ઓલા ઇલેક્ટ્રિકના શેર આજે એટલે કે સોમવાર (17માર્ચ) ના રોજ લગભગ 8% ઘટ્યા છે. કંપનીના શેરમાં આ ઘટાડો તેની એક પેટાકંપની સામે નાદારીની અરજી કર્યા બાદ થયો છે. ઓલાના શેર રૂ. 47ની આસપાસ ટ્રેડ કારોબાર કરી રહ્યા છે. સમગ્ર બાબતને 3 મુદ્દાઓમાં સમજો આ મામલામાં ત્રણ કંપનીઓ ઓલા ઇલેક્ટ્રિક મોબિલિટી, તેની પેટાકંપની ઓલા ઇલેક્ટ્રિક ટેકનોલોજી પ્રાઇવેટ લિમિટેડ, અને રોસ્મર્ટા ડિજિટલ સર્વિસીસ લિમિટેડ જોડાયેલી છે. થોડા દિવસ પહેલા શોરૂમ પર દરોડા પાડવામાં આવ્યા હતા 8 માર્ચે, કેટલાક ઓલા શોરૂમ પર દરોડાના અહેવાલો આવ્યા હતા. ટ્રેડ સર્ટિફિકેટ ન હોવાને કારણે ટ્રાન્સપોર્ટ અધિકારીઓએ ઘણા શોરૂમ બંધ કરાવ્યા હતા અને વાહનો જપ્ત કર્યા હતા. આ સાથે, પરિવહન વિભાગ દ્વારા કંપનીને કારણદર્શક નોટિસ પણ આપવામાં આવી હતી. ઓલા ઇલેક્ટ્રિકે 2022 થી 4,000 શોરૂમ ખોલ્યા છે. રિપોર્ટ મુજબ, ફક્ત 3,400 શોરૂમ માટે જ ડેટા છે. 3400 શોરૂમમાંથી માત્ર 100 શોરૂમ પાસે મોટર વાહન અધિનિયમ હેઠળ જરૂરી ટ્રેડ સર્ટિફિકેટ હતા. કંપનીના 95%થી વધુ શોરૂમ પાસે નોંધણી વગરના ટુ-વ્હીલર્સના પ્રદર્શન, વેચાણ અને ટેસ્ટ રાઇડ્સ ઓફર કરવા માટે જરૂરી મૂળભૂત સર્ટિફિકેશન નથી. કંપની 1,000થી વધુ કર્મચારીઓને છૂટા કરશે અગાઉ એવા અહેવાલ હતા કે ઓલા ઇલેક્ટ્રિક 1,000થી વધુ કર્મચારીઓ અને કોન્ટ્રાક્ટ કામદારોને છૂટા કરશે. આ દ્વારા કંપની તેના વધતા નુકસાનને ઘટાડવા માંગે છે. આ નોકરી કાપથી પ્રોક્યોરમેન્ટ, ફુલફિલમેન્ટ, કસ્ટમર રિલેશન અને ચાર્જિંગ ઇન્ફ્રાસ્ટ્રક્ચર સહિત અનેક વિભાગોને અસર થશે. આ બાબતથી વાકેફ લોકોએ કહ્યું હતું કે આ છટણી ઓલા ઇલેક્ટ્રિકના ખર્ચને કન્ટ્રોલ કરવાના પ્રયાસોનો એક ભાગ છે. શેર ઓલ ટાઈમ હાઈથી 70% ઘટ્યા ઓગસ્ટ 2024માં શેરના લિસ્ટિંગ પછી, ઓલાનો શેર તેની પીક રૂ. 157.53 રૂપિયાથી લગભગ 70% ગગડ્યો છે. છેલ્લા એક મહિનામાં કંપનીના શેર લગભગ 20% ઘટ્યા છે. આ ઉપરાંત, ડિસેમ્બર 2024 સુધીમાં કંપનીનો બજાર હિસ્સો 49% થી ઘટીને 23% રહી ગયો.
