સુરત શહેરમાં ગુનેગારોનો આતંક યથાવત છે. માથાભારે હુસેન ઉર્ફે ટલ્લી અબ્બાસ દાગીનાવાલા અને તેના સાગરિતો દ્વારા સરા જાહેર યુવક પર ચપ્પુ વડે હુમલો કરવામાં આવ્યો હતો. આ ઘટના ભાગળ સ્થિત બુંદેલવાડ નજીક બની હતી, જ્યાં માત્ર વાહન અડચણ રૂપ મુદ્દે મામલો રક્તરંજીત હુમલામાં ફેરવાઈ ગયો. CCTV ફૂટેજમાં ટલ્લી ગેંગનો ત્રાસ
હુમલાના CCTV ફૂટેજ સામે આવ્યા છે, જેમાં હુસેન ટલ્લી અને તેની ગેંગ દ્વારા ઘાતકી રીતે ચપ્પુ વડે હુમલો કરતું દ્રશ્ય સ્પષ્ટ દેખાય છે. આ સમગ્ર ઘટના બાદ 10 દિવસ વીતી ગયા છતાં ટલ્લી ગેંગના સાગરિતો હજુ પોલીસની પકડથી દૂર છે, જેનાથી લોકોમાં ભયનો માહોલ સર્જાયો છે. વાહન પાર્કિંગ મુદ્દે શરૂ થયો ઝઘડો, બાદમાં લોહીલુહાણ હુમલો
પ્રાથમિક તપાસ મુજબ, હુસેન ટલ્લી અને એક સાગરિત રસ્તામાં અવરોધરૂપ ઊભા હતા. ત્યારે યુવક સરફરાઝ કાપડીયા ત્યાંથી પસાર થતાં ગેંગ તરફ જોયું, જે ટલ્લી ગેંગને ન ગમ્યું. “શૂં ઘૂરીને જોયું?” તેમ કહી હુસેન ટલ્લીએ તરત જ ચપ્પુ વડે હુમલો કર્યો અને સરફરાઝને સરાજાહેર ઘા માર્યા. હુમલાની ગંભીરતા
સરફરાઝ કાપડીયા પર ચપ્પુનો એક ઘા માર્યો હતો. CCTV ફૂટેજમાં ટલ્લી ગેંગની બેફામ હરકત કેદ થઈ હતી. 10 દિવસ બાદ પણ ગેંગના સાગરિત પોલીસ પકડથી દૂર છે. હાલ સીસીટીવી ફૂટેજ પણ સામે આવ્યા છે. મહિધરપુરા પોલીસે ટલ્લી ગેંગ વિરુદ્ધ ગુનો નોંધી તપાસ શરૂ કરી
આ ઘટના બાદ મહિધરપુરા પોલીસ સ્ટેશનમાં હુસેન ટલ્લી અને તેના સાગરિત વિરુદ્ધ ગુનો નોંધાયો છે. પોલીસે ગુનેગારોની શોધખોળ માટે ટીમો ગોઠવી છે, પરંતુ હજુ સુધી મુખ્ય આરોપીઓ પોલીસના હાથે નથી ચઢ્યા.
હુસેન ટલ્લી ગેંગનો આતંક:વાહન અડચણરૂપ જેવી નજીવી બાબતે યુવકને જાહેર રસ્તા પર ચપ્પુના ઘા માર્યા; CCTV
