અમેરિકી બજારમાં ભારે ઘટાડાના કારણે સપ્તાહના બીજા કારોબારી દિવસે એટલે આજે 11 માર્ચના રોજ ભારતીય બજાર પણ ડાઉન જઈ શકે છે. અમેરિકી રાષ્ટ્રપતિ ડોનાલ્ડ ટ્રમ્પની ટેરિફ પોલિસીના કારણે ડાઓ જોન્સ 890 અંક (2.08%) ઘટીને 41,911ના સ્તરે બંધ થયો છે. નેસ્ડેક કમ્પોઝિટમાં 4.00% નો ઘટાડો આવ્યો. તે 728 અંક ઘટીને 17,468 પર આવી ગયો છે. SP 500 ઇન્ડેક્સમાં 2.70% નો ઘટાડો આવ્યો છે. માર્કેટ વેલ્યૂમાં 4 ટ્રિલિયન ડોલરથી વધારે ઘટાડો સોમવારે SP 500 તેના 19 ફેબ્રુઆરીના રેકોર્ડ હાઈ સ્તરેથી 8.6% નીચે બંધ થયો છે. ત્યારથી તેની માર્કેટ વેલ્યૂમાં 4 ટ્રિલિયન ડોલર(350 લાખ કરોડ)થી વધારે ઘટાડો આવ્યો છે. નેસ્ડેક પણ પોતાના ડિસેમ્બરના હાઈ સ્તરેથી 10% થી વધારે ડાઉન ગયો છે. બજારમાં ઘટાડાનાં કારણો એશિયન બજારોમાં પણ ઘટાડો સોમવારે સેન્સેક્સ 217 પોઈન્ટ ઘટીને 74,115 પર બંધ થયો હતો ગઈકાલે, અઠવાડિયાના પહેલા ટ્રેડિંગ દિવસે, એટલે કે સોમવાર, 10 માર્ચે, સેન્સેક્સ 217 પોઈન્ટના ઘટાડા સાથે 74,115 પર બંધ થયો. નિફ્ટી 92 પોઈન્ટ ઘટીને 22,460 પર બંધ થયો. રિયલ્ટી અને ઓઇલ એન્ડ ગેસ શેરોમાં સૌથી વધુ ઘટાડો થયો. નિફ્ટી રિયલ્ટી અને ઓઇલ એન્ડ ગેસ સૂચકાંકો 2% ઘટીને બંધ થયા. જાહેર ક્ષેત્રની બેંકોના સૂચકાંકમાં 1.86%નો ઘટાડો થયો. ઓટો ઇન્ડેક્સ પણ 1.22% ઘટ્યો. નિફ્ટી એફએમસીજી ઇન્ડેક્સમાં સૌથી વધુ 0.22%નો વધારો થયો. સેન્સેક્સ પર પાવર ગ્રીડનો શેર સૌથી વધુ 2.85% વધીને બંધ રહ્યો. આ સમાચાર પણ વાંચો ટ્રમ્પે કહ્યું- ભારત ટેરિફ ઘટાડવા સંમત થયું:હવે આપણા દેશને લૂંટવાનું બંધ થયું; ગઈકાલે ભારત પર 100% ટેરિફ વિશે વાત કરી હતી અમેરિકાના રાષ્ટ્રપતિ ડોનાલ્ડ ટ્રમ્પે શુક્રવારે મોડી રાત્રે કહ્યું, ‘ભારત અમારા પર ખૂબ વધુ ટેરિફ વસૂલ કરે છે. તમે ભારતમાં કંઈપણ વેચી શકતા નથી. જોકે, ભારત હવે તેના ટેરિફમાં નોંધપાત્ર ઘટાડો કરવા માંગે છે. કારણ કે કોઈ (અમેરિકા) તેમના કામોની પોલ ખોલી રહ્યું છે. આ સમાચાર આગળ વાંચવા માટે અહીં ક્લિક કરો….
