સ્ટાલિને કહ્યું- 1971ની વસ્તી ગણતરી મુજબ સીમાંકન થવું જોઈએ:દક્ષિણના રાજ્યોએ જોઈન્ટ એક્શન કમિટી બનાવે; મોદીનો તમિલો પ્રત્યેનો પ્રેમ દેખાતો નથી

બુધવારે તમિલનાડુના સીએમ એમકે સ્ટાલિનના નેતૃત્વમાં વસ્તી ગણતરી આધારિત સીમાંકન અને ટ્રાઈ લેંગ્વેજ વોર પર એક સર્વપક્ષીય બેઠક યોજાઈ હતી. સ્ટાલિને સીમાંકનના મુદ્દા પર દક્ષિણ ભારતીય રાજ્યોના રાજકીય પક્ષોને મળીને એક જોઈન્ટ એક્શન કમિટી બનાવનાનો પ્રસ્તાવ મૂક્યો હતો. સ્ટાલિને કહ્યું કે જો સંસદમાં બેઠકો વધારવામાં આવે તો 1971ની વસ્તી ગણતરીને આધાર તરીકે લેવી જોઈએ. તેમણે એવી પણ માંગ કરી હતી કે 2026 પછીના 30 વર્ષ માટે લોકસભા બેઠકોની બાઉન્ડ્રી બનાવતી વખતે 1971ની વસ્તી ગણતરીને ધોરણ તરીકે ધ્યાનમાં લેવી જોઈએ. ટ્રાઈ લેંગ્વેજ અંગે કેન્દ્ર પર પ્રહાર કરતા સ્ટાલિને કહ્યું, “જો ભાજપનો દાવો સાચો છે કે આપણા માનનીય વડાપ્રધાન તમિલને ખૂબ પ્રેમ કરે છે, તો તે ક્યારેય કાર્યોમાં કેમ દેખાતું થતું નથી?” આ બેઠકમાં AIADMK, કોંગ્રેસ, ડાબેરી પક્ષ અને અભિનેતા વિજયની પાર્ટી TVK સહિત અનેક પક્ષોએ ભાગ લીધો હતો. આ દરમિયાન, ભાજપ, NTK અને ભૂતપૂર્વ કેન્દ્રીય મંત્રી જીકે વાસનની તમિલ મનીલા કોંગ્રેસ (મૂપ્પનાર) એ બેઠકનો બહિષ્કાર કર્યો હતો. સ્ટાલિને કહ્યું- કેન્દ્ર સરકારના કાર્યાલયમાંથી હિન્દી ભાષા હટાવવી જોઈએ સોશિયલ મીડિયા X પર પોસ્ટ કરતા સ્ટાલિને લખ્યું- ફક્ત સંસદમાં સેંગોલ મૂકવાથી તમિલનું સન્માન વધશે નહીં. તમિલનાડુમાં કેન્દ્ર સરકારની કચેરીઓમાંથી હિન્દી હટાવો, તમિલને હિન્દીની સમકક્ષ ઓફિસીયલ ભાષા બનાવો અને સંસ્કૃત કરતાં તમિલને વધુ ફંડ આપો. સ્ટાલિને સંસ્કૃત અને હિન્દીના પ્રચાર પર પણ સવાલો ઉઠાવ્યા. કેન્દ્ર સરકાર પાસે માંગણી કરવામાં આવી કે થિરુવલ્લુવરની રચનાઓને રાષ્ટ્રીય ગ્રંથ જાહેર કરવામાં આવે. તેમણે કહ્યું કે જો પીએમ મોદી ખરેખર તમિલને પ્રેમ કરે છે, તો તેમણે તમિલનાડુ માટે ખાસ યોજનાઓ બનાવવી જોઈએ, આપત્તિ રાહત ભંડોળ આપવું જોઈએ અને નવા રેલવે પ્રોજેક્ટ શરૂ કરવા જોઈએ. હિન્દી-સંસ્કૃત લાદવાનો આરોપ
સ્ટાલિને કહ્યું કે તમિલનાડુમાં હિન્દી પખવાડિયાની ઉજવણી અને યોજનાઓને સંસ્કૃત નામ આપવા પાછળ કરોડો રૂપિયા ખર્ચવામાં આવી રહ્યા છે. તમિલનાડુ ટ્રેનોના નામ હિન્દીમાં રાખવાને બદલે, તેમને તમિલ નામ આપવા જોઈએ. ઉદાહરણો આપતાં તેમણે કહ્યું કે તેજસ અને વંદે ભારત જેવી ટ્રેનોને બદલે ‘સેમ્મોઝી’, ‘મુથુનગર’, ‘વૈગઈ’, ‘મલઈકોટ્ટાઈ’ અને ‘થિરુક્કુરલ એક્સપ્રેસ’ જેવા નામ આપવા જોઈએ. સીમાંકન શું છે? સીમાંકન એટલે લોકસભા અને વિધાનસભા બેઠકોની સીમાઓ નક્કી કરવાની