ઓસ્ટ્રેલિયાનો ઐતિહાસિક નવચંડી યજ્ઞ:10,000થી વધુ ભક્તોએ સિડની શહેરને એક દિવ્ય આધ્યાત્મિક ધામમાં ફેરવી દીધો, એક કલાકમાં 1.3 મિલિયનનું દાન આપ્યું

સિડની, ઓસ્ટ્રેલિયા – 5 એપ્રિલ, 2025 –એકતા, શ્રદ્ધા અને સંસ્કૃતિના શાનદાર ઉત્સવરૂપે ઉમિયા પરિવાર ઓસ્ટ્રેલિયા દ્વારા આયોજિત ઉમિયા માતાજીનો નવચંડી યજ્ઞ, સિડની શહેરને એક દિવ્ય આધ્યાત્મિક ધામમાં ફેરવી દીધો. આ દિવસભર ચાલેલા પવિત્ર આયોજનની શરૂઆત સવારના 6 વાગ્યે થઈ અને રાત્રે 11 વાગ્યે પરંપરાગત તારા તળે ગરબાની મહેફિલ સાથે સમાપ્ત થયું. જે ઓસ્ટ્રેલિયામાં વસતા કડવા પાટીદાર સમાજ માટે “ઘરથી દૂર ઘર” જેવી અનુભૂતિ બની. ઇતિહાસમાં પ્રથમવાર, આ સમગ્ર કાર્યક્રમનો લગભગ 10 કલાક લાંબો YouTube જીવંત પ્રસારણ થયો — જેનાં માધ્યમથી ભારત, અમેરિકા, યુકે, કેનેડા, આફ્રિકા અને અન્ય દેશોમાંથી હજારો ભક્તો જોડાયા, ભક્તિ અને ભાવના સાથે હૃદયોથી હૃદય જોડાયા. 1.3 મિલિયન ડોલર એક કલાકમાં દાનરૂપે સંકલ્પ
ઓસ્ટ્રેલિયામાં વસતા કડવા પાટીદાર સમાજના 38થી વધુ સંગઠનોએ મળી ઉમિયા પરિવાર ઓસ્ટ્રેલિયાની રચના કરી — જે હવે દેશના સૌથી મોટા એકતા સમૂહોમાંથી એક છે. દિવસનો સૌથી ભાવનાત્મક ક્ષણ હતો મંદિર સંકલ્પ. જ્યાં 10,000થી વધુ ભક્તોએ શ્રી ઉમિયા મંદિર નિર્માણનો સંકલ્પ લીધો જેનું દ્રષ્ટિ પત્ર $10 મિલિયન છે જેમાં શામેલ છે: • મા ઉમિયાનું મંદિર
• શિવ મંદિર
• સાંસ્કૃતિક અને સમુદાય કેન્દ્ર
• શિક્ષણ કેન્દ્ર
• યુવા કેન્દ્ર
• હવનશાળા માત્ર એક જ કલાકમાં, ભક્તોએ $1.3 મિલિયનનું દાન આપ્યું. જે આ પવિત્ર યાત્રાનું મહત્વપૂર્ણ મોંઢું બન્યું. પ્રથમ વાર આયોજિત યુવા કાર્યક્રમમાં 500થી વધુ યુવાનોની ભાગીદારી
આ આયોજનમાં ઉમિયા પરિવારનો પહેલો યુવા કાર્યક્રમ પણ યોજાયો. જેમાં 500થી વધુ યુવાનોએ રમતો, શૈક્ષણિક વર્કશોપ અને સાંસ્કૃતિક કાર્યક્રમોમાં ભાગ લીધો — જે ભવિષ્યના નેતૃત્વ અને સંસ્કૃતિની મજબૂત જડોને દર્શાવે છે. “પ્રસાદ રૂપે મળ્યો માતાજીનો આર્શીર્વાદ”
શ્રદ્ધા અને પ્રેમના સ્વાદરૂપે 20,000થી વધુ લાડુઓ ખાસ તૈયાર કરીને માતાજીના પ્રસાદ રૂપે ભક્તોને વિતરણ કરવામાં આવ્યા. જે સમગ્ર મેદાનમાં આનંદ અને આશીર્વાદની લહેર ફેલાવી ગઈ. “આધ્યાત્મિક શક્તિ અને રાજકીય સહકારનો સંયોગ”
આ પવિત્ર કાર્યક્રમમાં ઓસ્ટ્રેલિયાના પ્રસિદ્ધ રાજકીય આગેવાનો જેવી કે મંત્રી મિશેલ રોલેન્ડ, સુસાઈ બેન્જામિન અને ડૉ. રતન વીરક ઉપસ્થિત રહ્યા, જેમણે ઉમિયા પરિવારના સામાજિક અને સાંસ્કૃતિક યોગદાનની પ્રશંસા કરી. મહત્વની જાહેરાતમાં જણાવાયું કે, “શ્રી ઉમિયા મંદિરના ગ્રાન્ડ ઓપનિંગ“માં ઓસ્ટ્રેલિયાના આગામી વડાપ્રધાન પાર્ટી કોઈ પણ હોય, હાજર રહેશે.