સાઉથ એક્ટ્રેસ શોભિતા ધુલિપાલાએ ડિસેમ્બર 2024 માં નાગ ચૈતન્ય સાથે લગ્ન કર્યા. લગ્ન પછી એક્ટ્રેસે કામમાંથી બ્રેક લીધો. જોકે, હવે તે કામ પર પાછી ફરી છે. તેણે હૈદરાબાદમાં તેના આગામી પ્રોજેક્ટનું શૂટિંગ શરૂ કરી દીધું છે. શોભિતા ટૂંક સમયમાં એક નવી ફિલ્મમાં જોવા મળશે ઇન્ડિયા ટુડેના અહેવાલ મુજબ, શોભિતા ઘણા સમયથી હૈદરાબાદમાં શૂટિંગ કરી રહી છે. જોકે, એક્ટ્રેસ જે ફિલ્મમાં કામ કરી રહી છે તેના વિશે વધુ માહિતી જાહેર કરવામાં આવી નથી. નિર્માતાઓએ હજુ સુધી ફિલ્મનું નામ પણ જાહેર કર્યું નથી. તાજેતરમાં અભિનેત્રીના ફિલ્મ સેટ પરથી કેટલીક તસવીરો સામે આવી છે. આ તસવીરો સોશિયલ મીડિયા પર વાયરલ થઈ રહી છે. ફિલ્મના સેટ પરથી આ લુક લીક થયો હતો ફોટામાં શોભિતા ખૂબ જ સિમ્પલ લુકમાં જોવા મળી રહી છે. ફોટામાં અભિનેત્રી કાળા અને ભૂરા રંગનો સૂટ પહેરેલી જોવા મળી રહી છે. આ જોયા પછી, ચાહકો અનુમાન લગાવી રહ્યા છે કે તે ફિલ્મમાં એક ડી-ગ્લેમરાઇઝ્ડ પાત્ર ભજવી શકે છે. આ એક્ટ્રેસે ઘણી ફિલ્મોમાં કામ કર્યું છે શોભિતા છેલ્લા કેટલાક વર્ષોમાં ઘણી ફિલ્મોમાં જોવા મળી છે. અભિનેત્રીએ ‘મેડ ઇન હેવન’, ‘ધ નાઇટ મેનેજર’, ‘ગુડાચારી’, ‘મેજર’ અને ‘પોનીયિન સેલ્વન’ ફ્રેન્ચાઇઝીમાં શાનદાર ભૂમિકાઓ ભજવી છે. 2024 માં હોલિવૂડમાં પ્રવેશ કર્યો શોભિતા છેલ્લે એપ્રિલ 2024 માં ફિલ્મ ‘મંકી મેન’ માં જોવા મળી હતી. આ ફિલ્મ ડિરેક્ટર દેવ પટેલ સાથે તેની હોલિવૂડ ડેબ્યૂ ફિલ્મ હતી. 2024માં નાગ ચૈતન્ય સાથે લગ્ન કર્યા નોંધનીય છે કે, શોભિતા ધુલિપાલાએ 4 ડિસેમ્બર, 2024 ના રોજ નાગ ચૈતન્ય સાથે લગ્ન કર્યા હતા. આ લગ્ન હૈદરાબાદના અન્નપૂર્ણા સ્ટુડિયોમાં થયા હતા. આ લગ્નમાં પરિવાર અને મિત્રો હાજર રહ્યા હતા. આ લગ્નમાં શોભિતાએ ટ્રેડિશનલ સાડી પહેરી હતી અને નાગ ચૈતન્યે પોતાના દાદાનો પાંચા પહેર્યો હતો. આ કપલે આ વર્ષે ઓગસ્ટમાં સગાઈ કરી હતી શોભિતાએ આ વર્ષે ઓગસ્ટમાં નાગ સાથે સગાઈ કરી હતી. મીડિયા રિપોર્ટ્સ અનુસાર, બંનેનો ખાનગી સમારોહ નાગ ચૈતન્યના પિતા નાગાર્જુનના ઘરે થયો હતો. નાગાર્જુનનું ઘર હૈદરાબાદના પોશ વિસ્તાર જુબિલી હિલ્સમાં આવેલું છે. નાગાર્જુને સગાઈની તસવીરો સોશિયલ મીડિયા પર પણ શેર કરી હતી.