પ્રક્રિયા. સીમાંકન માટે એક કમિશનની રચના કરવામાં આવે છે. અગાઉ 1952, 1963, 1973 અને 2002માં પણ કમિશનની રચના કરવામાં આવી છે. લોકસભા બેઠકો માટે સીમાંકન પ્રક્રિયા 2026થી શરૂ થશે. આવી સ્થિતિમાં, 2029ની લોકસભા ચૂંટણીમાં લગભગ 78 બેઠકોનો વધારો થવાની શક્યતા છે. દક્ષિણના રાજ્યોએ વસ્તી આધારિત સીમાંકનનો વિરોધ કર્યો છે. તેથી, સરકાર પ્રમાણસર સીમાંકન તરફ આગળ વધશે, જેમાં વસ્તી સંતુલન જાળવવા માટે એક માળખું તૈયાર કરવામાં આવી રહ્યું છે. સીમાંકનનું માળખું શું હશે? સીમાંકન કમિશનથી પહેલા સરકીરે માળખા પર કામ કરવાનું શરૂ કરી દીધું છે. પ્રતિનિધિત્વ અંગેની હાલની વ્યવસ્થા સાથે ચેડા કરવામાં આવશે નહીં, તેના બદલે વસ્તી વિષયક સંતુલનને ધ્યાનમાં રાખીને એક વ્યાપક માળખા પર વિચાર કરવામાં આવી રહ્યો છે. બેઠકોમાં શું ફેરફાર થશે? તમિલનાડુ-પુડુચેરીમાં 40 લોકસભા બેઠકો છે. જો ઉત્તર પ્રદેશમાં હાલની 80 બેઠકોમાંથી 14 બેઠકો વધારવામાં આવે, તો આમાંથી અડધી, એટલે કે તમિલનાડુ-પુડુચેરીમાં 7 બેઠકોનો વધારો પ્રમાણસર પ્રતિનિધિત્વ છે. એટલે કે, બેઠકો વધારવા માટે વસ્તી એકમાત્ર વિકલ્પ નથી. વસ્તીના આધારે હિન્દી પટ્ટામાં જેટલી બેઠકો વધશે, તેટલા જ પ્રમાણમાં વસ્તી નિયંત્રિત કરતા રાજ્યોમાં પણ બેઠકો વધશે. એક લોકસભામાં, 20 લાખની વસ્તી માટે એક સાંસદ હશે, જ્યારે બીજી જગ્યાએ, 10-12 લાખની વસ્તી માટે એક સાંસદ હશે. લઘુમતી બહુમતી બેઠકોનું શું થશે? દેશની 85 લોકસભા બેઠકો પર લઘુમતી વસ્તી 20% થી 97% સુધીની છે. સૂત્રોના જણાવ્યા અનુસાર, આ બેઠકો પર વસ્તી વિષયક સંતુલન જાળવવા માટે સીમાંકન હેઠળ લોકસભા મતવિસ્તારો નવેસરથી બનાવવામાં આવી શકે છે. મહિલા અનામત પછી શું થશે? 1977થી લોકસભા બેઠકોની સંખ્યા ફ્રીજ રખાઈ છે, પરંતુ હવે મહિલાઓને 33 ટકા અનામત આપ્યા પછી, તેને ડિફ્રીજ કરવું જરૂરી છે. જે રાજ્યોએ વસ્તી વૃદ્ધિ દરને અસરકારક રીતે નિયંત્રિત કર્યો છે તેમણે ચેતવણી આપી છે કે તેઓ આ આધાર પર તેમની બેઠકોમાં કોઈપણ ઘટાડાનો વિરોધ કરશે. ટ્રાઈ લેંગ્વેજ વોર કેવી રીતે શરૂ થયું? 15 ફેબ્રુઆરીના રોજ વારાણસીમાં એક કાર્યક્રમમાં ધર્મેન્દ્ર પ્રધાને તમિલનાડુ રાજ્ય સરકાર પર રાજકીય હિતોનો ઉપયોગ કરવાનો આરોપ લગાવ્યો હતો. 