડી દીધી હતી. આ સાંભળીને મારા મામી ગુસ્સે થયા અને કહ્યું- હું ચંપલથી તને મારીશ. તું આ ફિલ્મને ના કેમ પાડી શકે? ફિલ્મ બોક્સ ઓફિસ પર હિટ રહી હતી
2003માં રિલીઝ થયેલી ‘બાગબાન’માં અમિતાભ બચ્ચન હેમા માલિની સાથે લીડ રોલમાં હતાં. આ ફિલ્મમાં સલમાન ખાન પણ જોવા મળ્યો હતો. રવિ ચોપરા દ્વારા ડિરેક્ટેડ આ ફિલ્મનું બજેટ 12 કરોડ રૂપિયા હતું. તેણે વિશ્વભરમાં ₹43.13 કરોડની કમાણી કરી.
હેમા માલિની પહેલા તબ્બુને મળી હતી ‘બાગબાન’ની ઓફર:એક્ટ્રેસને સ્ટોરી ખૂબ જ ગમી, પણ ચાર બાળકોની માતાનો રોલ કરવા સામે વાંધો હતો
