મહવશ-ચહલની રિલેશનશિપ કન્ફર્મ?:RJએ ઇન્સ્ટા પોસ્ટમાં યુઝીને ટેગ કરી લખ્યું- મુશ્કેલ પરિસ્થિતિમાં તેમની પાછળ પહાડની જેમ ઊભી રહીશ; ચહલે આપી કંઈક આવી પ્રતિક્રિયા

જ્યારથી ભારતીય ક્રિકેટર યુઝવેન્દ્ર ચહલ તેની કોરિયોગ્રાફર અને ડાન્સર પત્ની ધનશ્રી વર્માથી અલગ થયો છે, ત્યારથી સોશિયલ મીડિયા પર તેના વિશે ઘણી ચર્ચા થઈ રહી છે. ઘણા અહેવાલોમાં એવો દાવો કરવામાં આવી રહ્યો છે કે યુઝવેન્દ્ર ચહલે આરજે મહવશ સાથેના સંબંધમાં આવ્યા પછી જ તેની પત્ની ધનશ્રી વર્માને છૂટાછેડા આપવાનો નિર્ણય લીધો હતો. તેના અને સોશિયલ મીડિયા ઇન્ફ્લુએન્સર આરજે મહવશ એકબીજાને ડેટ કરી રહ્યા હોવાના ઘણા અહેવાલો છે. આ વચ્ચે RJ મહવશે તેના ઇન્સ્ટાગ્રામમાં એક પોસ્ટ કરી છે, જેમાં તે IPLની ટીમ પંજાબ કિંગ્સના પ્લેયર ચહલને સપોર્ટ કરતી જોવા મળે છે. આ પોસ્ટમાં તેણે એવું કંઈક લખ્યું જેનાથી ફેન્સ તેને આ બંને વચ્ચેનો સંબંધ કન્ફર્મ માને છે. મહવશ IPL મેચમાં ચહલ અને તેની ટીમનો ઉત્સાહ વધારતી જોવા મળી
યુઝવેન્દ્ર ચહલ અને આરજે મહવશ ઘણીવાર સાથે જોવા મળે છે અને મહવશ હંમેશા IPL મેચ દરમિયાન ચહલના પંજાબ કિંગ્સ માટે ચીયર કરતી જોવા મળે છે. 8 એપ્રિલ, 2025ના રોજ આરજે મહવશે ચંડીગઢમાં પંજાબ કિંગ્સની IPL મેચમાં પણ હાજરી આપી હતી. અહીં તે ચહલ અને તેની ટીમનો ઉત્સાહ વધારતી જોવા મળી. આ મેચના એક દિવસ પછી, એટલે કે 9 એપ્રિલ, 2025 (બુધવાર)ના રોજ, તેણે તેના ઇન્સ્ટાગ્રામ એકાઉન્ટ પર સ્ટેડિયમની ઘણી તસવીરો શેર કરી. એક ફોટામાં આરજે મહવશ સ્ટેન્ડમાંથી જોરથી ચીયર કરતી જોવા મળે છે. બીજા ફોટામાં, આરજે મહવશ ક્રિકેટર ચહલ સાથે સેલ્ફી લેતા જોવા મળે છે. આરજે મહવશે પોસ્ટના કેપ્શનમાં શું લખ્યું?
આરજે મહવશે યુઝવેન્દ્ર ચહલ અને તેની ટીમને પોતાનો ટેકો વ્યક્ત કર્યો છે. તેણીએ લખ્યું છે- દરેક મુશ્કેલ પરિસ્થિતિમાં તેમની પાછળ પહાડની જેમ ઉભી રહીશ. અમે બધા તમારી સાથે છીએ યુઝવેન્દ્ર ચહલ @yuzi_chahal23. યુઝવેન્દ્ર ચહલે શું પ્રતિક્રિયા આપી?
આરજે મહવશે આ પોસ્ટ શેર કર્યા પછી તરત જ, યુઝવેન્દ્ર ચહલે તેના પર પોતાની પ્રતિક્રિયા આપી છે. યુઝવેન્દ્ર ચહલે ટિપ્પણી કરી અને લખ્યું- તમે મારી કરોડરજ્જુ છો. મને હંમેશા ઉંચો રાખવા બદલ આભાર. આરજે મહવશ અને યુઝવેન્દ્ર ચહલની વધતી જતી નિકટતા
આરજે મહવશે તેના નવા સંબંધ અંગે હજી કોઈ સત્તાવાર જાહેરાત નથી કરી. તેણે સોશિયલ મીડિયા પર સ્પષ્ટપણે કહ્યું છે કે તે હાલમાં સિંગલ છે, પરંતુ આ હોવા છતાં, તે ઘણીવાર યુઝવેન્દ્ર ચહલ સાથે અથવા તેની આસપાસ જોવા મળે છે. તાજેતરમાં બંને ચેમ્પિયન્સ ટ્રોફીની મેચ જોવા દુબઈ ગયા હતા
તમને જણાવી દઈએ કે આરજે મહવશ અને યુઝવેન્દ્ર ચહલના ડેટિંગની અફવાઓ પહેલીવાર ડિસેમ્બર 2024માં ચર્ચામાં આવી હતી. તે સમયે આરજે મહવશે તેના ઇન્સ્ટાગ્રામ એકાઉન્ટ પર એક તસવીર શેર કરી હતી જેમાં તે ક્રિકેટર યુઝવેન્દ્ર ચહલ અને તેના મિત્રો સાથે ક્રિસમસની ઉજવણી કરતી જોવા મળી હતી. બાદમાં યુઝવેન્દ્ર ચહલ એક મિસ્ટ્રી ગર્લ સાથે પણ જોવા મળ્યો, જેના વિશે લોકોનો દાવો હતો કે તે બીજું કોઈ નહીં પણ આરજે મહવશ હતી. તાજેતરમાં, બંને ચેમ્પિયન્સ ટ્રોફીની મેચ જોવા માટે દુબઈના સ્ટેડિયમમાં સાથે પહોંચ્યા હતા. તેના ફોટા અને વીડિયો સોશિયલ મીડિયા પર વાઇરલ થયા હતા. યુઝવેન્દ્ર ચહલ અને આરજે મહવશને લગતા આ સમાચાર પણ વાંચો… ‘વોહી મેરા હસબન્ડ હોગા…’:ચહલ સાથે ડેટિંગની અફવાઓ વચ્ચે RJ મહવશની પોસ્ટ વાઇરલ, ધનશ્રીને ટોણો માર્યો! ક્રિકેટર યુઝવેન્દ્ર ચહલ IPLમાં શાનદાર પર્ફોર્મ કરી રહ્યો છે. બીજી તરફ તેની પર્સનલ લાઈફના કારણે પણ તે ચર્ચામાં રહેતો હોય છે. હાલમાં ક્રિકેટરનું નામ RJ મહવશ સાથે જોડાઈ રહ્યું છે. બંનેના ફોટો વાઇરલ થયા બાદ અફવાઓને વેગ મળ્યો હતો. હવે RJ મહવશની એક રહસ્યમય પોસ્ટ સામે આવી છે, જેને જોઈ ફેન્સ માની રહ્યા છે કે આ મેસેજ ચહલ માટે છે. સંપૂર્ણ સમાચાર વાંચો…