દેશની સૌથી મોટી પ્રાઇવેટ બેંક HDFCના શેરમાં આજે (4 એપ્રિલ) 2%નો વધારો થયો છે. હાલમાં તે રૂ. 30 વધીને રૂ. 1,824 પર ટ્રેડ થઈ રહ્યો છે. ઘટતા બજારમાં પણ નિફ્ટી 50 ઇન્ડેક્સમાં આ શેર સૌથી વધુ ગેનર છે. જોકે, નાણાકીય વર્ષ 2025ના ક્વાર્ટર (જાન્યુઆરી-માર્ચ)માં બેંકની ડિપોઝિટ અને લોન બુકમાં વધારો થયો છે. આ સાથે, બ્રોકરેજ ફર્મ જેફરીઝે HDFC નું બાય રેટિંગ પણ જાળવી રાખ્યું છે. HDFCના શેરમાં વધારાનાં કારણો ત્રીજા ક્વાર્ટરમાં નફો 2.2% વધ્યો નાણાકીય વર્ષ 2025 ના ઓક્ટોબર-ડિસેમ્બર ક્વાર્ટરમાં દેશની સૌથી મોટી ખાનગી બેંક HDFC નો સ્ટેન્ડઅલોન ચોખ્ખો નફો વાર્ષિક ધોરણે 2.2% વધીને રૂ. 16,736 કરોડ થયો છે. ગયા વર્ષે સમાન ક્વાર્ટરમાં તે ₹ 16,372.5 કરોડ હતો. HDFC બેંકની કમાણી વિશ્લેષકોના અંદાજ કરતાં વધુ હતી. વિશ્લેષકોએ રૂ. 16,650 કરોડના ચોખ્ખા નફાનો અંદાજ લગાવ્યો હતો. ડિસેમ્બર ક્વાર્ટરમાં, બેંકની કુલ આવક વાર્ષિક ધોરણે 7% વધીને રૂ. 87,460 કરોડ થઈ, જે ગયા વર્ષના સમાન ક્વાર્ટરમાં રૂ. 81,719 કરોડ હતી. જ્યારે જુલાઈ-સપ્ટેમ્બર ક્વાર્ટરમાં કુલ આવક રૂ. 85,499 કરોડ હતી.
