સુરતના કુંભારિયા વિસ્તારમાં ધૂળેટીના પર્વ પર કારચાલકે સર્જેલા વિચિત્ર અકસ્માતમાં ચાર વર્ષીય માસૂમ બાળકીનું મોત નિપજ્યું છે. રસ્તા પર ટર્ન લેતી સમયે કારચાલકે પોતાની કાર બેફિકરાઈથી ચલાવી સુડા સહકાર રેસિડેન્સીના ગેટ સાથે અથડાવતા નજીકમાં રમી રહેલી વોચમેનની ચાર વર્ષીય બાળકી પર પડ્યો હતો. ત્યારબાદ કારચાલકે ગેટ પરથી કાર ફેરવી દેતા રણજિતા નામની માસૂમ બાળકીનું ઘટનાસ્થળ પર જ મોત નિપજ્યું હતું. પોલીસે અકસ્માત સર્જનાર કારચાલક હરેશ ઓળખીયાની ધરપકડ કરી વધુ તપાસ હાથ ધરી છે. હ્રદયદ્વાવક અકસ્માતની આ સમગ્ર ઘટના સીસીટીવીમાં કેદ થઈ હતી. કારની ટક્કરથી દરવાજો પડતા બાળકીનું મોત
14 માર્ચે ધૂળેટીના દિવસે પુણા કુંભારિયામાં આવેલી સુડા સહકારી રેસિડેન્સીમાં વોચમેન તરીકે નોકરી કરતા ક્રિશાજોગી વિશ્વકર્માની ચાર વર્ષીય બાળકી રણજિતા સોસાયટીના ગેટ નજીક રમી રહી હતી. આ સમયે જ સોસાયટીમાં રહેતા અને હીરા ઉદ્યોગમાં મજૂરી કરતા હરેશભાઈ ઓળખીયા તેમના મિત્રની કાર લઈને ત્યાં આવી રહ્યા હતા. તેઓ પોતાની આઈ-20 (GJ 05 RP 5854) કાર સોસાયટીના મુખ્ય ગેટમાંથી અંદર લઈ જઈ રહ્યા હતા ત્યારે બેફિકરાઈથી કારચલાવી સોસાયટીના લોખંડના દરવાજા સાથે અથડાવતા દરવાજો રણજિતા પર પડ્યો હતો. ત્યારબાદ હરેશભાઈએ પોતાની કાર દરવાજા માથેથી ફેરવી દીધી હતી. અકસ્માતની ઘટના સીસીટીવીમાં કેદ
સુડા સહકાર રેસિડેન્સીમાં બનેલી આ હચમચાવી દેતી ઘટના સીસીટીવીમાં કેદ થઈ હતી. જેમાં જોવા મળી રહ્યું છે કે, કારચાલક જ્યારે ગેટમાં પ્રવેશ કરી રહ્યો છે ત્યારે બેદરકારીપૂર્વક ગેટરને ટક્કર મારે છે. લોખંડનો ગેટ બાળકી માથે પડ્યા બાદ પણ કારચાલક પોતાની કાર રોકતો નથી અને ગેટ પરથી ફેરવીને અંદર પ્રવેશ કરે છે. જેના કારણે માસૂમ બાળકીના ઘટનાસ્થળે જ પ્રાણપંખેરું ઉડી ગયા હતા. માસૂમ બાળકીની માતાનું હૈયાફાટ રૂદન
સપરમાં દિવસે જ માસૂમ રણજિતાનું મોત થતા સોસાયટીના લોકો એકઠા થઈ ગયા હતા. રણજિતાના પિતા સોસાયટીમાં જ વોચમેન તરીકે ફરજ બજાવે છે. માસૂમ બાળકીની માતાના હૈયાફાટ રૂદનના કારણે સૌ કોઈની આંખો ભીની થઈ હતી. પોલીસે કારચાલકની ધરપકડ કરી
સ્થાનિક લોકોને જાણ થતાં તરત જ પોલીસે ઘટના સ્થળે પહોંચી કારચાલક હરેશભાઈ ઓળખીયાની ધરપકડ કરી લીધી છે. હાલ સાપરાધ મનુષ્ય વધની કલમ સાથે તેની કાર જપ્ત કરવામાં આવી છે અને વધુ તપાસ હાથ ધરવામાં આવી છે.
કારની ટક્કરથી દરવાજો માથે પડતા બાળકીનું મોત, CCTV:સુરતના કુંભારિયામાં માત્ર બે સેકન્ડમાં ચાર વર્ષીય બાળકીનો જીવ ગયો, માતાનું હૈયાફાટ રૂદન
