સોહા અલી ખાન તેની આગામી ફિલ્મ ‘છોરી 2’ને લઈ સમાચારમાં છે. એવામાં એક્ટ્રેસે તેના ભાઈ સૈફ અલી ખાન પર થયેલા હુમલા વિશે વાત કરી છે. તેણે કહ્યું કે- તે સમયે આખો પરિવાર ખૂબ જ ચિંતિત હતો, બધા ઇચ્છતા હતા કે તે જલ્દી સ્વસ્થ થઈ જાય. ‘ભગવાનનો ખૂબ-ખૂબ ધન્યવાદ કે સૈફ ઠીક છે’
સોહા અલી ખાને તાજેતરમાં પીટીઆઈ સાથે તેની આગામી ફિલ્મ અને સૈફ પરના હુમલા વિશે વાત કરી હતી. તેણે કહ્યું- મારા ભાઈ પર થયેલા હુમલાથી અમે બધા ખૂબ જ વ્યથિત છીએ. અમારી સૌથી મોટી ચિંતા એ હતી કે તે જલ્દી સ્વસ્થ થઈ જાય અને પહેલાની જેમ જ રહે અને પહેલાની જેમ જ કામ કરે. હવે તે સંપૂર્ણપણે સ્વસ્થ થઈ ગયો છે અને ફરીથી કામ કરવાનું પણ શરૂ કરી દીધું છે. ભગવાનનો ખૂબ ખૂબ ધન્યવાદ કે તે ઠીક છે. સૈફ પર હુમલો કરનાર આરોપીએ જામીન માગ્યા
સૈફ અલી ખાન પર હુમલો કરવાના આરોપમાં ધરપકડ કરાયેલા મોહમ્મદ શરીફુલ ઇસ્લામ શહઝાદે ગયા અઠવાડિયે મુંબઈ સેશન્સ કોર્ટમાં જામીન અરજી દાખલ કરી હતી. શરીફુલે પોતાના વકીલ દ્વારા દાવો કર્યો હતો કે તેણે કોઈ ગુનો કર્યો નથી અને તેની સામે નોંધાયેલો કેસ ખોટો છે. પોલીસે 19 જાન્યુઆરીએ થાણેથી ધરપકડ કરી હતી. 15 જાન્યુઆરીના રોજ સૈફ અલી ખાન પર તેમના ઘર, સતગુરુ શરણ એપાર્ટમેન્ટ્સમાં હુમલો થયો હતો. આ પછી સૈફ પોતે હોસ્પિટલ પહોંચ્યો. તેને હાથ, કરોડરજ્જુ અને પીઠમાં ઈજા થઈ હતી. સારવાર બાદ, એક્ટરને 21 જાન્યુઆરીએ રજા આપવામાં આવી હતી. પોલીસે બે દિવસ પછી બાંગ્લાદેશી નાગરિક શરીફુલ ઇસ્લામની ધરપકડ કરી હતી. ફિલ્મ ‘છોરી 2’માં સોહા વિલનની ભૂમિકા ભજવશે
સોહા અલી ખાન તેની આગામી ફિલ્મ ‘છોરી 2’માં વિલન તરીકે જોવા મળશે. આ ફિલ્મ 2021માં રિલીઝ થયેલી ‘છોરી’ ફિલ્મની સિક્વલ છે. આ હોરર ડ્રામા ફિલ્મનું ડિરેક્શ નુસરત ભરૂચા દ્વારા કરવામાં આવ્યું છે. ફિલ્મ ‘છોરી’ ડિરેક્ટર વિશાલ ફુરિયાની 2017ની મરાઠી ફિલ્મ ‘લપાછપી’ની રિમેક હતી. તેની વાર્તા એક ગર્ભવતી મહિલા પર આધારિત છે. ‘છોરી 2’ 11 એપ્રિલના રોજ OTT પ્લેટફોર્મ પ્રાઇમ વિડિયો પર રિલીઝ થશે.
‘આખો પરિવાર ખૂબ જ ચિંતિત હતો’:સૈફ પર થયેલા હુમલા અંગે બહેનનું રિએક્શન, સોહા અલી ખાને કહ્યું- ભગવાનનો આભાર કે તે ઠીક છે
