ઓલિમ્પિક ગેમ્સ 2028માં ક્રિકેટના મેન્સ અને વુમન્સ બંને કેટેગરીમાં કુલ 6 ટીમ ભાગ લેશે. ઈન્ટરનેશનલ ઓલિમ્પિક કમિટી (IOC)એ બુધવારે આ જાહેરાત કરી હતી. બંને કેટેગરીમાં બધી 6 ટીમ પોતપોતાની ટીમમાં 15 સભ્યોની પસંદગી કરી શકે છે. ગયા વર્ષે ઓલિમ્પિકમાં ક્રિકેટનો સમાવેશ કર્યો હતો. આમાં, ક્રિકેટના T-20 ફોર્મેટની પસંદગી કરી છે. ઓલિમ્પિકમાં ફક્ત એક જ વાર ક્રિકેટ રમાયું હતું ઓલિમ્પિકમાં ક્રિકેટનો સમાવેશ ફક્ત એક જ વાર થયો હતો. 128 વર્ષ પછી ક્રિકેટ ઓલિમ્પિકમાં પરત ફરશે. આ પહેલા 1900ના પેરિસ ઓલિમ્પિકમાં ક્રિકેટનો સમાવેશ કર્યો હતો. ત્યારે ગ્રેટ બ્રિટન અને ફ્રાન્સની ટીમે તેમાં ભાગ લીધો. ગ્રેટ બ્રિટને ગોલ્ડ મેડલ જીત્યો અને ફ્રાન્સે સિલ્વર મેડલ જીત્યો. બંને ટીમ વચ્ચે ફક્ત એક જ મેચ રમાઈ હતી અને આ મેચને ફાઈનલ જાહેર કરવામાં આવી હતી. ક્વોલિફિકેશન વિશે હજુ સુધી કોઈ માહિતી નથી
ક્રિકેટ ઇવેન્ટ્સ કયા સ્થળે રમાશે તેની જાહેરાત હજુ સુધી કરવામાં આવી નથી. જોકે, ન્યૂયોર્ક મેચનું આયોજન કરવાની રેસમાં છે. 2028 ઓલિમ્પિક માટે ક્વોલિફિકેશન પ્રક્રિયા વિશે હજુ સુધી કોઈ માહિતી આપવામાં આવી નથી. અમેરિકા લોસ એન્જલસ ઓલિમ્પિકમાં રમશે તે નિશ્ચિત માનવામાં આવે છે, કારણ કે તેમને યજમાન ક્વોટાનો લાભ મળશે. આનો અર્થ એ થશે કે અમેરિકા ઉપરાંત, પાંચ વધુ ટીમ ભાગ લઈ શકશે અને તેમને ક્વોલિફિકેશન પ્રક્રિયામાંથી પસાર થવું પડશે. કોમનવેલ્થમાં બે વાર ક્રિકેટ રમાયું હતું
1998 અને 2022માં બે વાર કોમનવેલ્થ ગેમ્સમાં ક્રિકેટનો પણ સમાવેશ કરવામાં આવ્યો છે. 2010, 2014 અને 2023માં ત્રણ વાર ક્રિકેટને એશિયન ગેમ્સમાં સ્થાન મળ્યું હતું. 2023ની એશિયન ગેમ્સમાં, ભારતે મેન્સ અને વુમન્સ બન્ને કેટેગરીમાં પોતાની ટીમ મોકલી હતી અને ભારતે બંનેમાં ગોલ્ડ મેડલ જીત્યા હતા. 351 મેડલ ઇવેન્ટ્સ હશે
2028ના ઓલિમ્પિકમાં કુલ 351 મેડલ ઇવેન્ટ્સ હશે, જે 2024માં પેરિસમાં યોજાયેલી 329 ઇવેન્ટ્સ કરતાં 22 વધુ છે. કુલ ખેલાડીઓની સંખ્યા 10,500 સુધી મર્યાદિત કરવામાં આવી છે. આમાં 5,333 મહિલા અને 5,167 પુરુષ રમતવીરોનો સમાવેશ થાય છે. ક્રિકેટના આ સમાચાર પણ વાંચો… કોહલીએ કહ્યું- IPLએ મારી T20 રમતમાં સુધારો કર્યો: પહેલી સિઝનમાં મને ડર લાગતો હતો, દ્રવિડ અને કુંબલે જેવા દિગ્ગજો સાથે ડ્રેસિંગ રૂમ શેર કરવો મારું સપનું હતું વિરાટ કોહલીએ કહ્યું કે IPLને કારણે તેની T20 રમતમાં સુધારો થયો છે. IPLની પોતાની ડેબ્યૂ સીઝન વિશે Jio Hotstar સાથે વાત કરતા, 36 વર્ષીય કોહલીએ કહ્યું, “જ્યારે હું પહેલીવાર IPL રમ્યો ત્યારે હું સંપૂર્ણપણે ડરી ગયો હતો. હું ઝહીર અને યુવરાજ સિવાય બીજા કોઈ ક્રિકેટરને મળ્યો ન હતો. મારા જેવા નવા ખેલાડી માટે, અનિલ કુંબલે અને રાહુલ દ્રવિડ જેવા દિગ્ગજો સાથે ડ્રેસિંગ રૂમ શેર કરવો એ કોઈ સ્વપ્નથી ઓછું નહોતું. ‘ સંપૂર્ણ સમાચાર વાંચો…
લોસ એન્જલસ ઓલિમ્પિકમાં 128 વર્ષ પછી ક્રિકેટ રમાશે:15-15 ખેલાડીઓની સાથે ઉતરી શકશે 6 ટીમ; જોકે ક્વોલિફિકેશન પ્રોસેસ અંગે હજુ કોઈ ફોડ પાડ્યો નથી
