back to top
HomeમનોરંજનKBC-17માં અમિતાભ બચ્ચન જ હોસ્ટ હશે:પ્રોડ્યૂસર્સે નવો પ્રોમો પણ રિલીઝ કર્યો, અગાઉ...

KBC-17માં અમિતાભ બચ્ચન જ હોસ્ટ હશે:પ્રોડ્યૂસર્સે નવો પ્રોમો પણ રિલીઝ કર્યો, અગાઉ શાહરુખનું નામ ચર્ચાતું હતું; જાણો ક્યારે શરૂ થશે રજિસ્ટ્રેશન

‘કૌન બનેગા કરોડપતિ’ તેની 17મી સિઝન સાથે વાપસી કરી રહી છે. નિર્માતાઓએ તેનો નવો પ્રોમો પણ રિલીઝ કર્યો છે, જેમાં અમિતાભ બચ્ચને પોતે આ વાતની જાહેરાત કરી છે. આ દરમિયાન, બિગ બીએ KBC માટે નોંધણી ક્યારે શરૂ થશે તે પણ જણાવ્યું છે, પરંતુ આ શો ટીવી પર ક્યારે આવશે તે અંગે હજુ સુધી કોઈ માહિતી આપવામાં આવી નથી. જાણો KBC 17 માટે રજિસ્ટ્રેશન ક્યારે શરૂ થશે? સોની ટીવીએ તેના સોશિયલ મીડિયા પર પ્રોમો વીડિયો શેર કર્યો છે. તેના કેપ્શનમાં લખ્યું છે, 14 એપ્રિલથી હોટ સીટ પર આવવા માટે તૈયાર થઈ જાઓ. KBC રજિસ્ટ્રેશન અને અમારા AB ના પ્રશ્નો શરૂ થવાના છે. એવા અહેવાલો હતા કે બિગ બી કેબીસી છોડી શકે છે ખરેખર, છેલ્લા કેટલાક સમયથી એવા અહેવાલો આવી રહ્યા હતા કે અમિતાભ બચ્ચન KBC શો છોડી શકે છે. ગઈ સિઝન દરમિયાન તેમણે આવા અનેક ટ્વીટ પણ કર્યા હતા, જેનાથી આ અફવાઓને વધુ વેગ મળ્યો. એક ટ્વીટમાં તેમણે લખ્યું હતું કે, ‘હવે સમય આવી ગયો છે…’. ત્યારથી, તેમની નિવૃત્તિની અફવાઓ ફેલાવા લાગી હતી. જોકે, શો દરમિયાન પાછળથી બિગ બીએ પોતાના ટ્વીટ્સ પર સ્પષ્ટતા કરી હતી. તેમણે કહ્યું હતું કે ટ્વિટ કરીને તેઓ સૂઈ ગયા હતા. નવા હોસ્ટ તરીકે શાહરુખ ખાનનું નામ ચર્ચામાં હતું મીડિયા રિપોર્ટ્સ અનુસાર, ઇન્ડિયન ઇન્સ્ટિટ્યૂટ ઓફ હ્યુમન બ્રાન્ડ્સ (IIHB) અને એક જાહેરાત એજન્સીએ તાજેતરમાં એક સર્વે હાથ ધર્યો હતો, જેમાં શાહરુખ ખાનને ‘કૌન બનેગા કરોડપતિ’ (KBC) ના હોસ્ટ તરીકે વિકલ્પ તરીકે રાખવામાં આવ્યો છે. શાહરુખ ખાન અગાઉ 2007 માં KBC ની ત્રીજી સિઝનને હોસ્ટ કરી ચૂક્યો છે. KBC 16 માર્ચમાં સમાપ્ત થયો KBC ની છેલ્લી સીઝન 2024 માં પ્રસારિત થઈ હતી. આ સિઝનમાં, આમિર ખાન, જુનૈદ ખાન, વિદ્યા બાલન, ફરાહ ખાન અને અભિષેક બચ્ચન જેવા સ્ટાર્સ તેમના આગામી પ્રોજેક્ટ્સનું પ્રમોશન કરતા જોવા મળ્યા હતા. ‘હૂ વોન્ટ ટૂ બી અ મિલિયોનેર’ ની તર્જ પર બન્યો KBC KBC ની શરૂઆત 3 જુલાઈ, 2000 ના રોજ થઈ હતી. તેની શરૂઆત અંગ્રેજી ગેમ શો ‘હૂ વોન્ટ્સ ટુ બી અ મિલિયોનેર’ ની તર્જ પર થઈ હતી. આ શોએ તરત જ દર્શકો સાથે જોડાણ બનાવ્યું. એટલું જ નહીં, તેણે ઘણા સામાન્ય માણસોને એક મોટું પ્લેટફોર્મ આપ્યું અને આ જ કારણ છે કે તેના ઘણા વિજેતાઓના જીવન બદલાઈ ગયા. આ શો હંમેશા ટીઆરપીમાં પણ ટોચ પર રહે છે. એક સમયે, શાહરુખ ખાને પણ આ શોને હોસ્ટ કરી ચૂક્યો છે.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments