તાજેતરમાં, અભિષેક બચ્ચનનો એક વીડિયો સોશિયલ મીડિયા પર વાયરલ થઈ રહ્યો છે, જેમાં તે બંને હાથમાં ઘડિયાળ પહેરેલો જોવા મળે છે. આ વીડિયો જોયા પછી ઘણા યુઝર્સ તેને ટ્રોલ પણ કરી રહ્યા છે. પરંતુ આ દરમિયાન, અભિષેકનો એક જૂનો વીડિયો પણ સામે આવ્યો છે, જેમાં તેણે બંને હાથમાં ઘડિયાળ પહેરવાનું કારણ સમજાવ્યું છે. અભિષેકે એક ઇન્ટરવ્યૂમાં જણાવ્યું હતું કે તેણે તેની માતા જયા બચ્ચન પાસેથી હાથમાં બે ઘડિયાળ પહેરવાનો ટ્રેન્ડ શીખ્યો હતો. જ્યારે તે યુરોપમાં બોર્ડિંગ સ્કૂલમાં હતો, ત્યારે તેની માતા (જયા) બંને હાથમાં ઘડિયાળ પહેરતી હતી. તેણે એ પણ જણાવ્યું કે જયા બચ્ચન આવું કેમ કરતી હતી. અભિષેકે કહ્યું હતું કે- ‘માતા બંને હાથ પર બે ઘડિયાળ પહેરતી હતી જેથી તે બંને સ્થળો એટલે કે ભારત અને યુરોપના સમય ઝોન જાણી શકે.’ પછી થોડા સમય પછી, પપ્પા (અમિતાભ) પણ બંને હાથમાં ઘડિયાળ પહેરવાનું શરૂ કર્યું, જેથી માતાની જેમ, તેઓ પણ બંને જગ્યાઓનો સમય ઝોન જાણી શકે અને તે મુજબ મારી સાથે વાત કરતા. જો અભિષેકનું માનીએ તો, આ જ કારણ છે કે તે બંને હાથમાં ઘડિયાળ પહેરે છે. પરંતુ હવે અમિતાભ બચ્ચને તેને પોતાની ફિલ્મોમાં ફેશન બનાવી દીધી છે. અભિષેક ઘણી વખત બે ઘડિયાળ પહેરેલો જોવા મળ્યો છે આ પહેલી વાર નહોતું જ્યારે અભિષેક બચ્ચન બંને હાથમાં ઘડિયાળ પહેરેલો જોવા મળ્યો હોય. આ પહેલા પણ ઘણી વાર તે બંને હાથમાં ઘડિયાળ પહેરેલો જોવા મળ્યો છે. તે દર વખતે નવી ઘડિયાળ પહેરે છે, જેનાથી તેના ચાહકોને તેના ઘડિયાળના કલેક્શનનો ખ્યાલ આવે છે. અભિષેક ‘બી હેપ્પી’માં જોવા મળશે
અભિષેક ટૂંક સમયમાં રેમો ડિસોઝાની ફિલ્મ ‘બી હેપ્પી’માં જોવા મળશે. આ ઉપરાંત, તે ‘હાઉસફુલ 5’માં પણ જોવા મળશે, જે એક મલ્ટિ-સ્ટારર કોમેડી ફિલ્મ છે.
અભિષેક માતા પાસેથી બન્ને હાથ પર ઘડિયાળ પહેરવાનો ટ્રેન્ડ શીખ્યો:અમિતાભે ફિલ્મોમાં પત્નીની નકલ કરી હતી, તાજેતરમાં એક્ટ્રર ભારે ટ્રોલ થયો હતો; બે ઘડિયાળ પહેરવાનું જણાવ્યું કારણ
