મહારાષ્ટ્રના પુણેમાં ટ્રાફિક સિગ્નલ પર એક યુવક તેની BMW કારમાંથી નીચે ઉતરીને રસ્તા પર પેશાબ કરતો હોવાનો વીડિયો વાયરલ થયો હતો. યુવક સાથે તેનો મિત્ર પણ હાજર હતો અને કારમાં દારૂની બોટલ લઈને બેઠો હતો. યુવકના આ કૃત્ય બાદથી તેની શોધખોળ કરવામાં આવી રહી છે. પોલીસે સતારામાંથી આ યુવકની ધરપકડ કરી છે. કારમાંથી નીચે ઉતરીને રસ્તા પર પેશાબ કરવા લાગ્યો પુણેમાં BMW કારમાંથી બહાર નીકળ્યા બાદ ટ્રાફિક સિગ્નલ પર પેશાબ કરવા અને અશ્લીલ હરકતો કરવા બદલ પોલીસે શનિવારે (8 માર્ચ) રાત્રે બે આરોપીઓની સતારા જિલ્લામાંથી ધરપકડ કરવામાં આવી છે. આ ઘટનાનો વીડિયો વાયરલ થયા બાદ આરોપીઓ ફરાર થઈ ગયા હતા. અધિકારીએ જણાવ્યું કે આ ઘટના શનિવારે સવારે યરવડાના શાસ્ત્રીનગર વિસ્તારમાં બની હતી. આ વીડિયો એક રાહદારીએ રેકોર્ડ કર્યો હતો. અધિકારીએ જણાવ્યું કે વિડિયો અંગે માહિતી મળ્યા બાદ યરવડા પોલીસ સ્ટેશનમાં કાર ચાલક ગૌરવ આહુજા અને તેના સાથી ભાગ્યેશ ઓસવાલ સામે જાહેરમાં ઉપદ્રવ, પૂરપાટ ઝડપે અને બેદરકારીપૂર્વક ડ્રાઇવિંગ સહિતના ગુનાનો કેસ નોંધવામાં આવ્યો છે. બંને આરોપીઓ કસ્ટડીમાં પોલીસે જણાવ્યું કે ભાગ્યેશ ઓસવાલની તેના ઘરેથી ધરપકડ કરવામાં આવી હતી અને બાદમાં ગૌરવ આહુજાની સાતારાના કરાડ તાલુકામાંથી ધરપકડ કરવામાં આવી હતી. યરવડા પોલીસ સ્ટેશનના અધિકારી જણાવ્યું કે ઓસ્વાલને મેડિકલ તપાસ માટે મોકલવામાં આવ્યો છે. કારણ કે અમે માનીએ છીએ કે તે સમયે યુવાનો નશામાં હતા. સોશિયલ મીડિયા પર વાયરલ વીડિયો પુણેના યરવડા વિસ્તારના શાસ્ત્રી ચોકનો છે, જ્યાં ગૌરવ આહુજા BMW કારમાંથી નીચે ઉતર્યો અને રસ્તાની વચ્ચે મહિલાઓની સામે પેશાબ કરવા લાગ્યા. રાહદારીએ વીડિયો બનાવ્યો ગૌરવનું અશ્લીલ કૃત્ય જોઈને બાઇક પર પસાર થઈ રહેલા એક વ્યક્તિએ ઉભા રહીને પોતાના મોબાઈલમાં વીડિયો બનાવી લીધો હતો. તેણે યુવકના આ અશ્લીલ કૃત્યનું રેકોર્ડિંગ કલી લીધુ હતું. આ દરમિયાન, ગૌરવ મોબાઈલ કેમેરાની સામે પણ તેની હરકતો અટકવાથી બચ્યો ન હતો. BMW કારમાં તેનો સાથી ભાગ્યેશ ઓસવાલ બેઠો હતો જે તેનો વીડિયો મોબાઈલ ફોનમાં રેકોર્ડિંગ થતું જોઈને તેણે દારૂની બોટલ છુપાવવા લાગ્યો હતો. આ પછી બંને કારમાં સ્થળ પરથી ફરાર થઈ ગયા હતા. ભાગતા વખતે પણ તેઓ કારને પુરપાટ ઝડપે ચલાવી રહ્યા હતા. વીડિયો વાયરલ થયા બાદ માફી માંગી વીડિયો વાયરલ થયા બાદ આરોપી આહુજાએ સોશિયલ મીડિયા પર એક વીડિયો ક્લિપ જાહેર કરી અને પોતાના કૃત્ય માટે માફી માંગી. આહુજાએ વીડિયોમાં કહ્યું, કૃપા કરીને મને એક તક આપો. હું આગામી આઠ કલાકમાં આત્મસમર્પણ કરી દઈશ.
