વલસાડ જિલ્લામાં SSC અને HSC બોર્ડની પરીક્ષાઓ શાંતિપૂર્ણ વાતાવરણમાં સંપન્ન થઈ છે. જિલ્લાના 55 કેન્દ્રોમાં આવેલી 152 શાળાઓમાં કુલ 49,849 વિદ્યાર્થીઓએ પરીક્ષા આપી હતી. SSCની પરીક્ષા 32 કેન્દ્રોમાં 89 શાળાઓના 1,073 વર્ગખંડોમાં 30,825 વિદ્યાર્થીઓ માટે યોજાઈ હતી. HSC સામાન્ય પ્રવાહમાં 15 કેન્દ્રોની 39 શાળાઓમાં 13,281 વિદ્યાર્થીઓએ પરીક્ષા આપી હતી. વિજ્ઞાન પ્રવાહમાં 8 કેન્દ્રોની 24 શાળાઓમાં 5,743 વિદ્યાર્થીઓ માટે વ્યવસ્થા કરવામાં આવી હતી. પરીક્ષા દરમિયાન CCTV કેમેરાની સતત નિગરાની રાખવામાં આવી હતી. જિલ્લા કલેક્ટર અને SP એ વિદ્યાર્થીઓને શુભેચ્છા પાઠવી હતી. શિક્ષણ વિભાગે વિદ્યાર્થીઓને કોપી ન કરવા અંગે જાગૃત કર્યા હતા. પરીક્ષા 27 ફેબ્રુઆરીથી 17 માર્ચ દરમિયાન યોજાઈ હતી. SSCની પરીક્ષા સવારે 10:30થી 1:45 અને HSCની પરીક્ષા બપોરે 3:00થી 6:15 દરમિયાન લેવામાં આવી હતી. બોર્ડની સ્ક્વોડ અને નિષ્ણાત શિક્ષકોની ટીમની ઉપસ્થિતિમાં પરીક્ષા યોજાઈ હતી. સમગ્ર પરીક્ષા દરમિયાન એકપણ કોપી કેસ નોંધાયો નથી.
