ટ્રમ્પની હમાસને ધમકી- બંધકોને મુક્ત કરો, નહીં તો વિનાશ નિશ્ચિત:જેમની હત્યા કરી છે તેમના મૃતદેહો પણ સોંપો, નહીં તો ખતમ થઈ જશો

અમેરિકાના રાષ્ટ્રપતિ ડોનાલ્ડ ટ્રમ્પે હમાસને તમામ બંધકોને હાલમાં જ મુક્ત કરવા કહ્યું છે, બાદથી નહીં. તમે જેમની હત્યા કરી છે તેમના મૃતદેહ તાત્કાલિક પરત કરો, અન્યથા તમારું કામ સમાપ્ત થશે. માત્ર બીમાર અને વિકૃત લોકો જ મૃતદેહો રાખે છે. તમે બીમાર અને વિકૃત છો. વ્હાઈટ હાઉસે બુધવારે મોડી રાત્રે જણાવ્યું હતું કે ગાઝા બંધકોના મુદ્દે અમેરિકા અને હમાસ વચ્ચે કતારની રાજધાની દોહામાં સીધી વાતચીત થઈ હતી. વ્હાઇટ હાઉસના પ્રેસ સેક્રેટરી કેરોલિન લેવિટે કહ્યું હતું કે ચર્ચા પહેલા ઇઝરાયલ સાથે પણ વાત કરવામાં આવી હતી. ઈઝરાયેલના પીએમ બેન્જામિન નેતન્યાહુના કાર્યાલયે આ વાતચીતની માહિતી આપી. ઇઝરાયલના અધિકારીઓનું કહેવું છે કે ગાઝામાં હજુ પણ 24 જેટલા જીવિત બંધકો છે. આમાંથી એક અમેરિકન નાગરિક એડન એલેક્ઝાન્ડર પણ સામેલ છે. આ સિવાય ઓછામાં ઓછા 35 અન્ય લોકો પણ સામેલ છે. 28 વર્ષ પછી અમેરિકા અને હમાસ વચ્ચે સીધી વાતચીત BBCના જણાવ્યા મુજબ, આ ચર્ચાના સમાચાર સૌપ્રથમ મીડિયા હાઉસ એક્સિયોસ દ્વારા આપવામાં આવ્યા હતા. તેમાં કહેવામાં આવ્યું છે કે બંને પક્ષો અમેરિકન બંધકોની મુક્તિ તેમજ યુદ્ધનો અંત લાવવા માટે એક વ્યાપક સમજુતી પર ચર્ચા કરી રહ્યા છે. વ્હાઇટ હાઉસના પ્રેસ સેક્રેટરી લેવિટે જણાવ્યું હતું કે બંધકો માટેના ખાસ દૂત એડમ બોહલરનું કાર્ય અમેરિકન લોકો માટે યોગ્ય કાર્ય કરવાનો એક સારો પ્રયાસ હતો. 1997માં, યુનાઇટેડ સ્ટેટ્સે હમાસને વિદેશી આતંકવાદી સંગઠન જાહેર કર્યું. 28 વર્ષમાં આ પહેલી વાર છે જ્યારે અમેરિકા અને હમાસ વચ્ચે સીધી વાતચીત થઈ છે. હમાસે 4 ઇઝરાયલી બંધકોના મૃતદેહ પરત કર્યા ગાઝાના આતંકવાદી સંગઠન હમાસે 27 ફેબ્રુઆરીની સવારે ચાર ઇઝરાયલી બંધકોના મૃતદેહ પરત કર્યા. તેમણે આ મૃતદેહો રેડ ક્રોસને સોંપી દીધા. બદલામાં, ઇઝરાયલ 600થી વધુ પેલેસ્ટિનિયન કેદીઓને મુક્ત કરી રહ્યું છે, જેમાંથી 97 પહેલાથી જ મુક્ત થઈ ચૂક્યા છે. હમાસ દ્વારા જે બંધકોના મૃતદેહ પરત કરવામાં આવ્યા હતા તેમની ઓળખ ત્સાચી ઇદાન (49), શ્લોમો મંત્ઝુર (85), ઇત્ઝાક એલ્ગારાત (68) અને ઓહદ યાહલોમી (49) તરીકે થઈ હતી. 19 જાન્યુઆરીથી અમલમાં આવેલા ઇઝરાયલ અને હમાસ વચ્ચેના યુદ્ધવિરામના પ્રથમ તબક્કામાં બંધકોની આ છેલ્લી મુક્તિ હતી. ખરેખરમાં, હમાસ અને ઇઝરાયલ વચ્ચે યુદ્ધવિરામનો પ્રથમ તબક્કો 1 માર્ચે સમાપ્ત થયો હતો. પ્રથમ તબક્કામાં, હમાસે 8 મૃતદેહો સહિત 33 બંધકોને મુક્ત કર્યા. તેમજ, ઇઝરાયલ 2 હજારથી વધુ પેલેસ્ટિનિયન કેદીઓને મુક્ત કરી રહ્યું છે. પરંતુ, બંને વચ્ચે યુદ્ધવિરામના બીજા તબક્કાની વાતચીત હજુ શરૂ થઈ નથી. હમાસે બે બાળકોના મૃતદેહ પણ પરત કર્યા ઇઝરાયલે ગયા અઠવાડિયે બે બાળકો, એરિયલ બિબાસ, કેફિર બિબાસ અને તેમની માતા, શિરી બિબાસના મૃતદેહને દફનાવ્યા હતા, જેમને હમાસ દ્વારા પરત કરવામાં આવ્યા હતા. જ્યારે તેમને બંધક બનાવવામાં આવ્યા ત્યારે એરિયલ 9 મહિનાનો હતો અને કેફિર 4 વર્ષનો હતો. હમાસની કેદમાં કેફિર સૌથી નાની વયનો બંધક હતો. આ ડીલ ત્રણ તબક્કામાં પૂર્ણ થવાની છે ઇઝરાયલ અને પેલેસ્ટાઇન વચ્ચે કેદીઓના આપ-લે માટેની આ ડીલ ત્રણ તબક્કામાં પૂર્ણ થશે. આમાં, 42 દિવસ માટે બંધકોની આપ-લે કરવામાં આવશે. પ્રથમ તબક્કો બીજો તબક્કો એવું કહેવામાં આવ્યું હતું કે જો પહેલા તબક્કાના 16મા દિવસ એટલે કે 3 ફેબ્રુઆરી સુધી બધું બરાબર રહેશે, તો બીજા તબક્કાની યોજના પર ચર્ચા શરૂ થશે. આ સમય દરમિયાન કોઈ હુમલો થશે નહીં. બાકીના જે બંધકો જીવિત છે તેમને મુક્ત કરવામાં આવશે. જો કે, વાટાઘાટો હજુ શરૂ થવાની બાકી છે. ત્રીજો તબક્કો આ ડીલના છેલ્લા તબક્કામાં ગાઝાનું પુનર્વસન કરવામાં આવશે. આમાં 3 થી 5 વર્ષ લાગશે. હમાસની કેદમાં માર્યા ગયેલા બંધકોના મૃતદેહો પણ ઇઝરાયલને સોંપવામાં આવશે.