18 ફેબ્રુઆરીએ ઉદયનિધિ સ્ટાલિને કહ્યું- કેન્દ્રએ લેંગ્વેજ વોર શરૂ ન કરવું જોઈએ ચેન્નાઈમાં ડીએમકે રેલીમાં ઉદયનિધિ સ્ટાલિન: ધર્મેન્દ્ર પ્રધાને અમને ખુલ્લેઆમ ધમકી આપી છે કે જો અમે ત્રિભાષા ફોર્મ્યુલા સ્વીકારીશું તો જ ભંડોળ જાહેર કરવામાં આવશે. પરંતુ અમે તમારી પાસે ભીખ માંગી રહ્યા નથી. હિન્દી સ્વીકારનારા રાજ્યો તેમની માતૃભાષા ગુમાવે છે. કેન્દ્રએ લેંગ્વેજ વોર શરૂ ન કરવું જોઈએ. 23 ફેબ્રુઆરીના રોજ, શિક્ષણ મંત્રીએ સ્ટાલિનને એક પત્ર લખ્યો હતો કેન્દ્રીય શિક્ષણ મંત્રી ધર્મેન્દ્ર પ્રધાને ટ્રાઈ લેંગ્વેજ વિવાદ પર તમિલનાડુના મુખ્યમંત્રી એમકે સ્ટાલિનને પત્ર લખ્યો હતો. તેમણે રાજ્યમાં થઈ રહેલા નેશનલ એજ્યુકેશન પોલિસી (NEP) સામેના વિરોધ પ્રદર્શનોની ટીકા કરી. તેમણે લખ્યું, ‘કોઈ પણ ભાષા લાદવાનો કોઈ પ્રશ્ન જ નથી.’ પરંતુ વિદેશી ભાષાઓ પર વધુ પડતી નિર્ભરતા વ્યક્તિની પોતાની ભાષાને મર્યાદિત કરે છે. નવી નેશનલ એજ્યુકેશન પોલિસી (NEP) આને સુધારવાનો પ્રયાસ કરી રહી છે. NEP ભાષાકીય સ્વતંત્રતાને સમર્થન આપે છે અને ખાતરી કરે છે કે વિદ્યાર્થીઓ તેમની પસંદગીની ભાષા શીખવાનું ચાલુ રાખે. ધર્મેન્દ્ર પ્રધાને પોતાના પત્રમાં મે 2022માં ચેન્નાઈમાં પીએમ મોદીના ‘તમિલ ભાષા શાશ્વત છે’ નિવેદનનો ઉલ્લેખ કરતા લખ્યું – મોદી સરકાર વૈશ્વિક સ્તરે તમિલ સંસ્કૃતિ અને ભાષાને પ્રોત્સાહન અને લોકપ્રિય બનાવવા માટે સંપૂર્ણપણે પ્રતિબદ્ધ છે. હું શિક્ષણનું રાજકારણ ન કરવા અપીલ કરું છું. 25 ફેબ્રુઆરીએ એમકે સ્ટાલિને કહ્યું – અમે લેંગ્વેજ વોર માટે તૈયાર છીએ તમિલનાડુના સીએમ એમકે સ્ટાલિને કહ્યું- કેન્દ્રએ આપણા પર હિન્દી લાદવી જોઈએ નહીં. જો જરૂરી હોય તો, તેમનું રાજ્ય વધુ એક લેંગ્વેજ વોર માટે તૈયાર છે. NEP 2020 હેઠળ, વિદ્યાર્થીઓએ 3 ભાષાઓ શીખવી પડશે, પરંતુ કોઈપણ ભાષા ફરજિયાત બનાવવામાં આવી નથી. રાજ્યો અને શાળાઓને કઈ 3 ભાષાઓ શીખવવી તે નક્કી કરવાની સ્વતંત્રતા છે. પ્રાથમિક ધોરણો (વર્ગ 1 થી 5)માં અભ્યાસ માતૃભાષા અથવા સ્થાનિક ભાષામાં કરવાની ભલામણ કરવામાં આવે છે. તેમજ, મધ્યમ વર્ગો (ધોરણ 6 થી 10)માં 3 ભાષાઓનો અભ્યાસ કરવો ફરજિયાત છે. હિન્દી ન બોલતા રાજ્યમાં તે અંગ્રેજી અથવા આધુનિક ભારતીય ભાષા હશે. જો શાળા ઈચ્છે તો, તે માધ્યમિક વિભાગ એટલે કે 11મા અને 12મા ધોરણમાં વિદેશી ભાષાનો વિકલ્પ પણ આપી શકે છે. બિન-હિન્દીભાષી રાજ્યોમાં હિન્દી બીજી ભાષા તરીકે પાંચમા ધોરણ સુધી અને શક્ય હોય ત્યાં 8મા ધોરણ સુધી માતૃભાષા, સ્થાનિક કે પ્રાદેશિક ભાષામાં અભ્યાસ કરવા પર ભાર મૂકવામાં આવે છે. તેમજ, બિન-હિન્દી ભાષી રાજ્યોમાં, હિન્દીને બીજી ભાષા તરીકે શીખવી શકાય છે. ઉપરાંત, હિન્દી ભાષી રાજ્યોમાં બીજી ભાષા કોઈપણ અન્ય ભારતીય ભાષા (દા.ત. તમિલ, બંગાળી, તેલુગુ વગેરે) હોઈ શકે છે. કોઈપણ ભાષા અપનાવવી ફરજિયાત નથી રાજ્યો અને શાળાઓને કઈ ત્રણ ભાષાઓ શીખવવી તે નક્કી કરવાની સ્વતંત્રતા છે. કોઈપણ ભાષા ફરજિયાત લાદવાની કોઈ જોગવાઈ નથી.