કિયારા અડવાણી માતા બનવા જઈ રહી છે. એક્ટ્રેસે 28 ફેબ્રુઆરીએ સોશિયલ મીડિયા પોસ્ટ કરી આ વાત શેર કરી હતી. હવે કિયારાને લઈને વધુ એક મોટા સમાચાર સામે આવ્યા છે. અહેવાલ અનુસાર, એક્ટ્રેસે પ્રેગ્નેન્સીને કારણે બોલિવૂડના ઓલરાઉન્ડર ફરહાન અખ્તરની ફિલ્મ ‘ડોન 3’થી છોડી દીધી છે. કિયારાએ આવો નિર્ણય કેમ લીધો?
કિયારા અડવાણી હવે ફિલ્મ ‘ડોન 3’માં જોવા મળશે નહીં. ફરહાન અખ્તર આ ફિલ્મનું ડિરેક્શન કરી રહ્યા છે. આ ફિલ્મમાં રણવીર સિંહ લીડ રોલમાં જોવા મળશે. ઈન્ડસ્ટ્રીના એક સૂત્રનું કહેવું છે કે કિયારા અડવાણી પ્રેગ્નેન્સી પર ધ્યાન કેન્દ્રિત કરવા માગે છે. પતિ અને એક્ટર સિદ્ધાર્થ મલ્હોત્રા પણ આજકાલ કિયારાની સારી સંભાળ રાખી રહ્યા છે. એવી ચર્ચા છે કે કિયારાએ ફિલ્મના પ્રોડ્યુસરો સાથે વાત કર્યા પછી પરસ્પર સંમતિથી ફિલ્મ છોડી છે. આનાથી સ્પષ્ટ થાય છે કે કિયારા તેની પ્રેગ્નેન્સી અને બાળકના સંદર્ભે કોઈ પણ પ્રકારનું જોખમ લેવા માંગતી નથી. તે પોતાના જીવનના આ મહત્વપૂર્ણ તબક્કાને કોઈપણ તણાવ વિના માણવા માંગે છે અને તેથી જ તેણે આ મોટો નિર્ણય લીધો છે. એક્ટ્રેસ હાલમાં યશ સ્ટારર ‘ટોક્સિક’ અને ‘વોર 2’ ના શૂટિંગમાં વ્યસ્ત છે. પ્રોડ્યુસરો નવી હિરોઈનની શોધમાં
કિયારા અડવાણીએ ફિલ્મ ‘ડોન 3’ છોડી દીધી છે, તેથી ફિલ્મના પ્રોડ્યુસરોએ હવે નવી હિરોઈન શોધવાનું શરૂ કરી દીધું છે. ફિલ્મમાં કિયારાનું સ્થાન કઈ હિરોઈન લેશે અને રણવીર સિંહની સામે કઈ હિરોઈનને કાસ્ટ કરવામાં આવશે તે થોડા દિવસોમાં ખબર પડશે. આ ફિલ્મમાં વિક્રાંત મેસી વિલનની ભૂમિકામાં જોવા મળશે. ડોન સિરીઝની ફિલ્મો હિટ રહી હતી
‘ડોન’ સિરીઝની ફિલ્મો દર્શકોને ખૂબ જ પસંદ આવી છે. જો આપણે ‘ડોન’ સિરીઝની ફિલ્મોની વાત કરીએ તો, શાહરૂખ ખાને પહેલા બે ભાગોમાં ડોનની ભૂમિકા ભજવી હતી. હવે રણવીર સિંહ ‘ડોન 3’માં ડોનની ભૂમિકામાં જોવા મળશે. જોકે, આ માટે રણવીર સિંહ સોશિયલ મીડિયા પર ટ્રોલ પણ થયો હતો. ‘ડોન 3’નું શૂટિંગ આ વર્ષે શરૂ થશે
ઓગસ્ટ 2023 માં, ફરહાન અખ્તરે ખુલાસો કર્યો કે રણવીર સિંહ ‘ડોન 3’ માં નવા માફિયા ડોનની ભૂમિકા ભજવશે. હવે એવું કહેવામાં આવી રહ્યું છે કે આ ફિલ્મનું શૂટિંગ 2025 માં શરૂ થશે
પ્રેગ્નેન્સીને કારણે કિયારા અડવાણીએ છોડી ‘ડોન 3’!:એક્ટ્રેસ તણાવ વગર આ ક્ષણને માણવા માગે છે, મેકર્સ નવી હિરોઈનની શોધમાં
