ઉત્તર પ્રદેશના કૌશામ્બીમાં બબ્બર ખાલસા ઈન્ટરનેશનલ (BKI)ના આતંકવાદીની ધરપકડ કરવામાં આવી છે. પકડાયેલા આતંકીની ઓળખ લાઝર મસીહ તરીકે થઈ છે. યુપી STFના જણાવ્યા મુજબ, લાઝર મસીહ BKIના જર્મની સ્થિત મોડ્યુલના પ્રમુખ સ્વર્ણ સિંહ ઉર્ફે જીવન ફૌજી માટે કામ કરે છે અને તે પાકિસ્તાનની ગુપ્તચર સંસ્થા ISI સાથે પણ સીધા સંપર્કમાં છે. UP STF અને પંજાબ પોલીસે ગુરુવારે સવારે 3.30 વાગ્યે દરોડા પાડ્યા બાદ લાઝર મસીહની ધરપકડ કરી હતી. તે પંજાબના અમૃતસર જિલ્લાના કુર્લિયાના ગામનો રહેવાસી છે. STFએ તેની પાસેથી 3 હેન્ડ ગ્રેનેડ, 2 ડિટોનેટર, 1 વિદેશી પિસ્તોલ અને 13 કારતૂસ જપ્ત કર્યા છે. સૂત્રોના જણાવ્યા મુજબ, STFના ઉચ્ચ અધિકારીઓ કોખરાજ પોલીસ સ્ટેશનના સિક્રેટ રૂમમાં આતંકીની પૂછપરછ કરી રહ્યા છે. 23 ડિસેમ્બરે પીલીભીતમાં ત્રણ ખાલિસ્તાની આતંકવાદીઓ માર્યા ગયા હતા આ પહેલા પીલીભીત અને પંજાબ પોલીસે ગયા વર્ષે 23 ડિસેમ્બરે ખાલિસ્તાન ઝિંદાબાદ ફોર્સ (KZF)ના ત્રણ આતંકવાદીઓનો સામનો કર્યો હતો. 19 ડિસેમ્બરે પંજાબના ગુરદાસપુર જિલ્લામાં આતંકવાદીઓએ પોલીસ ચોકી પર ગ્રેનેડથી હુમલો કર્યો હતો. આતંકવાદીઓ પાસેથી 2 AK-47 રાઈફલ, 2 ગ્લોક પિસ્તોલ અને મોટી માત્રામાં કારતૂસ જપ્ત કરવામાં આવ્યા છે. માર્યા ગયેલા આતંકવાદીઓની ઓળખ ગુરવિંદર સિંહ, વીરેન્દ્ર સિંહ ઉર્ફે રવિ અને જસપ્રીત સિંહ ઉર્ફે પ્રતાપ સિંહ તરીકે થઈ છે, જેઓ ગુરદાસપુરના રહેવાસી છે. બબ્બર ખાલસા વિશે જાણો- બબ્બર ખાલસા ઈન્ટરનેશનલને ભારત, કેનેડા, જર્મની અને બ્રિટન સહિત ઘણા દેશોએ આતંકવાદી સંગઠનની યાદીમાં સામેલ કર્યું છે. તેની સ્થાપના 1978માં થઈ હતી. તે પંજાબ અને પડોશી રાજ્યોના કેટલાક જિલ્લાઓને જોડીને ખાલિસ્તાન નામનું એક અલગ શીખ રાષ્ટ્ર બનાવવાની માંગ કરી રહ્યું છે. આ સંગઠન 80ના દાયકાના અંતમાં અને 90ના દાયકાની શરૂઆતમાં પંજાબમાં એક્ટિવ હતું. તેણે અનેક આતંકવાદી ઘટનાઓને અંજામ આપ્યો હતો. 1990ના દાયકામાં, આ સંગઠનના ઘણા આતંકીઓને
પંજાબ પોલીસે ઠાર માર્યા હતા. ઘણા આતંકવાદીઓ વિદેશ ભાગી ગયા હતા, પરંતુ પાકિસ્તાન, કેનેડા અને બ્રિટનમાં હજુ પણ તેમના સમર્થકો છે. પંજાબના પૂર્વ મુખ્યમંત્રી બેઅંત સિંહ
ની હત્યામાં બબ્બર ખાલસા ઈન્ટરનેશનલની ભૂમિકા પણ સામે આવી હતી.
UPના કૌશાંબીમાંથી બબ્બર ખાલસા આતંકવાદીની ધરપકડ:પાકિસ્તાન એજન્સી ISIના સંપર્કમાં હતો, હેન્ડ ગ્રેનેડ અને વિસ્ફોટકો મળી આવ્યા
