ઈલોન મસ્કનું સોશિયલ મીડિયા પ્લેટફોર્મ X (અગાઉ ટ્વિટર તરીકે ઓળખાતું હતું) સોમવારે ત્રીજી વખત ડાઉન થયું. આનાથી વિશ્વભરના યુઝર્સને મુશ્કેલી પડી. પહેલા બપોરે 3:30 વાગ્યાની આસપાસ અડધા કલાક માટે ડાઉન થયું. પછી સાંજે 7 વાગ્યાથી એક કલાક માટે બંધ રહ્યો. આ પછી, તે રાત્રે 8:30 વાગ્યે ફરી બંધ થઈ ગયું. યુઝર્સે વેબસાઇટ, એપ્લિકેશન અને સર્વર કનેક્શન વિશે ફરિયાદ કરી. દિવસભરમાં ડાઉન ડિટેક્ટર વેબસાઇટ પર ભારતમાંથી 3,000થી વધુ ફરિયાદો, USમાંથી 18,000થી વધુ અને UKમાંથી 10,000થી વધુ ફરિયાદો નોંધાઈ હતી. downdetector.inએ એક પ્લેટફોર્મ છે જે વાસ્તવિક સમયમાં વેબસાઇટ્સ અને ઑનલાઇન સેવાઓના આઉટેજને ટ્રેક કરે છે. 41% લોકોને એપ કનેક્શનમાં સમસ્યા
ડાઉનડિટેક્ટર મુજબ, લગભગ 40% લોકોને એપમાં સમસ્યાઓનો સામનો કરવો પડ્યો. તે જ સમયે 52% લોકોને વેબ એક્સેસ કરવામાં સમસ્યાઓનો સામનો કરવો પડ્યો અને લગભગ 7% લોકોએ કહ્યું કે તેમને સર્વર કનેક્શનમાં સમસ્યા હતી. ગયા દિવસો રિપોર્ટ કરાયેલા Xના બે આઉટેજ Xના 33 કરોડથી વધુ યુઝર્સ
સ્ટેટિસ્ટા અનુસાર, Xના વિશ્વભરમાં લગભગ 330 મિલિયન યુઝર્સ છે. અમેરિકામાં તેના 9.5 કરોડ અને ભારતમાં 2.7 કરોડ યુઝર્સ છે. દરરોજ લગભગ 50 કરોડ પોસ્ટ બનાવવામાં આવે છે. તે જુલાઈ 2006માં લોન્ચ કરવામાં આવ્યું હતું. ઈલોન મસ્કે 2022માં X ખરીદ્યું
27 ઓક્ટોબર, 2022ના રોજ ઈલોન મસ્કે ટ્વિટર (હવે X) ખરીદ્યું. આ સોદો 44 અબજ ડોલરમાં થયો હતો. આજના દરો મુજબ, આ રકમ લગભગ 3.84 લાખ કરોડ રૂપિયા છે. મસ્કે સૌપ્રથમ કંપનીના ચાર ટોચના અધિકારીઓ- સીઈઓ પરાગ અગ્રવાલ, ફાઇનાન્સ ચીફ નેડ સેગલ, કાનૂની કાર્યકારી વિજયા ગડ્ડે અને સીન એજેટને કાઢી મૂક્યા. 5 જૂન, 2023ના રોજ લિન્ડા યાકારિનો Xમાં CEO તરીકે જોડાયા. તે પહેલાં તે NBC યુનિવર્સલ ખાતે વૈશ્વિક જાહેરાત અને ભાગીદારીના અધ્યક્ષ હતા.
સોશિયલ મીડિયા પ્લેટફોર્મ X 6 કલાકમાં ત્રીજી વખત ડાઉન થયું:બપોરે અડધો કલાક, સાંજે 1 કલાક માટે ડાઉન રહ્યું, યુઝર્સ ઍક્સેસ કરી શક્યા નહીં
