ફિનટેક કંપની પેટીએમએ એઆઈ સ્ટાર્ટઅપ પરપ્લેક્સિટી સાથે ટાઇઅપની જાહેરાત કરી છે. હવે યુઝર્સને પેટીએમ એપ પર એઆઈ ઇન્ટિગ્રેટેડ સર્ચ વિકલ્પ મળશે. આ સુવિધા દ્વારા, વપરાશકર્તાઓ સ્થાનિક ભાષામાં રિયલ ટાઇમ ઈન્ફોર્મેશન અને ફાઇનાન્શિયલ ઈનસાઇટ્સ એક્સેસ કરી શકશે. કંપનીએ ગુરુવારે (27 ફેબ્રુઆરી) એક્સચેન્જ ફાઇલિંગમાં આ માહિતી આપી હતી. કંપનીનું કહેવું છે કે આ સુવિધા વપરાશકર્તાઓની નાણાકીય સાક્ષરતામાં વધારો કરશે. વપરાશકર્તાઓ બેંકિંગ, રોકાણ અને ખર્ચ સંબંધિત માહિતી સરળતાથી મેળવી શકશે. આનાથી તેમને નાણાકીય બાબતો સંબંધિત નિર્ણયો લેવામાં મદદ મળશે. વિજય શેખરે કહ્યું- AI લોકોની નિર્ણય લેવાની રીત બદલી રહ્યું છે દરમિયાન, પરપ્લેક્સિટીના સીઈઓ અરવિંદ શ્રીનિવાસે જણાવ્યું હતું કે આ ટેકનોલોજી લોકોને વાસ્તવિક સમયમાં વિશ્વસનીય માહિતી પૂરી પાડવામાં મદદ કરશે. IIT ગ્રેજ્યુએટએ 2022માં બનાવ્યું પરપ્લેકિસટી
પરપ્લેક્સિટી એ યુએસ સ્થિત એઆઈ સર્ચ એન્જિન સ્ટાર્ટઅપ કંપની છે. પરપ્લેક્સિટીની સ્થાપના 2022માં IIT મદ્રાસના સ્નાતક અરવિંદ શ્રીનિવાસ દ્વારા કરવામાં આવી હતી. અરવિંદ શ્રીનિવાસ ઓપન એઆઈમાં એઆઈ સંશોધક તરીકે પણ કામ કરી ચૂક્યા છે. ગૂગલ સર્ચના સ્પર્ધક પરપ્લેક્સિટીએ તાજેતરમાં $500 મિલિયનનું ભંડોળ એકત્ર કર્યું છે. અગાઉ, કંપનીએ TripAdvisor સાથે પણ આવી જ રીતે જોડાણ કર્યું હતું. FY25 Q3માં Paytmને ₹208 કરોડનું નુકસાન થયું
નાણાકીય વર્ષ 2024-25ના ત્રીજા ક્વાર્ટર (ઓક્ટોબર-ડિસેમ્બર)માં પેટીએમની પેરેન્ટ કંપની વન 97 કોમ્યુનિકેશન્સને 208 કરોડ રૂપિયાની ચોખ્ખી ખોટ થઈ હતી. એક વર્ષ પહેલાના સમાન ક્વાર્ટરમાં પેટીએમનું નુકસાન 220 કરોડ રૂપિયા હતું. ઓક્ટોબર-ડિસેમ્બર ક્વાર્ટરમાં કંપનીની આવક 36% ઘટીને રૂ. 1,828 કરોડ થઈ ગઈ. એક વર્ષ પહેલાના સમાન ક્વાર્ટરમાં, એટલે કે, Q3FY24માં તે રૂ. 2,850 કરોડ હતી.
પેટીએમ એપમાં રોકાણ વિશેની રીઅલ ટાઇમ માહિતી મળશે:યુઝર્સ AIની મદદથી સર્ચ કરી શકશે, યુએસ સ્ટાર્ટઅપ પરપ્લેક્સિટી સાથે ટાઇઅપ
