અમેરિકાના રાષ્ટ્રપતિ ડોનાલ્ડ ટ્રમ્પે ફરી એકવાર મોટો ટેરિફ બોમ્બ ફોડ્યો છે. ઓવલ ઓફિસમાં એક કાર્યક્રમ દરમિયાન તેમણે આ જાહેરાત કરી હતી કે યુએસમાં ઈમ્પોર્ટ કરવામાં આવતી તમામ વિદેશી કાર પર હવે 25% ટેરિફ લાદવામાં આવશે. સૌથી મોટી વાત એ છે કે અમેરિકાના રાષ્ટ્રપતિએ પોતાના નિવેદનમાં એ પણ સ્પષ્ટતા કરી છે કે આ કોઈ કામચલાઉ નિર્ણય નથી, પરંતુ કાયમી નિર્ણય છે. અમેરિકાના આ નિર્ણયથી ઓટોમોબાઈલ ક્ષેત્રની ઘણી અગ્રણી ભારતીય કંપનીઓને પણ અસર થઈ શકે છે.આમાં ટાટા મોટર્સથી લઈને મહિન્દ્રા અને આઈશર મોટર્સ સુધીની ભારતીય કંપનીઓ સામેલ છે. 3 એપ્રિલથી વસુલી શરૂ થશે ઓટો ઈમ્પોર્ટ પર 25 ટકાના હાઈ ટેરિફ લાદવાની જાહેરાત કરવાની સાથે રાષ્ટ્રપતિ ટ્રમ્પે કહ્યું કે અમેરિકા તે તમામ કાર પર આ અસરકારક રીતે ટેરિફ લાદશે જે દેશમાં બનાવવામાં આવતી નથી. જો તમે તમારી કાર અમેરિકામાં બનાવશો તો તેના પર કોઈ ટેરિફ લાગુ થશે નહીં. નવો ટેરિફ 2જી એપ્રિલથી લાગુ થવા જઈ રહ્યો છે અને તેની વસુલી પણ બીજા દિવસે એટલે કે 3જી એપ્રિલથી શરૂ થશે. એક્સપર્ટના મતે, આ પગલાથી અમેરિકન ગ્રાહકોને મોંઘવારીનો સામનો કરવો પડી શકે છે. તેમજ, ટ્રમ્પના આ નિર્ણયની અસર ભારતીય ઓટોમોબાઈલ ક્ષેત્ર સાથે જોડાયેલી કંપનીઓના શેર પર પડી શકે છે. તેની અસર ભારત પર જોવા મળશે
ઉલ્લેખનીય છે કે ભારતમાંથી અમેરિકામાં અનેક પ્રકારના વાહનોની નિકાસ થાય છે. ભારતથી અમેરિકા સુધી ઓટોમોબાઈલ, ટ્રક અને મોટરસાઈકલ નિકાસ કરવામાં આવે છે. જેમાં ટાટા મોટર્સથી લઈને આઈશર મોટર્સ સુધીના વાહનોનો સમાવેશ થાય છે. વર્ષ 2023માં ભારત યુએસમાં 37.14 મિલિયન ડોલરના મોટર વાહનોની નિકાસ કરવામાં આવી હતી. અત્યાર સુધી ભારત વિદેશથી આવતા વાહનો પર 100 ટકાથી વધુ ડ્યૂટી વસૂલતું હતું. ડોનાલ્ડ ટ્રમ્પે પણ ઘણી વખત આ વાતનો ઉલ્લેખ કર્યો છે. જો આપણે ભારતથી અમેરિકામાં નિકાસ થતી કારની વાત કરીએ તો તેમાંથી મોટાભાગની સેડાન અને હેચબેક કાર છે. ઓટો સેક્ટરમાં ટ્રેડ વોર વધવાનો ડર ઓટોમોટિવ ઘટકોના સંદર્ભમાં, ભારત અમેરિકામાં સૌથી મોટા નિકાસકારોમાં સામેલ છે. દેશમાંથી એન્જિન પાર્ટ્સ, ટ્રાન્સમિશન કમ્પોનન્ટ્સ અને ઇલેક્ટ્રિકલ સિસ્ટમ્સ સહિતની ઘણી પ્રોડક્ટ્સ અમેરિકા મોકલવામાં આવે છે.
ભારત સહિત વિશ્વભરના દેશોમાંથી અમેરિકા લગભગ 300 અબજ ડોલરના ઓટો પાર્ટ્સ આયાત કરે છે. 25 ટકા ટેરિફની જાહેરાત કરતી વખતે ડોનાલ્ડ ટ્રમ્પે કહ્યું કે આ નીતિ સ્થાનિક ઉત્પાદન (Domestic Manufacturing)માં મદદ કરશે. રાષ્ટ્રપતિ ટ્રમ્પની આ જાહેરાતથી માત્ર ભારત જ નહીં પરંતુ યુરોપ, જાપાન અને દક્ષિણ કોરિયા સહિતના મોટા ઓટોમોટિવ મેન્યુફેક્ચરિંગ દેશો પણ બિઝનેસમાં તણાવ વધવાનો ભય છે. ટાટાનો અમેરિકામાં મોટો બિઝનેસ ટાટા મોટર્સ એક ગ્લોબલ ઓટોમોબાઈલ કંપની છે અને તેનો અમેરિકામાં મોટો બિઝનેસ છે. તે જગુઆર લેન્ડ રોવર (JLR)ના માધ્યમથી ત્યાં કાર્યરત છે. ટાટા મોટર્સે 2008માં ફોર્ડ પાસેથી જગુઆર લેન્ડ રોવર (JLR) હસ્તગત કરી હતી, જે હવે ટાટા મોટર્સનો મહત્વનો ભાગ છે અને તે અમેરિકામાં પણ કાર્યરત છે. આ સિવાય રિપોર્ટ્સ અનુસાર મહિન્દ્રા એન્ડ મહિન્દ્રાનો યુએસએમાં બિઝનેસ છે. તેથી ભારે વાહનોની સાથે કંપનીની મોટરસાઈકલ રોયલ એનફિલ્ડની પણ ખૂબ માંગ છે. આ શેર પર અસર જોવા મળશે ટ્રમ્પના આ મોટા નિર્ણયની અસર ગુરુવારે શેરબજારમાં ટ્રેડિંગની શરૂઆત સાથે આ કંપનીઓના શેર પર જોઈ શકાય છે. ટાટા મોટર્સનો શેર બુધવારે 0.41% ઘટીને 707.40 રૂપિયા પર બંધ થયો હતો. આ સિવાય
આઇશર મોટર્સનો સ્ટોક પણ નજીવો 0.61% ઘટીને રૂ. 5,398 પર બંધ થયો હતો. મહિન્દ્રા એન્ડ મહિન્દ્રા શેર વિશે વાત કરીએ તો, તે 2742ની સપાટીએ બંધ થયો હતો.
અમેરિકાએ કરી ‘ઓટો ટેરિફ’ની જાહેરાત:વિદેશી કાર પર 25% ટેરિફ વસૂલશે, ટ્રમ્પે કહ્યું- ‘આ કાયમી છે’, દુનિયાભરમાં ઓટો સેક્ટરમાં ખળભળાટ; ભારતીય કંપનીઓને પણ અસર
