ઔરંગઝેબ કન્ટ્રોવર્સી વચ્ચે ‘છાવા’ 500 કરોડના કલબમાં સામેલ:ફિલ્મએ બોક્સઓફિસ સાથે રાજકારણમાં પણ હલચલ મચાવી દીધી, જાણો સમગ્ર મામલો

બોલિવૂડ એક્ટર વિક્કી કૌશલ, રશ્મિકા મંદાના, અક્ષય ખન્ના અને આશુતોષ રાણાની ફિલ્મ ‘છાવા’એ બોક્સ ઓફિસ પર ધૂમ મચાવી છે. એક બાદ એક વિવાદો વચ્ચે ફિલ્મે 500 કરોડના કલબમાં એન્ટ્રી કરી છે. ‘છાવા’ને કારણે ફરી ઔરંગઝેબ કન્ટ્રોવર્સીનો મુદ્દો ચગ્યો
મહારાષ્ટ્રના રાજકારણમાં છેલ્લા ઘણા દિવસોથી મુઘલ શાસક ઔરંગઝેબને લઈને વિવાદ ચાલી રહ્યો છે. આ ચર્ચા મહારાષ્ટ્રથી લઈને દેશના સૌથી મોટા રાજ્ય ઉત્તર પ્રદેશ તેમજ અન્ય હિન્દી ભાષી રાજ્યોમાં ફેલાઈ ગઈ છે. ઔરંગઝેબ વિશેની આ ચર્ચા ફિલ્મ ‘છાવા’ મોટા પડદા પર રિલીઝ થયા પછી શરૂ થઈ હતી. પરંતુ મહારાષ્ટ્ર સપાના પ્રમુખ અબુ આઝમીએ મુઘલ શાસક ઔરંગઝેબ ક્રૂર ન હોવાનું કહેતા, તેણે આગમાં ઘી ઉમેર્યું છે. આઝમીના નિવેદનને ભાજપના નેતાઓએ ઉઠાવ્યો અને હવે સમગ્ર મહારાષ્ટ્રમાં તેના વિરુદ્ધ જોરદાર વિરોધ પ્રદર્શનો થઈ રહ્યા છે. પરિસ્થિતિ એવી છે કે ઘણા ભાજપના નેતાઓએ માગ કરી છે કે મહારાષ્ટ્રમાં ઔરંગઝેબની કબર તોડી પાડવામાં આવે. મહારાષ્ટ્રમાં, જ્યાં લગભગ 12 ટકા મુસ્લિમ વસ્તી છે, ત્યાં ઔરંગઝેબ પર છેલ્લા ઘણા દાયકાઓથી ચર્ચા ચાલી રહી છે. આ પહેલી વાર નથી જ્યારે મહારાષ્ટ્રમાં કે તેની બહાર ઔરંગઝેબ પર કોઈ મોટી રાજકીય ચર્ચા થઈ હોય, પરંતુ આ વખતે મામલો ઘણો આગળ વધી ગયો છે. ઔરંગઝેબ અને મરાઠા વચ્ચેનું કનેક્શન
ઔરંગઝેબનું પૂરું નામ મુહી અલ-દીન મુહમ્મદ છે. ઔરંગઝેબે ભારત પર 49 વર્ષ શાસન કર્યું અને પોતાના જીવનના છેલ્લા 25 વર્ષ મહારાષ્ટ્રમાં આવતા વિસ્તારોમાં વિતાવ્યા. જ્યારે ઔરંગઝેબ મહારાષ્ટ્ર પર શાસન કરતો હતો, ત્યારે મુઘલો અને મરાઠાઓ વચ્ચે ભયંકર યુદ્ધ થયું હતું. મરાઠા સામ્રાજ્યના સૈનિકોએ મુઘલ સમ્રાટ ઔરંગઝેબને આગળ વધતા અટકાવ્યો હતો, તેથી મહારાષ્ટ્રના ઇતિહાસમાં મરાઠા શાસકો અને મરાઠા ગૌરવને ખૂબ માન આપવામાં આવે છે જ્યારે ઔરંગઝેબને ખલનાયક માનવામાં આવે છે. વિવાદો વચ્ચે ‘છાવા’ 500 કરોડના કલબમાં સામેલ
