થોડા સમય પહેલા, ઉદિત નારાયણનો સ્ટેજ પરથી એક મહિલા ફેન્સને કિસ કરતો એક વીડિયો વાઈરલ થયો હતો, જેના પછી સિંગરની ભારે ટીકા થઈ હતી. હવે આ વિવાદ પર ઉદિત નારાયણે પોતે પોતાની મજાક ઉડાવી છે. તાજેતરમાં, ઉદિત નારાયણ ગણેશ આચાર્યની આગામી ફિલ્મ ‘પિન્ટુ કી પપ્પી’ના મ્યુઝિક લોન્ચ ઇવેન્ટનો ભાગ બન્યા હતા. આ દરમિયાન ઉદિત નારાયણે સ્ટેજ પર કહ્યું, શું ટાઈટલ રાખ્યું છે તમે! તમારે ટાઈટલ બદલવું જોઈએ. પપ્પી તો ઠીક છે. તમારી ફિલ્મનું ટાઈટલ ખૂબ જ સુંદર છે, ‘પિન્ટુ કી પપ્પી’, શું તે ઉદિતની પપ્પી તો નથી? એ પણ એક વિચિત્ર સંયોગ છે કે તેને હમણાં જ રિલીઝ કરવું પડ્યું. ‘આ બે વર્ષ જૂનો વીડિયો છે’
મ્યુઝિક લોન્ચ ઇવેન્ટ દરમિયાન, ઉદિત નારાયણે વાઈરલ કિસિંગ વીડિયો પર કહ્યું, બાય ધ વે, તમે જે વીડિયો જોઈ રહ્યા છો તે ઓસ્ટ્રેલિયાનો 2 વર્ષ જૂનો છે. કિસિંગ કોન્ટ્રોવર્સીમાં ફસાયા હતા ઉદિત નારાયણ
થોડા દિવસો પહેલા, ઉદિત નારાયણના લાઇવ પર એક વીડિયો સામે આવ્યો હતો. વીડિયોમાં, ઉદિત નારાયણ તેમની એક મહિલા ફેનને કિસ કરતા જોવા મળ્યા હતા. ઉદિત નારાયણ સાથે ફોટો પાડવા માટે તે મહિલા સ્ટેજની નજીક આવી. આ સમયે ઉદિત નારાયણ ઘૂંટણિયે બેસી ગયા અને તસવીરો ક્લિક કરાવતી વખતે મહિલાને કિસ કરી. આ વીડિયો વાઈરલ થયા પછી, સિંગરની ભારે ટીકા થવા લાગી. જ્યારે વિવાદ હજુ ચાલુ હતો, ત્યારે ઉદિતના બીજા કોન્સર્ટનો એક વીડિયો પણ વાઈરલ થયો જેમાં તે એક મહિલાને કિસ કરતા જોવા મળ્યા. બે સમાન વીડિયો સામે આવ્યા બાદ સિંગર વિવાદોમાં ઘેરાઈ ગયા. જ્યારે ઘણા લોકોએ તેમની સખત નિંદા કરી, તો ઘણા સિંગર પણ તેમના સમર્થનમાં આગળ આવ્યા. સિંગર અભિજીતે કહ્યું હતું કે ગાયકો સાથે આવું થવું સામાન્ય છે. તે ઉદિત નારાયણ છે. છોકરીઓ તેની પાછળ પાગલ હોય છે. તેણે કોઈને પણ પોતાની નજીક બોલાવી નથી. મને ખાતરી છે કે જ્યારે ઉદિત પરફોર્મ કરે છે, ત્યારે તેની પત્ની તેની સાથે સહ-ગાયિકા તરીકે હોય છે. તેમને સફળતાનો આનંદ માણવા દો. તે એક રોમેન્ટિક સિંગર છે. આ વિવાદ પર ખુદ ઉદિત નારાયણે પણ સ્પષ્ટતા આપી હતી. તેમણે કહ્યું હતું કે આ મહિલા ફેન્સ પ્રત્યે પ્રેમ દર્શાવવાની રીત છે.
ઉદિત નારાયણે કિસિંગ કોન્ટ્રોવર્સીને મજાકમાં ઉડાવી:કહ્યું- ઓસ્ટ્રેલિયાનો બે વર્ષ જૂનો વીડિયો છે, મહિલા ફેન્સને કિસ કરતા ભારે ટીકા થઈ હતી