‘છાવા’ ભારતમાં 500 કરોડ રૂપિયાનો બિઝનેસ કરનારી ફિલ્મોની યાદીમાં સામેલ થઈ ગઈ છે. સેકનિલ્કના મતે, ફિલ્મના હિન્દી વર્ઝનએ 503.3 કરોડ રૂપિયાની કમાણી કરી હતી. જ્યારે તેલુગુ ડબ વર્ઝનએ 5.5 કરોડ રૂપિયાનું કલેક્શન કર્યું. આ પછી, તેણે ભારતીય બોક્સ ઓફિસ પર 509.05 કરોડ રૂપિયાનો બિઝનેસ કર્યો છે. આ યાદીમાં ‘પુષ્પા 2’ (હિન્દી વર્ઝન), ‘જવાન’, ‘સ્ત્રી 2’, ‘ગદર 2’, ‘પઠાણ’, ‘બાહુબલી 2’ (હિન્દી વર્ઝન) અને રણબીર કપૂરની ‘એનિમલ’ જેવી ફિલ્મોનો પણ સમાવેશ થાય છે. લક્ષ્મણ ઉતેકર દ્વારા દિગ્દર્શિત, ફિલ્મ ‘છાવા’ 7 માર્ચે તેલુગુ ભાષામાં સિનેમાઘરોમાં રિલીઝ થઈ હતી. આ ફિલ્મે પહેલા દિવસે ₹ 2.63 કરોડની કમાણી કરી હતી. પીએમ મોદીએ પણ ફિલ્મની પ્રશંસા કરી છે
ફેબ્રુઆરીમાં, વડા પ્રધાન નરેન્દ્ર મોદીએ પણ વિક્કીની ફિલ્મ ‘છાવા’ની પ્રશંસા કરી હતી. નવી દિલ્હીમાં 98મા અખિલ ભારતીય મરાઠી સાહિત્ય સંમેલનમાં બોલતા, પ્રધાનમંત્રીએ મરાઠી અને હિન્દી સિનેમા બંનેમાં મહારાષ્ટ્રના યોગદાનની પ્રશંસા કરી. પીએમ મોદીએ કહ્યું હતું- આજકાલ ‘છાવા’ ધૂમ મચાવી રહી છે. ટ્રેલર રિલીઝ થયું ત્યારથી જ છવા વિવાદમાં હતી
ફિલ્મ ‘છાવા’ને લઈને પણ વિવાદો થયા છે. ફિલ્મનું ટ્રેલર 22 જાન્યુઆરીના રોજ રિલીઝ થયું હતું. આ ટ્રેલરમાં, છત્રપતિ સંભાજી મહારાજની ભૂમિકા ભજવનાર વિક્કી કૌશલને નૃત્ય કરતો બતાવવામાં આવ્યો હતો, જેનાથી ઘણા લોકો ગુસ્સે થયા હતા. આ મુદ્દે પૂર્વ રાજ્યસભા સાંસદ સંભાજી રાજે છત્રપતિએ નારાજગી વ્યક્ત કરતા કહ્યું કે છત્રપતિ સંભાજી મહારાજને નાચતા બતાવવા એ ખૂબ જ ખોટું છે. તેમને લેઝીમ વગાડતા બતાવવામાં હજુ પણ કોઈ વાંધો નથી, પણ તેમને નાચતા બતાવવામાં આવ્યા છે.’ તથ્યો સાથે છેડછાડના આરોપો
ફિલ્મ નિર્માતાઓ પર ઐતિહાસિક તથ્યોને ખોટી રીતે રજૂ કરવાનો પણ આરોપ મૂકવામાં આવ્યો હતો. એવો આરોપ મૂકવામાં આવ્યો હતો કે ‘છાવા’ ફિલ્મમાં ગણોજી અને કાનહોજી નામના બે પાત્રોને ખોટી રીતે દર્શાવવામાં આવ્યા હતા. ગણોજી અને કાન્હોજીને સંભાજી મહારાજને દગો આપતા અને ઔરંગઝેબ સાથે હાથ મિલાવતા દર્શાવવામાં આવ્યા છે. જેના કારણે ગણોજી શિર્કે અને કાન્હોજી શિર્કેના વંશજોએ ફિલ્મનો વિરોધ કર્યો હતો. આ ફિલ્મ 14 ફેબ્રુઆરીના રોજ રિલીઝ થઈ હતી
ફિલ્મ ‘છાવા’માં વિક્કી કૌશલ છત્રપતિ સંભાજી મહારાજ અને રશ્મિકા મંદાના તેમની પત્ની મહારાણી યેસુબાઈની ભૂમિકામાં છે. આ ફિલ્મ લેખક શિવાજી સાવંતની નવલકથા “છાવા” નું રૂપાંતર છે. આ ફિલ્મનું દિગ્દર્શન લક્ષ્મણ ઉતેકર દ્વારા કરવામાં આવ્યું છે અને તેનું નિર્માણ મેડોક ફિલ્મ્સ અને દિનેશ વિજન દ્વારા કરવામાં આવ્યું છે. આ ફિલ્મમાં વિક્કી અને રશ્મિકા ઉપરાંત અક્ષય ખન્ના, દિવ્યા દત્તા, આશુતોષ રાણા, ડાયના પેન્ટી પણ મહત્ત્વની ભૂમિકામાં છે. આ ફિલ્મ 14 ફેબ્રુઆરીના રોજ સિનેમાઘરોમાં રિલીઝ થઈ હતી.